آيات مشهورة من الكتاب المقدس منYṳ̂ha 13

شارك

“Pô̤̌nudě khònò̤̌ he gǔ mǎnǎ sî yô̤̌sǎ asa tômû. Mô̤nṳ̌ lô̌khô lû̌û tôpwa̤ kû̌ tôpwa̤ nî̌꤮. Pô̤̌ he mô̤nṳ̌ sînu, sî bǎ mô̤nṳ̌ lû̌û tôpwa̤ kû̌ tôpwa̤. Sî kè̌ mô̤nṳ̌ lû̌û tôpwa̤ kû̌ tôpwa̤ hî̌dě, kòyò pṳ̂̌꤮ tôpwa̤ gǔ sî̌ganǎ̤ kû̌ sî htû he khôphijǎ pě.”

Pô̤̌nudě khònò̤̌ he htû sî Běcǎ, sî sara dě he kè̌ cǔbò bǎ sî khò̌lôpô̤̌ kè̌hî̌dě sî tô cǔbò kè̌khî bǎ lû̌û khò̌lôpô̤̌ tôpwa̤ kû̌ tôpwa̤ nî̌꤮. He ma̤lṳ̌bǎ sî ta̤kè̌lû̌mò̌mṳ tocǒ hǒ. Sî tô gû̌ma̤kû̌ lô̌khô pô̤̌ he ma̤ bǎ sînu.

Dě Běcǎ Yeshǔ hî̌shěshǔ lû̌û kû̌, “Ma̤titè̌ he cû̌ma̤ tǒ̤ pô̤̌onu, khònò̤̌ na sî̌ganǎ̤ nò̌khôtô̤̌ bǎbǎkǎlè tôni̤ni̤ pěnu, na sî̌ganǎ̤phlôhtò̌ tûû̌ pě.”

He hî̌cǒcǒ sî, jû̌ dû̌khlo aběcǎ tôpwǎ̤꤮ tô̤̌. Kòyò dǒ a no lû̌û tôpwa̤nu adû̌khlo kû̌ a no lû̌û nutôpwa̤ a ô̌ tôpwǎ̤꤮ tô̤̌.

Khònò̤̌dě sî sî̌ganǎ̤ lô̌khô ta̤nutokhlǒ hǒ. Sî kè̌ ô̌htûpwa̤ gû̌ma̤ ta̤nu tokhlǒ hî̌nu, sî gǔ nǐ̤bǎ ta̤ǐshowî̤.

Pô̤̌nudě a ihtǒ dǒ asî lǎ̤ǎ dîgògǒ kòshî̌ dě a plû̌htò̌kè a jehtû htodě a coměhtò̌ a shè̌kòlô̤ kû̌ hǔphô lǎ̤htǔsû tôpṳ. A ma̤hto pô̤̌nudě, a tènṳ̌ shi dǒ balě taadû̌ koyo tôbǎ akû dě a sahtò̌ cǔbò bǎ akhôphijǎ tokhlǒ akhò̌lôpô̤̌. Dě a htǔsûkè bǎ asî kû̌ hǔphô dǒ a coměhtò̌ dǒ a shè̌kòlô̤ nutôpṳ.