آيات مشهورة من الكتاب المقدس منꤛꤥ꤭ꤟꤢ꤬ 7

شارك

ꤢꤨ꤭ꤕꤢꤩ꤭ꤕꤢꤩ꤭꤮ ꤙꤢꤩ꤬ꤙꤢꤩ꤬, ꤘꤣ ꤢ꤬ ꤛ꤫ꤢꤦ꤬ꤢꤩ꤬ꤔ꤫ꤢꤧ꤬ꤢꤩ꤬ ꤠꤢꤧ꤭ꤔꤣꤧ꤬, ꤟꤢꤨ ꤜꤤ꤬ꤓꤢꤩ꤭ꤞꤢꤪ꤬ꤖꤢꤊꤢꤨ꤭ ꤟꤢꤩ ꤔꤢꤧ, ꤓꤣꤧ꤭ ꤘꤣ ꤢ꤬ ꤘꤣꤧꤢꤨ꤭ ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬ ꤢ꤬ꤓꤣꤧ꤭ꤊꤜꤥ꤭ ꤣꤧ꤭ꤔꤣꤧ꤬, ꤢ꤬ ꤊ꤫ꤢꤦ꤬ ꤓꤝꤤꤓꤢꤩ꤬ ꤘꤣ ꤜꤢꤨ꤭ꤊꤢꤨ꤭ ꤕꤢ꤭꤯”

ꤙꤣꤧ ꤕꤝꤢꤩ꤬ꤘꤢꤨ꤬ꤜꤣ ꤘꤣꤋꤛꤢ꤭ ꤒꤣ꤬ꤔꤣꤧ꤭ ꤢ꤬ꤋꤢꤩ꤭ꤔꤣꤧ꤬, ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤊꤣꤧ꤬ꤓꤢꤪ꤬ ꤢꤩꤓꤥ꤭ ꤔꤢꤧ, “ꤜꤢꤪ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤞꤤꤥ꤭ ꤓꤣꤧ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤔꤢꤪ꤭ꤟꤢꤧ꤭ ꤖꤛꤢꤥ꤭ ꤜꤢ꤭ꤋꤢꤧ꤭ ꤓꤣꤧ꤭ ꤘꤣ ꤠꤢꤧ꤭ꤥ꤬ꤣꤧ꤭꤯

ꤓꤣꤧ꤭ ꤘꤣꤧ ꤢꤨ꤭ ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬ ꤘꤣ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤟꤢꤩ ꤣꤧ꤭ꤔꤣꤧ꤬ꤗꤢ꤬ ꤗ꤫ꤢ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤖꤢꤧ꤯ ꤢꤨ꤭ꤕꤢꤩ꤭ꤕꤢꤩ꤭꤮ ꤙꤢꤩ꤬ꤙꤢꤩ꤬ ꤘꤣ ꤢ꤬ ꤛ꤫ꤢꤦ꤬ꤢꤩ꤬ ꤜꤢꤨ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤕꤢ꤭꤯ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤔ꤫ꤤ꤬ꤙꤢꤩ꤬ ꤜꤢ꤭ꤟꤤ ꤒꤢꤩ꤬ꤒꤣꤧ꤬ꤚꤣꤧ꤭ꤘꤢꤨ꤬ ꤒꤣꤧ꤬ꤚꤣꤧ꤭ꤓꤢꤨ꤭ ꤒꤥ꤬, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤢ꤬ ꤞꤣꤧ꤭ ꤊꤣꤧ꤬ꤓꤢꤪ꤬ꤊꤢ꤬ꤋꤛꤢ꤭ ꤚꤣꤧ꤬ ꤢ꤬ ꤊꤢ꤬ ꤊꤣꤧ꤬ꤓꤢꤧ꤬ ꤘꤣ ꤗꤢꤪꤋꤢꤨ꤬ ꤜꤢ꤭ꤟꤤꤒꤥ꤬꤯ ꤟꤢꤨꤔꤣꤧ꤬ꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤟꤢꤧ꤭ꤔꤥ꤭ꤥ꤬ ꤘꤣ ꤛꤢꤩ꤬ꤞꤤ꤭ ꤞꤤꤕꤜꤢꤪ꤬ꤊꤢꤨ꤭ ꤒꤣ꤬ꤖꤚꤢꤩ꤬ ꤜꤢ꤭ꤟꤤꤒꤥ꤬꤯

ꤘꤢꤧ꤬ꤒꤢꤩ꤬ꤞꤢꤦ ꤒ꤫ꤢꤧ꤬ ꤢꤨ꤭ ꤟꤢꤨ ꤞꤤ꤭ ꤗꤢꤧꤓ꤫ꤣꤧ꤬ ꤢꤨ꤭ ꤘꤣ ꤢ꤬ꤊꤜꤢꤪ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤒ꤫ꤢꤧ꤬ꤗꤢꤩ꤬꤯ ꤗ꤫ꤢ꤬ꤟꤢꤩꤗꤢ꤬, ꤘꤢꤧ꤬ꤜꤢꤧ꤬ꤡꤢꤪ ꤘꤢꤧ꤬ꤜꤢꤧ꤬ꤒꤢꤩ꤬ ꤜꤢ꤭ꤋꤢꤧ꤭ ꤞꤤ꤭ ꤞꤤꤕꤜꤢꤪ꤬ ꤘꤣ ꤞꤤ꤭ ꤊ꤫ꤢꤦ꤬ ꤘꤣꤧꤡꤢ꤭ꤒꤥ꤭ ꤘꤣꤧꤡꤢ꤭ꤙꤢꤩ꤬ ꤢꤨ꤭ ꤔꤣꤧ꤬ ꤔꤤ꤯”

ꤊꤣꤧ꤬ꤛꤢꤧ꤭ ꤘꤣ ꤢ꤬ ꤟꤢꤩꤙꤢꤩ꤬ ꤚꤣꤧꤘꤢꤦ꤬ ꤔꤢꤧ ꤢ꤬ ꤒꤣꤧ꤬ꤚꤣꤧ꤭ꤏꤝꤢ꤬ꤏꤢꤪ꤭ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤔꤣꤧ꤬, ꤢ꤬ ꤞꤤꤛ꤫ꤢꤦ꤬ ꤔꤢꤪ꤭ꤓꤢꤨ꤬ꤞꤢꤩꤚꤣꤧ ꤢꤨ꤭ ꤔꤢꤧ ꤢ꤬ꤔ꤫ꤢꤩ꤬ ꤖꤢꤧ꤯ ꤗꤢ꤬ꤔꤢꤧꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤞꤤꤛ꤫ꤢꤦ꤬ ꤔꤢꤪ꤭ꤓꤢꤨ꤬ꤞꤢꤩꤚꤣꤧ ꤢꤨ꤭ ꤔꤢꤧ ꤖꤚꤢꤩ꤬ ꤘꤣ ꤢ꤬ ꤔꤢꤪ꤭ꤟꤢꤧ꤭ ꤜꤢꤨ꤭ ꤣꤧ꤭ꤒꤣ꤬ꤖꤚꤢꤩ꤬ꤖꤚꤢꤩ꤬ ꤔꤣꤧ꤬, ꤢ꤬ ꤟꤢꤩꤙꤢꤩ꤬ꤡꤢꤪ ꤖꤢꤧ, ꤢ꤬ ꤜꤣꤧ꤬ꤟꤥ꤭ꤜꤣꤧ꤬ꤟꤢꤧ꤬ ꤢꤨ꤭ ꤒꤥ꤬꤯

ꤚꤣꤧ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤟꤢꤩꤏꤢꤦ꤬ ꤛꤢꤩ꤬ꤞꤤ꤭ ꤔꤢꤧ, “ꤠꤢꤧ꤭ ꤤ꤬ꤞꤝꤢ ꤢꤨ꤭ ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤠꤢꤧ꤭ ꤒꤢꤩ꤬ꤤ꤬ꤞꤝꤢꤤ꤬ꤞꤢꤧ꤬ ꤚꤣꤧꤘꤢꤦ꤬ ꤗ꤫ꤢ꤬ꤒꤥ꤬꤯ ꤒꤢꤩ꤬ꤤ꤬ꤞꤝꤢ ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤢ꤬ ꤟꤢꤧ꤭ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤘꤣ ꤢ꤬ ꤔꤢꤪ꤭ꤟꤢꤧ꤭ ꤠꤢꤧ꤭ꤣꤧ꤭ ꤒꤣ꤬ꤖꤚꤢꤩ꤬ ꤢ꤬ ꤥ꤬꤯

ꤖꤚꤢꤩ꤬ꤜꤢꤨ꤬ ꤟꤢꤩ꤬ꤋꤢꤨ꤬ꤖꤢꤨ ꤒꤣꤧ꤬ꤟꤢꤩ꤬ ꤞꤤꤓꤢꤩ꤬ ꤡ꤫ꤢꤧ꤬ ꤞꤤ꤭ ꤒꤥ꤬꤯ ꤗꤢ꤬ꤔꤢꤧꤚꤣꤧ꤬ ꤢ꤬ ꤞꤤꤓꤢꤩ꤬ ꤜꤢ꤭ꤋꤢꤧ꤭ ꤠꤢꤧ꤭, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤠꤢꤧ꤭ ꤜꤢ꤭ ꤟꤢꤩꤓꤢꤩ꤬ꤜꤥ꤭ ꤛꤢꤩ꤬ꤞꤤ꤭ ꤗꤢꤩ꤬ ꤒꤢꤩ꤬ꤗꤢꤨꤗ꤫ꤢꤧ꤬ ꤒꤣꤧ꤬ꤟꤢꤩ꤬ ꤔꤣꤧ꤭꤮꤯