آيات مشهورة من الكتاب المقدس منYOHANES 4

شارك

Nasaba' Roh anjo Allata'ala, jari lanri koasa RohNa Allata'ala bawang nakkulle anynyomba rupataua mae ri Manggea salaku Allata'ala matojenga.”

Mingka lanarapiki wattunna, ba'lalo narapi'mi wattunna, angkanaya lanri koasaNa RohNa Allata'ala nalanynyomba taua ri Manggea salaku Allata'ala matojenga situru' Nakaerokanga Manggea.

Mingka inai-nai angnginungi je'ne' Kupassareanga, tenamo nalaturere sa'genna satunggu-tungguna. Nasaba' anjo je'ne' laKupassareanga la'jarimi timbuseng je'ne' lalang ri kalenna, tassolonga assulu' na napassareang katallassang satunggu-tunggua.”

Appialimi Isa Nakana, “Ka'de' nanuasseng passareNa Allata'ala, siagang nanuasseng todong angkana inai appalaka je'ne' ri kau, mattantu ikau kalennu lappala' je'ne ri Ia, na Nasareko je'ne' katallassanga.”

Nakanamo Isa, “Ia kanreKu iNakke, iamintu anturuki ero'Na Ia assuroA' battu, siagang ampa'le'baki jamang-jamang Napassareanga ri Nakke.

Nakanamo anjo bainea, “Tena se'rotTa tuang, siagang anne bungunga teai sipato' lantanna. Battu kemaeKi' akkulle langgappa je'ne' katallassang?

Nakanamo anjo bainea ri Isa, “Kuassengi angkanaya labattui Karaeng Mappasalamaka (nigallaraka Almasi). Punna niaki battu, Iami lampauang ngasengki' sikontu apa-apa tenaya nipahangi.” Nakanamo Isa, “INakke minne. INakke minne battua, a'bicaraya siagang ikau.”

“Umba mange anciniki tau akkullea ampauanga' sikontu apa le'baka kugaukang. Maka Iami kutadeng anjo taua Karaeng Mappasalamaka?”