آيات مشهورة من الكتاب المقدس منᤋᤥᤗᤡᤱᤛᤥᤔᤢ 15

شارك

ᤜᤧᤰᤁᤩᤠᤱ ᤀᤒᤪᤠᤶᤔᤡᤸᤗᤧ ᤕᤜᤘᤣ ᤍᤠᤱᤒᤠᤴ ᤏᤛᤠ᤺ᤴ ᤆᤥᤃᤢ ᤜᤧᤰᤁᤩᤠᤱ ᤕᤜᤘᤣ ᤍᤠᤱᤒᤠᤸᤗᤧ ᤂᤢᤏᤧ᤹ ᤛᤠᤶᤕᤥᤒᤠ ᤗᤣ᤺ᤳᤋᤢ॥

ᤂᤧᤴ ᤀᤣᤃᤠᤱ. ᤛᤢᤑᤥᤀᤥ ᤕᤜᤘᤣ ᤍᤠᤱᤒᤠᤸᤗᤧ ᤁᤢᤒᤠ᤺ᤴᤈᤠ᤺ᤰᤁᤧᤴ ᤀᤒᤪᤠᤶᤔᤡᤸᤗᤥ ᤋᤩᤧ. “ᤀᤒᤪᤠᤶᤔᤣ. ᤂᤧᤏᤧ᤹ ᤔᤧᤃᤡᤛᤧᤴᤏᤧ᤹ᤀᤥ. ᤂᤧᤏᤧ᤹ ᤁᤧᤄᤥ ᤀᤠᤱᤃᤠ᤹ᤀᤠᤖᤥ. ᤜᤧᤰᤁᤩᤠᤱ ᤀᤠᤱᤃᤠ᤹ ᤆᤠ᤹ᤖᤡᤰ ᤕᤶᤒᤠ ᤜᤠᤱᤛᤧᤶᤔᤡᤴ ᤐᤡᤏᤧᤖᤥ॥”

ᤜᤧᤰᤁᤩᤠᤱ ᤕᤜᤘᤣ ᤍᤠᤱᤒᤠᤸᤗᤧ ᤂᤢᤏᤧ᤹ ᤗᤠ᤺ᤰᤁᤠᤳ ᤗ᤺ᤳᤋᤢᤀᤠᤱ ᤔᤧᤳᤋᤢ. “ᤋᤠᤱᤛᤠᤰᤐᤥ ᤀᤥᤔᤧᤳᤋᤧ᤹. ᤂᤣ᤺ᤶᤛᤡᤰᤐᤠᤜᤠ᤹ ᤏᤡᤖᤧᤛᤠ᤹ᤖᤧᤛᤧ. ᤏᤡ᤺ᤵᤔᤠ ᤁᤧᤛᤢᤰᤋᤢᤛᤢᤒᤡ᥅ ᤂᤧᤏᤧ᤹ ᤁᤧᤔᤢ᤹ᤀᤡᤍᤠᤱᤛᤠᤜᤠ᤹ᤀᤠᤱ ᤂᤧᤶᤕᤠ᤺ᤰᤁᤣ ᤕᤖᤡᤰ ᤔᤧᤒᤥᤱᤗᤥ॥”

ᤂᤧᤒᤩᤠᤱ ᤕᤜᤘᤣ ᤍᤠᤱᤒᤧᤸᤗᤧ ᤁᤢᤒᤠ᤺ᤴᤈᤠ᤺ᤰᤁᤧᤴ ᤂᤢᤏᤧ᤹ᤀᤥ ᤋᤩᤧ. “ᤁᤴ ᤔᤏᤠᤴ ᤁᤧᤜᤡᤶ ᤁᤧᤎᤠ᤺ᤱ ᤁᤧᤍᤰᤐᤠ ᤁᤧᤈᤠᤒᤠ ᤔᤧᤒᤥᤱᤏᤧᤴ. ᤁᤖ ᤂᤧᤏᤧ᤹ ᤀᤠᤒᤠᤅᤣᤗᤠᤶᤒᤠ ᤁᤧᤘᤠ᤹ᤒᤠ ᤁᤧᤛ᤻ᤛᤠ᤺ᤴᤏᤣ ᤁᤧᤜᤡᤶ ᤁᤧᤎᤠ᤺ᤱ ᤁᤧᤍᤰᤐᤠ ᤁᤧᤈᤠᤒᤠ ᤐᤥᤱᤗᤥ॥”

ᤜᤧᤰᤁᤩᤠᤱ ᤕᤜᤘᤣ ᤍᤠᤱᤒᤠᤸᤗᤧ ᤀᤒᤪᤠᤶᤔᤡᤴ ᤔᤧᤳᤋᤢ. “ᤂᤧᤏᤧ᤹ ᤁᤧᤔᤢ᤹ᤀᤡᤍᤠᤱᤛᤠᤜᤠ᤹ ᤀᤠᤒᤠᤅᤣ ᤂᤢᤴᤇᤡ᤹ ᤗᤠᤈᤣ᤹ ᤔᤣ᤺ᤶᤒᤠ ᤔᤠ᤺ᤱᤄᤠᤒᤠ ᤗᤠᤈᤣ᤹ᤀᤥ ᤔᤧᤒᤣ᤺ᤰᤁᤠᤱ ᤔᤧᤕᤢᤱ ᤁᤧᤗ᤹ᤒᤠᤴ ᤏᤡᤱᤘᤠ᤹ ᤂᤥᤛᤧ ᤕᤢᤰᤛᤧ᤹ᤀᤥ. ᤜᤧᤰᤁᤩᤠᤱ ᤂᤧᤱᤜᤠ᤹ ᤂᤧᤴ ᤗᤠᤈᤣ᤹ᤒᤠ ᤔᤏᤠᤜᤠ᤹ᤖᤧ ᤂᤢᤴᤇᤡ᤹ ᤕᤥᤃ᤻ᤒᤠ ᤔᤧᤒᤥᤱ. ᤜᤧᤰᤁᤩᤠᤱ ᤁᤡᤵ ᤗᤡᤛᤡ ᤋᤱᤒᤣ ᤌᤠᤖᤡᤰ ᤛᤠ᤹ᤖᤡᤰ ᤋᤠᤵᤑᤧ᤺ᤸᤗᤡᤰ ᤔᤧᤔᤧᤳᤋᤢᤛᤡᤖᤥ॥

ᤁᤖ ᤀᤒᤪᤠᤶᤔᤡᤸᤗᤧ ᤔᤧᤳᤋᤢ. “ᤕᤜᤘᤣ ᤍᤠᤱᤒᤠ ᤏᤡᤱᤘᤠ᤹ᤑᤢᤔᤠᤱᤅᤣ. ᤂᤧᤏᤧ᤹ ᤌᤣ ᤁᤧᤒᤡᤀᤠᤕᤠᤱᤃ᥅ ᤌᤣᤀᤠᤱᤓᤧᤸᤗᤧ ᤀᤠᤱᤃᤠ᤹ᤃ ᤀᤠᤸᤗ ᤌᤠᤖᤡᤰ ᤛᤠ ᤔᤣ᤺ᤴᤏᤣ ᤘᤠ᤹ᤀᤠ. ᤀᤠᤜᤡᤶ ᤀᤠᤎᤠᤱ ᤁᤧᤍᤰᤐᤠ ᤁᤧᤈᤠᤒᤠᤃ ᤍᤔᤛ᤻ᤁᤛᤒᤠ ᤀᤣᤗᤡᤀᤣᤈᤖᤧᤴ ᤐᤥᤱᤗᤥ॥”

ᤜᤠᤒᤠ ᤂᤧᤴ ᤕᤧᤴᤏᤥ ᤕᤜᤘᤣ ᤍᤠᤱᤒᤠᤸᤗᤧ ᤀᤒᤪᤠᤶᤔᤡᤴᤏᤢ ᤀᤰᤂᤣ ᤐᤠ᤺ᤳᤋᤢᤖ ᤔᤠᤱᤜᤢᤵ ᤆᤥᤃᤢ. “ᤂᤧᤏᤧ᤹ ᤁᤧᤔᤢ᤹ᤀᤡᤍᤠᤱᤛᤠᤜᤠ᤹ ᤔᤡᤛᤪ ᤗᤠᤈᤣ᤹ᤗᤠᤶ ᤕᤢᤑᤪᤣᤋᤡᤛ ᤕᤱᤄᤱ ᤌᤠᤖᤡᤰᤐᤠ

ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤗᤡᤛᤡᤃᤣᤰᤐᤠ ᤌᤠ᤺ᤰᤁᤥ ᤕᤠᤶᤔᤥ ᤁᤵᤔᤥ ᤔᤧᤏᤢ᤺ᤱ ᤔᤧᤓᤧᤴᤗᤥ. ᤌᤣᤀᤠᤱᤓᤧᤸᤗᤧ ᤀᤣᤔᤥᤖᤡᤜᤠ᤹ ᤛᤠ᤹ᤖᤡᤰ ᤁᤢ᤹ᤀᤡᤔᤧᤓᤧᤴᤏᤠᤱ ᤂᤢᤶᤍᤡᤱ ᤐᤡᤔᤠᤛᤡ ᤕᤧᤶ ᤔᤧᤱᤃᤧᤳᤋᤣ ᤌᤠᤖᤡᤰ ᤀᤠᤱᤃᤠ᤹ ᤂᤧᤱᤜᤠ᤹ ᤔᤧᤏᤠ᤺ᤳᤋᤠᤛᤡᤱᤅᤡᤴ॥”