آيات مشهورة من الكتاب المقدس منYAHYA 6

شارك

“Wau̒lo roti tamongohi mai tutumulo,” tahuda mao̒ li Isa olimongolio. “Taa u monao̒ mai ode ola-U̒ diila tapolaangolo poli u ohiheo-hiheolo mao̒.” Wau taa u palacaya ola-U̒ diila tamotoa̒ngo poli u ohiheo-hiheolo mao̒.

Tamohutu mai manusia tumumulo yito Rohullah. Olootolo manusia diaaluo hunalio. Tataa-heyaalo upilo tahuda-U̒ mai olemu botie tataa-heyaalo Rohullah wau tataa-heyaalo u mongohi tutumulo.

Diila mao̒ pokalaja u moo̒tapu mai ua̒alo u mowali mopulito wau mobunuto. Pokalajaalo u moo̒tapu mai ua̒alo udiila mowali mobunuto u mongohi tutumulo ututuulio tutu wau ohiheo-hiheolo mao̒. Ua̒alo boito mawohi mai lo Walao̒ Manusia olemu, sababu Tio mapiluduo̒ lo Allahu Taa̒ala.”

Memangi uti-utieelo u otohilaa li Paapa-U̒: alihu ngoa̒amila tau moo̒onto to Walao̒ boito wau palacaya o-Lio o tutumulo tutu wau ohiheo-hiheolo mao̒, wau muli bongulo-U̒ mai to Dulahu Kiama.”

Ti Isa lolametao̒, “Utieelo u otohilaa lo Allahu Taa̒ala monto olimongoli: pomalacayalo o-Lio tailao mai lo Allahu Taa̒ala.”

Ngoa̒amila tailudu mai li Paapa ode ola-U̒ mamonao̒ mai ode ola-U̒. Wau̒ diila tamopo touli boli tatoonu tamonao̒ mai ode ola-U̒.

“Eeya,” ualei Simon Petrus o-Lio, “ode tatoonu mongowatotia musi monao̒? Tahuda lo Eeya mongohi tutumulo ututuulio tutu wau ohiheo-hiheolo mao̒.

Wau̒lo roti u lotuhutai lonto sologa – roti u mongohi tutumulo. Taa u molamela roti botie matumumulo ohiheo-hiheolo mao̒. Roti u mawohi-U̒ ode tutumulo manusia todunia ui-uitolo tapu-U̒.”

Diaaluo penu boli ngotaa tamowali monao̒ mai ode ola-U̒, wonu Allahu Taa̒ala talolao ola-U̒, diila modelo mai olio ode ola-U̒; wau tatoonu tamonao̒ mai ode ola-U̒, mabongulo-U̒ to Dulahu Kiama.

Sababu roti uwohi mai lo Allahu Taa̒ala yito Tio tamo tuhutai monto sologa wau mongohi tutumulo ode manusia todunia.”

Wau̒lo roti tamongohi mai tutumulo.

Lapatao̒ ti Isa malohama roti boito tulusi losukuru mola ode Allahu Taa̒ala. Lapatao̒ uito Tio lolaya-layadeo̒ roti boito totaa dadaata. Lapatao̒ Tio lolaya-layadeo̒ uponula boito, wau timongolio malo lamelo lotolu-toluulo mao̒. Lapatao̒ ngoa̒amilalo malo lamelo tunggula lobutuhu ti Isa lotahuda ode tahidudua̒ o-Lio, “Yimoa̒lo labitio lo ua̒alo boito; diila bolo woluo u mohua̒yadu.”

Tou̒ malobite mota tanu limo meaalo wolomo kilo, timongolio loo̒onto mota li Isa tahu-tahudei ode bulotu wau nao̒nao̒ totudu lotaluhu. Timongolio mailoohe daa̒. Boti Isa lotahuda olimongolio, “Diila oohe, utie Wau̒!”