آيات مشهورة من الكتاب المقدس منMǒhtûlû̌hǎhtûsa 3

شارك

Bǎ pwa̤mǒ̤ kè̌shǐ sǒsǎnu akha, awî̤tè̤̌sî̌ bǎ lû̌ya, atô lû̌sǎphlǒ dǒ sǎyṳ ǎ, abǎ lû̌ sǔshi dǒ a gǔ ǐ lû̌û ta̤sî̌jò̌ dě a běhtò̌ sǒsǎnu dě a ǎ, kǎtô̤̌ a dǐǎ tutṳ̌ padô̌ kû̌ awṳ̂ dǒ a ô̌ kû̌ lû̌û nudě awṳ̂ gû̌ ǎ sǒsǎnu.

Bǎnukha wṳ̂̌ ô̌ tôbô. Dě bǎ Běcǎ Cǒmara tûjû̌pwa̤ bô̌lò̤ ta̤mi̤ta̤mò̤̌ tokhlǒ aklanu, ta̤mi̤ dǒ aplò̤ nutokhlǒ akla wṳ̂̌ numî̌ a lîmò lǒ dě a hèhî̌ pwa̤mǒ̤ nutôpwa̤ kû̌, “Cǒmara hî̌ mè̤̌caca kû̌ sǒsǎ titètè̌ bǎbǎ sǒsǎ dǒ a ô̌ dǒ Ede we̤kûnu sî bǎ ǎ yǎ anǐ̤ tô̤̌ a hî̌ nǎ sî pô̤̌nu ya?”

He no htûhtò̌ na kû̌ pwa̤mǒ̤ nutôpwa̤ khuwè̤ pě, nakhli tôpwa̤ kû̌ pwa̤mǒ̤ akhli tôpwa̤ gǔ shěpě̤ lû̌û pě, dě pwa̤mǒ̤ akhli tôpwa̤ gǔ yî̤̌mǔ naikǒ pě, dě na gǔ ě pwa̤mǒ̤ akhli pwa̤khû nutôpwa̤ khò̌teněkò pě.”

Htodě a hî̌ pwa̤mǒ̤ nutôpwa̤ kû̌, “Na gǔ mǒ̤dohtò̌ kû̌ ta̤pò̤̌ta̤sha ta̤shuphǔshèwè̤ jî̌ pě, dě na gǔ phû̌ô̌ khòjî̌khòjû̌ pě. Nasǎphlǒ ata̤sǎyṳnu a gǔ htû nawṳ̂ aya pě dě a gǔ pǒǐ na pě.”

Na lǎ̤ǎlǎ̤ô aya na bǎ jî̌pwǐ̤ǎ jî̌pwǐ̤wè̤ kwǐshilò̤ tǒ̤dǒ na htûhtò̌ sô̌ hǎkumṳ̌nu pě. Kòyò bô̌ na kû̌ hǎkumṳ̌ akhû̌akhî, na bǎ getô gesô̌ hǎkumṳ̌ pě.”

Dě a hî̌ KhûAda kû̌, “He mǎnǎ yô̤̌ kû̌ na bǎ ǎ sǒ nutôsǒ asǎ tô̤̌ he hî̌nǎ na bǎbǎkǎlè na ganǎ̤de nama yô̤̌ dě na cû̌ǎ akhû̌akhî, dǒ nakhû̌nakhî dě he ǐsho kèhto hǎkhû̌nu hǒ, na lǎ̤ǎlǎ̤ô aya na bǎ jî̌pwǐ̤ǎ jî̌pwǐwè̤ ta̤ tûjû̌pwa̤ pě.

Dě Běcǎ Cǒmara tûjû̌pwa̤ hî̌ lû̌û kû̌, “Mò̌pè tôpwa̤ hî̌ na kû̌ na ô̌koyoklǐ ya? Mî̌ na cû̌ǎ kèhto sǒsǎ dǒ he no ǎ na tô̤̌nu yahî̌?”

Běcǎ Cǒmara tûjû̌pwa̤ wṳ̂̌hǎhtò̌cû̌kè hto asî dě a dǐô̌kè kû̌ ta̤mi̤ta̤mò̤̌ dǒ adî̌ge ô̌ dě kòyò kaǎ lû̌û kû̌ Kherǔbe dǒ Edewe̤kû lṳmṳ̌htò̌ tôkhô. Dě a bè̌ nò̌shî tôbǎ dǒ lǎ̤tôgô̌tègèǐ dě a gè̌plô̤̌htò̌ asô̌sô̌kû̌ mî̌gè̌nu. Dě a no ô̌pǒ̤kè̌ǐ lû̌kû̌ sǒ dǒ a ǐ kòyò ta̤htûpwa̤ nutômṳ̌.

KhûAda amanu a gǔ htûbò kòyò dǒ a htûpwa̤ tokhlǒ amǒ̤ pě akhû̌akhî, KhûAda kaǎ ǐ ami̤ kû̌, Mǒ̤ěwǎ. (Ěwǎ yô̤̌sǎyô̤̌mû mî̌ ta̤htûpwa̤.)