آيات مشهورة من الكتاب المقدس منLUKAS 3

شارك

Sesudo dibaptis kute tun o, Yesus dibaptis kulo. Ngen waktau Yesus gidong bedu'o, tukokba lenget. Roh Allah tu'un moi das Yesus awei burung daro. Lajau teti'uk sa'ei Allah madeak, “Koba Anok-Ku de Uku kemasiak. Ko semnang atei-Ku.”

Do'o sebabne Yohanes madeak ngen tobo'o kute, “Uku baptis ko ngen bioa, tapi konyo bakea teko Tun de lebiak lai kunei uku. Mukok tilai sepatu-Ne kulo uku coa patut. Si bakea baptis ko ngen Roh Allah ngen opoi.

Tunjukba ngen plep ko bahwo ko sudo betobat kunei duso-dusonu! Jibeak muloi madeak Abraham adeba ninik puyang ko. Inget: Kunei butau-butau yo kulo Allah nam menea royot utuk Abraham!

Kapok sudo tesedio pado balet pun ngen tiep pun de coa masea buak de baik, bakea tenbang ngen nuang moi lem opoi.”

Awei ade tetulis lem kiteb Nebai Yesaya: “Ade sa'ei de madeak neak benei libea, ‘Seniapba dalen utuk Tuhan, lu'usba dalen bagiak-Ne. Tiep lekok bakea tenimbun, tiep tebo ngen bakea jijai rato, de belikau bakea jijai lu'us, de be lekok-lekok bakea jijai rato. Ngen kute tun bakea kemliak Allah semlamat manusio!’ ”