آيات مشهورة من الكتاب المقدس منLUKA 17

شارك

Cun Jesuh nih amah cu a thawh i, “Tho law kal tuah; na zumhnak nih an damter cang,” tiah a ti.

Ni khat ah na cungah voi sarih a sual i voi sarih ningin, ‘Kaa ngaichih,’ a ti ahcun na ngaihthiam hrimhrim lai,” tiah a ti.

An lak i pakhat cu ka dam cang ti a hngalh tikah khan a ra kir i Pathian kha fak piin a thangṭhat. Jesuh ke hram ah khan vawlei ah a bawk i Jesuh cu a lawmh. Cu pa cu Samaria mi a si.

I ralring ko u. “Na unau nih a sual ahcun va mawhchiat, aa ngaihchih ahcun va ngaithiam.

Jesuh nih aa thawh i, “An pahra ningin an dam lo maw? Pakua tah khuazei ah dah an si kun?

Bawipa nih cun a leh hna i, “Nannih nih anṭam ci ngaw zumhnak nan ngeih ahcun, hi thingtheihmung kung hi, ‘Na hram in i phawi law rili ah khin vaa phun,’ nan ti ah nan nawl an ngaih ko hna lai,” tiah a ti.

Amah nunnak khamh aa zuammi cu a nunnak cu a sung lai; a nunnak a sungmi nih cun a nunnak cu a khamh lai.

Jesuh nih a zultu kha a chimh hna i, “Sualnak chungah mi a tlaktertu thil cu an um ṭheo lai; sihmanhsehlaw cu thil hna a umtertu caah cun ṭihnung a va si dah! Hi ngakchia tete hna lak i pakhat hmanh hi va sualter nakin cu pa cu a hngawng ah facang rialnak lungtumpi i thlaih seh law rilipi chungah hlonh si seh law a caah a ṭha deuh hnga.

Noah chan ah a rak si bantuk khan Mi Fapa chan zongah a si ve lai. Noah nih lawng chungah a luh i buanchukcho kha a tlun i an thih dih ni tiang hrimhrim kha, an ei an ding an i ṭhi an i um ko.