آيات مشهورة من الكتاب المقدس منGénesis 21

شارك

Jëtu'un ijxtëm ënety yë wyaantakën yë Wintsën, ojts tni''ijxkëtä'äky yë Sara ets ojts tkuuytyuny ijxtëm ënety të y'ënä'änyën.

Dios ënätyë ojts tmëtoy ko ja Agar ja y'u'unk jyi'iy yä'äxy. Ënet tu'uk ja tsajpjotmëtë kukäjpxy ojts kyäjpxy tsajpjotm, yë Agar yajmëkajpx ets yaj'ënëmaay: ¿Tii mjajtëp Agar? Këtii mtsë'ëkë mjawë, Dios të tmëtoy ja jyi'iyën yaxën yë m'u'unk maay. Ninëjkx yë m'u'unk ets tsä'änë'ëk ets këtii xy'ëxmatsëty, ëjts yë nyaax kyajpn nmo'ojäämpy mëjpë këjääpë.

Jëtu'un yë Sara ojts wyi'imy u'unk mëët ets ojts tyajmëxu'unk'ajtë yë y'u'unk yë Abraham ma ënety tëë myëjja'ayënën. Ja mëxu'unk jä'ä ojts myiny naaxwiiny ma ënety ja Dios të t'akäjpxyën.

Ënet yë Sara ojts myäy tyäjy: Dios të tyajkutuky etsës nxi'ikëty ets tu'kë'ëyë njëëky nmëku'ukës mëti'ipës ënät xynyija'awëtëpën koos yë u'unk maay të nyajmëxu'unk'aty, näjyëtu'un ënät yë'ë xyiktëpëty.

Näy Dios ojts kë'ëm y'ënë'ëmxëty: Këtii xymyëmay xymyëtajy yë mtuunpë Agar mëët yë y'u'unk. Yi'iyë kuuytyun mëti'ipë Sara mtuk'ënëmaayëpën, jä'ä ko Isaac yë'ë jëtu'un yajmëjëjäämpy ja m'u'unk m'ok.

E yë y'u'unk yë Agar ëjts näjyëtu'un nyajkutukäämpy ets mëj këjää yë y'u'unk y'ëna'k y'itëty, mëët yë'ë ko mijts xy'u'unk'aty.