آيات مشهورة من الكتاب المقدس منLucas 20

شارك

—Ja̦o —e cuma—. Sesa cama etäbä ja, wama a li dobäbä, ö̦jö lä. Yai Bada cama etäbä mö feduwä lä cui täbä ja, cama wama a li dobäö mö feduobä —a Jesús cuma.

Ö̦jö ma cui, cama bä nija Jesús a mamo fa showaicunö, abinaja a cuu nomöjöoma. —¿Inaja mlai daanö? ¿Wedi tabä ei tä a̦ oniblalema, ö̦jö lä, camiyä wale a̦fa wäyäö lä balöono wei tä a̦ lä cui? Abinaja tä a̦ cuu. Maa mabä ja a yafi nia lä i̦tamaö wejei bä lä cuinö, ma wailemaje. Ö̦jö ma cui, ma lä waileno wejei ma lä cui, a yafi colo lojodoobä ma yai li cublaliyoma. ’Einaja tä a̦ oni cuu.

—Moisesi tä a̦ ja täbä lä damaö wejei bä nija bä da moyaweicu. Camishi labe bä ja bä shino didio bufi doblao talei, bä nowa lä bluca wei bä ja. Madofi bä luluabeje jamö bä lä co̦camou wei bä lä cui nija, bä nö bada ö̦jöböamou bufi ca̦i doblao. Judio bämacö yododabä jamö, bada bä lä döcäo wei jamö bä döcäo yaimou mö feduo. Täbä iyaö ca̦i co̦camobä jamö ma cui, bada bä nijamö bä loo coyocoo bufi ca̦i doblao. ’Ö̦jö bä lä cuinö, suwä bä lä feiblou wei bä fa mölamajenö, bä madofibö bluca däablaö läoje. Ö̦jö däjä, bä mömou nia liyäjäo fe fa yadionö, Yai Bada nija bä nö bayeli nacao ja bä a̦ jole jole labaaö bädao. Yai Bada tänö ö̦jö bä nö nia shino yai bleaamaö fe balojoo —a cuma.