آيات مشهورة من الكتاب المقدس منLUKAS 6

شارك

Neleiba ngen tun luyen, supayo Allah kulo melei ngen ko. Udi bakea temimo pelei de kembiak dau de sudo tenakea padet-padet utuknu. Sebab takea de udi makei utuk tun luyen bakea nakei Allah utuknu.”

Tun de baik kemluea hal-hal baik kerno ateine baik. Tun de jahat kemluea hal-hal de jahat kerno ateine penuak ngen jahat. Sebab jano de nucep ngen bibia do'oba de keluea kunei atei.”

Seharusne iso awei'o! Udi sebelekne harus mengasiak musuaknu ngen menea baik ngen tobo'o. Udi harus melei minjem, ngen jibeak ma'ep dapet melek. Amen awei yo, upeaknu bakea lai ngen udi bakea jijai anok-anok Allah De Kembiak lekat. Sebab Allah baik atei te'adep tun de coa namen mokasiak, ngen te'adep de kidek kulo.

Lokba udi mu'eak atei, serai awei Bapanu adeba mu'eak atei.”

“Jibeakba makim tun luyen, supayo udi suang kulo jibeak Allah makim. Jibeakba mukum tun luyen, supayo udi suang kulo jibeak Allah mukum. Napunba tun luyen, supayo Allah kulo mapun udi.

“Tapi ngen ko, de temi'uk Uku, Uku madeak: Kasiakba musuaknu, meneaba baik ngen tun de jemngik ko; minoiba berkat bagiak tun de kemutuk ko; bedu'oba bagiak tun de kemidek ko.

Amen ko lok tun luyen bebaik ngen ko, bebaik kulo ba ngensi.

Amen tun tempok papeanu de do, kunyauba si tempok papeanu de depeak kulo. Amen jubahnu nebut, neleiba kulo bajaunu. Amen tun minoi sesuaktau ngen ko, neleiba do'o ngen si; ngen amen hoknu nebut, jibeakba meminoine igai.

“Pun de subur coa masea buak de kidek. Awei'o pun de coa subur coa masea buak de baik.

Tiep pun kenal kunei buakne. Sakea betebok coa masea buak ara, ngen sakea betebok coa masea buak anggur.