آيات مشهورة من الكتاب المقدس منÉxodo 7

شارك

Ënet yë Dios t'ënëmaay yë Moisés: Ëk'ix, mijts jëtu'un yam mpëjktäkpy tääjës jeexyë ëjts kë'ëm yë yajkutujkpë nmëkäjpxyën, e yë m'ajty Aarón yë'ë nyikajpxëp ja m'aaw m'ayuk.

Ëjts kë'ëmës nëjkx n'ëwa'atsy ets mëj'ënä'ämpë ka'ap tsojk kyäjpxyjyä'äkyukëty, jëtu'un'äämpy tjëkyäpëty etsës ja nmëjajtën kanaakpëky nyaj'ixëtëty jap Egiptë ets ma tëkokyë yë it naaxwiinyëtë tnitänë. Yë mëj'ënä'ämpë nijënu'un nëjkx kyakäjpxyjyä'äkyukë ets ka'ap tmëpëkëty ja m'aaw m'ayukëty, e ëjts mëj këjääjës yë nmëjajtën ets nkutujkën jap nyaj'ixa'anyë Egiptë, mëët tu'uk yë ënä'ämën kuttujkën mëjpë jaantypë njuuta'anyës yë nnaaxës nkajpnës, yë'ë jëtu'un yë Israel kajpn jap Egiptë.

Koos ënety të nyaj'ixyë ja nmëjajtën jap Egiptë, ets koos ënety të njuuty ja Israel kajpn, jëtu'un nëjkx yë Egiptë ja'ay nijawëtë ko ëjts Wintsën.

E yë mëj'ënä'ämpë ojts tnikäxë ja wyijyjyä'äytyëjk ets ja xyëëwmääpyëtëjk, yë'ëjëty jëtu'un tä ënety winë tuntën, näjyëtu'un ojts y'ëtëtstëpë. Nitu'ukjaty ojts tnajtsjëpipëtë ja tyajkëty ets ojts y'awinpijta'ay tsa'any, ja Aarón ja tyajk jä'ä ojts tjë'ënta'ay ja xëëwmääpyëtëjk ja tsyä'änyëty.

Paaty tyam, jëtu'un yë Dios y'ënä'äny: Tyam xynyijawëty ko ëjts Wintsën. Koos ënät yam nwojpyu'kxëty yë nëë, mëti'ipë pëyë'kpën ma mëjnëëjën, mëët yë ntajkës, m'ixëp ënät ko ne'pynyën y'awinpitëty.

Ko yë mëj'ënä'ämpë m'amëtowëtëty ets xyaj'ixëtëty tu'uk yë mëj'ajtën, yë Aarón yë'ë m'ënëëmëp ets tkajpë'ëkëty yë tyajk ets tnajtsjëpipëty ma yajkutujkpë wyintuuyën ets ja tajk tsa'any y'awinpitëty. Tä ja Moisés ets ja Aarón ojts tninëjkxtë ja mëj'ënä'ämpë ets jëtu'un tjantyuuntë, tä ënety ja Dios të y'ënä'ämëtën. Ja Aarón ojts nasjëpipë ja tyajk yajkutujkpë wyintum ets ma ënety jam yajpaatën ja tyuunpëtëjk, tä ja tajk ënätyë y'awinpijty tsa'any.