آيات مشهورة من الكتاب المقدس منGénesis 37

شارك

Tu'kxëëw ojts yë José wyinkuma'ay ets ojts tukmëmëtya'ak ja y'äjtyëjk, e ja y'äjtyëjkëty ni'ikë ojts jyänty myëtsiptsoonëtë.

Yë Jacob mëk ijty tsoky yë José këtiinëm jëtu'un ja wiinkëtpyë ja y'u'unk y'ëna'k. Jä'ä ko yë'ë ënety ok të jyaak miny naaxwiiny, ko ja Jacob ënety të myëjja'ayënë. Paaty ojts tu'uk yë nyijän janty oypyë t'oytyuunë kë'ëyenypë.

Ko ojts jëtu'un t'ixtë ja y'äjtyëjkëty, ko ja tyeety mëk ni'ik tsyokyë këtiinëm ja wiinkpë y'u'unk y'ëna'k, ënät ojts tmëtsiptsoontë ets ka'ap t'ëkmëkajpxanëtë.

Ënet yë José ojts jatëkok wyinkumaakojnëpë, mëti'ipë ojts tukmëmëtyä'äkyën ja myëkä'äxtëjk, tääts t'ënëmaay: Mnija'awëtëpë, tëëjës tyam nwinkumaakojnëpë; jëtu'unës të n'ixy tä xëëw po'ojën ets nimajktu'uk yë mëtsa'a xywyinkutsë'ëkës.

Paaty ja jyiiky myëku'uk namëtsip'ajtëp ënety, e yë tyeety je'eyë tmëmay tmëtajy tu'kë'ëyë ya'atë wiinkëma'ay.

Ko jëtu'un y'ënäny: Ëkmëtoow'itë tyam ntukmëmëtya'aka'antë wi'ixës të nwinkuma'ayën. Të nwin'ixyës, ko nitëkokyë ëëtsajtëm ënety kamjotm n'atsu'umtakëm yë tsajpmok, ënät yë njä'äjës të pyëti'iky kujkyë, e yë mjä'äjëty näjyëtu'un të tna'owtitë yë njä'äjës ets të tyajnikëxë'ëktë ja näywyinkutsë'kën.

Mintë wä'än nyaj'o'këmë ets muum n'apëjkëmëty nëëjutjoty ets n'ëna'anmëty ko jëyujk të myätsyë ets të yaj'ookyë. Tä n'ëkjanty'ijxmëty, pën ëk'atëëp ja wyinkuma'ay.

Ko ja ajuupyëtëjk mëti'ipë Madián ja'ayëtyën jam nyajxtë winkon, ënät ja José yaju'tpëtsëëmy jap jutjoty ets yajto'ky ma ja Madián ja'ayëtyën mëti'ipë Ismael y'ap'ajtëpën, i'px tkujuuytyë aakyë'ë poop pujxn meeny. Jëtu'un ojts tyajnëjkxnëtë ja José jap Egiptë.

Jëtu'un nyäy'ënëmaayëtë xim yam: Ëk'ixtë, xim myiny ja mëti'ipë tyäty wyinkumaapën.

Yë'ëjëty jëkämnëm t'ijxpatë ko ja José myiny, tääts pojën ja winma'any t'ixtaaytyë, wi'ix mëpaat t'ëkyaj'ooktën.

Këtii ne'pyny xytyämtë xyoktë nëkoo, nikë jap pëjkta'aktë nëëjutjoty mëti'ipë jamën wintë'ës'itum ets këtii ëxaty xytyuntëty. Yë Rubén paaty ojts jëtu'un jya'ëna'any jä'ä ko ka'ap ënety tsoky ets ëxëëk jyatëty kyëpätëty yë y'uty, jä'ä ënety myäy tyäjy ets oy mëk jatëkok wyimpitëty ma ja tyeetyën.