آيات مشهورة من الكتاب المقدس منGénesis 7

شارك

Ö̦jö däjä, Noewä nija Jeobaa a wa̦ fama. —Bei. Bluca täbä lä bälöjöi täbä nija, cafä moli bäfä dodijaö dablaö yalo, canawä a jamö afä bä ca̦i da lucälö.

Tä nö ma dedeano wei ma cui, bita jamö u bada feyacao showao fe yadioma. Belibo 5 bä mladamalema ma cui, u o̦quio showaoma.

Noewänö lasha 600 a fa famalönö, belibo jaba a lä cuono wei a fa lublamalönö, ai a faö lä co̦imi a jamö, a bäshäcublaliyoma. Ö̦jö däjä showawä, 17 tä mö didi lä cublaliyono wei däjä, co̦jomo jamö modu u bada lä cui, i̦cali u bada bläshäshou cuaaö showadaoma. Judu mösö lä läono wei mösö ca̦i fa jädölönö, maa a bada ca̦i bläshäblou mö fedua showadalayoma.

Inaja Jeobaa a fa cuaanö, bita jamö täbä bluca lä cuono wei bä mladamalema. Yanowamö täbä ma cui, yalo bä bluca lä juu wei bä ma cui, wajaquemi bä wai lä joleaö wei bä ma cui, bä lä yäö wei bä ma cui, bä bluca mlao showadaolaliyoma. Canawä a jamö, Noewänö bä ca̦i lä cuono wei bä shino demi feiblou ayalayoma.

Mösö fa jädölönö, maa a quei mladou mlai ja, a bläshäshou cuaaö showao däjä, 40 tä mö didi cublaliyoma.