آيات مشهورة من الكتاب المقدس منMatius 10

شارك

Yesus bilang lagi pa Dia pe murit-murit, “Dengar e! Kita utus pa ngoni pigi di tenga-tenga orang jahat, itu sama deng domba pe ana satu ekor pigi di tenga-tenga anjing utang. Jadi ngoni musti banya akal sama deng ular, deng ngoni pe hati musti tulus sama deng burung pombo.

Jadi sapa yang hidup cuma untuk dia pe diri sandiri, dia itu akan mati tapisa deng Tuhan Allah slama-lamanya. Tapi, sapa yang kase dia pe hidup karna iko pa Kita, dia itu akan dapa hidup deng Tuhan Allah slama-lamanya.”

Ngoni me jang tako pa manusia. Karna manusia cuma mampo bunu ngoni pe badan, tapi tarada kuasa untuk bunu ngoni pe jiwa. Tako saja pa Tuhan Allah yang ada kuasa untuk bunu ngoni pe badan kong hukum ngoni pe jiwa di neraka.

Sapa yang tara pikul dia pe salib, itu berarti dia tara siap menderita sampe mati deng iko pa Kita, dia itu tara pantas mo iko pa Kita.

Sapa yang mangaku percaya pa Kita di orang banya pe muka, nanti Kita me akan mangaku, Kita kanal pa dia di Kita pe Bapa di sorga pe muka. Tapi sapa yang manyangkal pa Kita di orang banya pe muka, nanti Kita me akan manyangkal pa dia di Kita pe Bapa di sorga pe muka.”

Ngoni kase sembu suda pa orang-orang yang saki, kase hidup ulang pa orang-orang yang so mati, kase sembu pa orang yang saki lepra, deng user setang-setang dari orang-orang yang kemasukan. Ngoni tarima kuasa itu deng cuma-cuma, jadi ngoni me musti pake kuasa itu untuk tolong pa orang laeng deng cuma-cuma.

Jadi ngoni tara usa tako, karna pa Tuhan Allah pe muka, ngoni jao lebe berharga dari burung-burung pipit itu.

Yesus bilang lagi, “Jang ngoni kira, Kita datang di dunia ini supaya orang-orang mo baku bae samua. Tapi Kita datang ini, banya orang akan baku malawang, sampe ada lagi yang baku bunu.