آيات مشهورة من الكتاب المقدس منLukas 23

شارك

Wali tempo i Yesu re’e ri kaju pasape etu, Ia manganto’oka i Pue Allah, “O Pa’angKu, lapa sala ntau si’i, apa sira taa mangansani batuanginya palaong to naika nsira si’i.” Ewa wetu nato’o i Yesu. Panewa tau to mangampaku Ia etu mampobata’aka yau pakenya.

Wali i Yesu manganto’oka ia, “Aku manganto’oka korom, monso pu’u seo si’i korom dasiwaka pei Aku ri tampa to bae kojo kayawanya, to rato’oka bonde i mPue Allah.”

Wali roo see tau etu manganto’oka i Yesu, “O Pue Yesu, ne’e mangkalingan aku tempo Komi ma’i mawali Makole.

Roo see i Yesu maroso loonya kaboo, manganto’o, “Pa’angKu, toniingKu Kusarumakakamo resi Komi.” Wali ojo karoonya i Yesu manganto’o gombo etu Ia mampakapura nosaNya.

Wali yako etu sira rata nja’u pantana to rato’oka Wuku Wo’o. Rata nja’u ria tau to mangkeni i Yesu mangampaku Ia ri kaju pasape. Pasi sira mangampaku seja tau maja’a dua mba’a etu ri kaju pasape panewa kaju pasapenya rapokore ri awe nu ngkaju pasape i Yesu, samba’a ri sambalinya tondo ngkana, pasi samba’a wo’u ri sambalinya tondo ngkii.

Wali tempo i Yesu re’ewa rapaku ri kaju pasape, yako ntongo eo rata jam togo rede eo, juku tana etu mawuri rao. Mata nu eo tamo re’e pananya. Pasi tempo etu semo kodi majoli rindi ronto ri raya banua i mPue Allah rasia dua yau.

Wali kepala ntentara to mangkepalang tentara to satu kaborosinya, ia mangkita palaong to mawali etu. Wali ojo pangkitanya etu ia mangabarong i Pue Allah, pasi ia manganto’o, “Monso pu’u tau si’i tare salaNya.”