آيات مشهورة من الكتاب المقدس منGénesis 32

شارك

Tää ja naaxwiinyëtë ja'ay y'ënëmaayë: Ka'ap tyam mijts xy'ëkxëëwajtnëty Jacob, Jä'ä mxëëwajtnëty Israel. Jä'ä ko mijts Dios tyam mëët të mtsiptuny ets mëët tu'kë'ëyë yë naaxwiinyëtë ja'ay ets tëë xymyëmëtä'äky.

Ënet ja naaxwiinyëtë ja'ay ojts ja Jacob y'ënë'ëmxëty: Ëxmajtskës, jä'ä ko tää xyiinyënë. Pën ka'apës xymyo'oy yë kënu'kxën, ka'ap yam mijts n'ëxmatsëty, jëtu'un y'ëtsooy ja Jacob.

Ko ja Jacob ojts atu'uk wyi'imy, ënät tu'uk ja ye'etyëjk ja'ay tyëjkëy mëët tsiptuunpë. Jeky ojts tsyiptuntë ijxtë koonëm xyiinyëy.

Tä yë Jacob tyajxëëwpejty ja jampë ja it naaxwiinyëtë Penuel, jä'ä ko y'ënäny: Tyam tëëjës ënät ja Dios kë'ëm ntim'ixy wiinxë jëjpxë ets ixës tyam njaakjuuknyëmëty.

E ko ja naaxwiinyëtë ja'ay t'ijxy ko ka'ap ja Jacob myäyë, ënät ojts wäänë tyajtsëtyut ma pyuuykyopkën. Tä jëtu'un ja Jacob ojts ja tyekpyajk jyäjxma'aty, ma ënety jam jëtu'un tsyiptuntën.

Ënet ja naaxwiinyëtë ja'ay yajtëëwë: ¿Tiixë yë mxëëwajtyp? Tää y'ëtsooy: Jacob ëjts nxëëwajtyp.

Ënet ja Jacob ojts näjyëtu'un tyajtëy ja naaxwiinyëtë ja'ay: Mijts ënät tyam tuk'ëwa'anëkës, ¿tii mxëëwajtyp? Tää ja naaxwiinyëtë ja'ay y'ëtsooy: ¿Wi'ixës ko yë nxëëw xyajtëy? Ënet ja naaxwiinyëtë ja'ay jämyë kyënu'kxë.

Ëjts ka'apës xyjyapaaty, je'eyë mijts oy tsuj xymyëët'atyës. Koos ya'atë Jordán mëjnëë ntuknajxy, yi'iyës ënety nkë'ëkap'ajtypyës yë ntajkës, nitiijës ënety nkamëëtëty. E tyam mäjtskpëkyës të nyajwä'kxy mëti'ipës nmëët'ajtypyën.

Yë Israel ja'ayëty tyampaat ka'ap tsu'utstë yë eemy'u'unk mëti'ipë yajpatpën ma pajk nyämyukyën. Jä'ä ko jää ojts yë Jacob tsyëtyuty.

Tää ojts tyëkë nu'kxtakpë ets ja Dios tmëpëjktsooy: Wintsën mëti'ipë y'ëwtajtën ja ntatwelës Abraham ets ja nteetyës Isaac, mijtsës të xy'ënëëmë koos nwinpitëty maas ja nnaax nkajpnën, ma tsyëënëtën jyuuky'atën ja njëëky nmëku'ukës. Mijtsës të xy'ënëëmë näjyëtu'un, ko oy tsuj xyajwinpita'anyës.

Paaty tyam tun yë mëyajtën kuwaank nixajkës ma kyë'ë y'aawën yë n'ajtyës Esaú. Ntsë'këpës ko y'ëkmiinëty ets t'ëkyaj'o'ktaaynyëty ja to'oxytyëjktëjkëty mëët ja u'unk ëna'k.