آيات مشهورة من الكتاب المقدس منYaya 3

شارك

At Ala nen yi aap ndi aap abok inabuwa nggwok lombok mbareegerak me, at aput ambolom ndarak an aret nappani wogoragagerak. Togop me, it aakumi iniki noba panggombunuk, abet nombakwi iinok, lek eerogo piyaagin lek ineenik mondok-mondok aret logogun o.

Ala nen at aput an nogo it aakumi abok inowak loonogo maluk onggo inoba piyaakit nduk, o nggween paga yime nappani woroolik. Ata, it aakumi abok inagap ndarikit nduk aret nappani wagagerak.

Yoge mbareegi, at Yetut nen onggo at yoge logonet, “Aap ambit-ambi ngget nda'naga'lek kenok, Ala abu'me piige menggim enegen kaagin lek o, yinuk, mondok abet aret yokkigi o.”

It aakumi iniki an noba panggombunuk, abet nombakwi iinok, Ala nen inowak loonogo maluk onggo inoba piyaagin lek kwe, it iniki an noba panggombunuk, abet nombaka'lek iinok perak, it iniki Ala aput ambolom ndarak an nogo noba panggombunuk, abet nombaka'lek me, muk inowak loonogo maluk onggo inoba piigerak wonogo agaarik o.

Ala nen inowak loonogo maluk onggo inoba piyoorak alom nogo yi aret. At eya eeginake menggerak nogo o nggween paga yime muk wambi wagagerak kwe, it aakumi ti, maluk mban eeko menggaarak me, At eya nogo ti, nineebi o, mba'nuk, o apit mban inikilom mbako menggaarak.

At tiyak ari kagak, an tebek yuurak agaarak o,” yinuk, yoragagerak.

Yi aap ndi aap maluk eeko menggaarak nogo nen it maluk eekwi pagak ari kero, At eya nogo ti, nineebi o, yinuk, owagam wogolik kwe

It aakumi iniki Ala aput oba panggombunuk, abet mbakwi iinok, mondok-mondok ineenik aret logogun kwe, it ando Ala aput oone konembunuk, eeka'lek iinok perak, ineenik logogun lek o. Ala anini inoba aret logogin o,” yinuk, yoragagerak.

At Muta o karume logonet, waalo ogut wakkagak eerogo mippereegerak nogo kokwak, an aap aret nda'nagagirak nogo, it aakumi iniki noba panggombunuk, abet nombakwi iinok, mondok-mondok ineenik logowak nduk, an togop aret mippanugun o.

Ogoba nen aput iniki kunik menggerak me, yi eekak ndi eekak apit aret at eeke logowak nduk, unde eeppereegerak.