آيات مشهورة من الكتاب المقدس منJOHAN 21

شارك

Rawl an ei dih hnuah Jesuh nih Simon Peter cu a thawh i, “Johan fapa Simon, hi hna nih an ka dawtnak hin nang nih na ka daw deuh maw?” tiah a ti. “Asi, Bawipa, kan dawt kha na hngalh,” tiah a leh. Jesuh nih, “Ka tuufa tete kha cawm hna,” tiah a ti. Jesuh nih cun a thawh ṭhan i, “Johan fapa Simon, na ka daw maw?” tiah a ti ṭhan. “Asi, Bawipa, kan dawt cu na hngalh,” tiah a leh. Jesuh nih, “Ka tuu kha cawm hna,” tiah a ti. Cun Jesuh nih cun, “Johan fapa Simon, na ka daw maw?” tiah a ti ṭhan hoi. Jesuh nih, voi thum tiang, na ka daw maw, tiah a hal caah khan Peter cu a ngaih a chia i, “Bawipa, nangmah nih zeizong vialte na hngalh dih, kan dawt cu na hngalh ko hen cu,” a ti. Jesuh nih cun, “Ka tuu kha zohkhenh hna.

Biatak kan chimh: na no lioah cun nangmah nih na taisawm kha naa sawmh i na duhnak paoh ah na kal tawn; sihmanhsehlaw na tar tikah cun na kut na zao hna lai i midang nih na kut cu an ṭem hna lai i na duh lonak hmun ah khan an in kalpi lai,” tiah a ti.

Annih cu a thawh hna i, “Nan sur kha nan lawng orhlei kamah khan vun chep u law tlawmpal cu nan tlaih hmanh maw,” tiah a ti. Cucaah an sur cu an vun cheh i nga cu tam tuk hringhran an tlaih caah a hnuh hmanh an hnuk kho lo.

Peter nih a hawile cu a thawh hna i, “Kei cu ngatlaih ah ka kal lai,” a ti hna. Annih nih, “Na sinah kan kal ve lai,” an ti i lawng chungah khan an lut. Sihmanhsehlaw zan khuadei zeihmanh an tlai lo.