آيات مشهورة من الكتاب المقدس منMateu 13

شارك

Oloze yize yakukuva hamavu amwaza — ikiye uze mwevwa mazu nakuwevwishisa. Ikiye vene mwemanga mihako nakulovola, aha likulukaji (100), hakwavo makumi atanu nalimwe (60), heka makumi atatu (30).

Yize yakukuva mumingonga — ikiye uze mwevwa mazu, kaha hakuzakamina vyamyaka yino, nakutangisa chaluheto, hinavihonesa mazu, kaha hinawazeneka kwima mihako.

Weshowo mwevwa awa mazu awangana nakuzeneka kumulumbunukila, uze wamupi mweza nakunyanga awa vanakuu mumuchima wenyi. Eyi yikiko yakukuva kukulo yajila.

Oloze yize yakukuva hamavu amalolwa — ikiye uze mwevwa mazu, kaha hahaze vene mwawatambula nakuwahilila. Oloze keshi namiji yakuzama muli iveneko, napu watando yayindende kaha. Oloze hakumona makava chipwe kumuyanjishila hamazu, hahaze vene himwaseza vyalufwelelo.

Wangana wamwilu unafwane nge luheto lwakuvumbika muwande, olu awanyine mutu nakulushikila. Hakuwahilila chapwile mumuchima wenyi, ayile nakulanjisa vyenyi vyosena, nakulanda uze wande.

Yikwavo yaholokelele hamavu amwaza nakwima manona — halinona hilinona, eli likulukaji (100), eli makumi atanu nalimwe (60), eli makumi atatu (30).

Jechenu tuhu josena jikolele hamwe palanga nahakwaha. Kaha hangonde yakwaha nangukalweza vaka-kwaha ngwami, Vangilenu kukungulula mbuto yayisasu nakuyikasa mikuta mikuta, muyoche. Oloze tiliku , yikungulwilenu muchisete chami.