آيات مشهورة من الكتاب المقدس منKutachika 17

شارك

Chashikiliyi Abarama munyaka makumi atanu nawana nanyaka yitanu nayiwana (99), Yehova wadimwekesheli kudi Abarama, wamwilili nindi, Ami yami Nzambi Chinyaweji; endaku kumesu ami, ikalaŋa walala chikupu.

Ijina deyi hiyakaditena cheŋi nawu Abaramaku, ilaŋa ijina deyi dakekala yeyi Abarahama; muloŋa nakwilishi dehi wunkakulula wamukanka wanyunza.

Nakakolesha chitiyaŋenu chami chinukutiyaŋana naneyi, nawanyaneyi akakulondela muyamba kavwalikilawu hayanyaka, kulonda kudeyi niikali Nzambi nikudi anyaneyi akalondelamu.

Nindi, Tiya, ami kwami chitiyaŋenu chami chidi naneyi, eyi wakela nkakulula yamukanka wanyunza.

Kuchinka Nzambi nindi, Nehi, iŋodeyi Sara diyi wakakuvwela mwaneyi weyala; wakamutumba ijina dindi, neyi Isaka; nakamukoleshela chitiyaŋenu chami chiikali chitiyaŋenu chahayanyaka chawanyanindi akalondelamu.

Nakakwinka eyi nianyaneyi akalondelamu ituŋa diwashakama, dodituŋa daKenani dejima, denu dahayanyaka, ninami nakekalaŋa Nzambi yawu.

Abarahama wadinatili chamesu indi heseki, hakuseha, hakuhosha mumuchima windi, nindi, Muntu washika dehi munyaka nkulakaji (100) amuvweli mwana? Sara niyena washika dehi munyaka makumi atanu nawana (90) avwali?

Nzambi hakumwila Abarahama, nindi, Hakwila iŋodeyi Sarayi bayi wakamutena cheŋi ijina dindi neyi Sarayuku, ilaŋa ijina dindi dakekala diyi Sara.

Akayalamisha nyivumbu yenu; chakekala chuma chakwilukisha nachu chitiyaŋenu chetu chitunatiyaŋani ninami ninenu.

Ilaŋa chitiyaŋenu chami nakamukoleshelachu Isaka, yowu Isaka akakuvwelawu kudi Sara mwaka wakenzaku kafwampi hakakweji kokenaka.

Mwinenu navwaliki dehi mafuku atanu nasatu akamwalamisha, amayala ejima muyamba kavwalikilawu, hela wavwalika hamukala, hela wakulanda namali kudi mwenyi, mwabula kusemuka nawu. Hela wakuvwalika hamukala weyi, hela wakulanda namali eyi, chiŋa kumwalamisha hohu; chitiyaŋenu chami chikwikala kunyijimba yenu hichitiyaŋenu chahayanyaka.