آيات مشهورة من الكتاب المقدس منLUKAS 11

شارك

Jijai amen udi de jahat namen melei pelei de baik ngen anok-anoknu. Jano igai Bapanu de neak surgo! Si bakea melei Roh Sucai ngen tobo'o de minoi ngen-Si.”

Kerno o, Uku madeak ngen ko: Minoiba, mako ko bakea nelei; nesoaba, mako ko bakea dapet; kentukba, mako bang bakea nukok utukko.

Kerno tiep tun de minoi, bakea temimo ngen tiep tun de mesoa, bakea dapet ngen tiep tun de kemtuk, bakea nukok bangne.

Jawab Yesus ngen tobo'o, “Amen udi bedu'o, nadeakba: ‘Bapa, senucaiba gen-Nu; tekoba Kerajaan-Nu.

Ngen napunba duso keme, sebab keme kulo mapun setiep tun de besaleak ngen keme. Ngen jibeakba munyau kepercayaan keme nyep, waktau keme cenubo.’ ”

Neleiba keme setiep bilai kembuk de secukupne.

Matainu adeba lapu bagiak awoknu. Amen matainu baik, te'angba kute awoknu, tapi amen matainu kidek, kelemba awoknu.

“Coa suang kulo de masang lapu lajau mpekne neak beak umeak atau neak beak ratang, tapi neak das kekea lapu, supayo kute tun de masuk, dapet kemliak cahayone.