آيات مشهورة من الكتاب المقدس منApostolo 2

شارك

Pita ga balu diet hoken: “Muat bakut tikatikai muat na lilik pukus ma muat na kap bapitaiso tano hinsa Iesu Karisito ma Kalou naga lik luban sei ira numuat magingin sakena. Ma muat na hatur kahai lah no hartabar na Halhaliana Tanua kanong Kalou ga gil no kunubus wara uta muat ma ira nati muat ma uta diet mah ing diet tapaka. Iakan ra kunubus i gawanei diet bakut ing Kalou na tau hahuat diet wara nuna.”

Diet ga balaan bia diet na taram ira hausur ta ira apostolo ma bia diet na kis hulungai wara tar harharahut hargilaas, diet gaam balaan mah ma no magingin na bingit beret ma wara sinsaring tikai.

Diet bakut diet ga hung ma no Halhaliana Tanua ma diet ga hatahun nianga ma ra mes na nianga hoing at no Tanua ga tar ra dadas ta diet bia diet na ianga manei.

Kaikek at tiga kinakel hoing tiga dadas na pupuh na dadaip ga wawanga suur maram ra mawai ma gaam burung no tingana hala bakut ing diet ga kis taar kaia. Io, diet ga nas ra linga hoing ira kamariana iaah, ma kaikek ra linga ga haan harbasiai taar ta diet gaam kis ta diet ira tunatuna tikatikai. Diet bakut diet ga hung ma no Halhaliana Tanua ma diet ga hatahun nianga ma ra mes na nianga hoing at no Tanua ga tar ra dadas ta diet bia diet na ianga manei.

Ta ira kaba bungbung diet git hananhuat hulungai tano tamat na hala na lotu, ma diet ga tiga lilik sena mon. Ma diet ga bingit beret tikai narako ta ira ngasia diet ma diet ga ianiaan tikai ma ra gungunuama ma ra tutun na bala. Ma diet ga pirpirlat Kalou ma ira mes na mataniabar diet ga mangaha ta diet. Ma ira kaba bungbung diet ing no Watong ga halhalon diet, ga lamlam halaka tar diet ta ira kaba tena nurnur.

‘Tano hapataam ta ira pakana bung iau na gil hoken. Iau na hurarai bus ira kaba mataniabar bakut ma no Tanuagu. Ma ira numuat bulu tunaan ma ira numuat nat na hinasik diet na ianga na poropet, ira numuat kaba marawana diet na nas ra ninaas na tanua, ma ira numuat kaba patuana diet na barianei ra barbarien.

Diet bakut ing diet gata nurnur, diet ga kiskis tikai, ma diet ga tartar hargilasanei ira nudiet tabarikik. Ma diet ga susuhuranei ira nudiet hinton ma ira nudiet tabarikik ma diet ga tartar ira kinewa ta diet ing diet ga mon sunupi.

Ma diet bakut ing diet na tau iau no Watong bia ena halon diet, iau na gil haruatanei.’

No kasakesa na kankado ma no teka na dardaraan hoira gaap naluai bia no tamat na bung sakit gar tano Watong na hanuat ma ra tamat na minarina.