آيات مشهورة من الكتاب المقدس منYṳ̂ha 15

شارك

“He mî̌ sîpî̌mṳ̌, sî mî̌ aphò tokhlǒ. Kòyò dǒ a ô̌měô̌gle kû̌ he tôcǒnô̤̌, dě he ô̌měô̌gle kû̌ asî tôcǒnô̤̌ tokhlǒnu, asî gǔ sǎhtò̌phôhtò̌ dû̌wî̤ pě. Ma̤titèhî̌dě sî kè̌ ô̌ ô̌měô̌gle kû̌ he tô̤̌ hî̌nu, sî ma̤jò ta̤ tôcǒ꤮ tô̤̌.

Ô̌měô̌gle lô̌khô kû̌ he tôcǒnô̤̌, dě he gǔ ô̌měô̌gle kû̌ sî tôcǒnô̤̌ pě. Sîpî̌phò tôphòphò dǒ a ô̌sho iměcu kû̌ he tô̤̌nu, a sǎhtò̌ jò tû̌ anǎ̤ tôphò̌꤮ tô̤̌. Pô̤̌nudě sî kè̌ ô̌měô̌gle kû̌ he tôcǒnô̤̌ tô̤̌ hî̌dě, sî sǎhtò̌bò̌ jò sǒsǎ dǒ a mè̤̌ kû̌ ma̤ta̤wô̌nu tôpwǎ̤꤮ tô̤̌.

Sî kè̌ ô̌měô̌gle kû̌ he tôcǒnô̤̌, dě helě̤heyô̤̌ kè̌ ô̌mětegle kû̌ sî tôcǒnô̤̌ kè̌hî̌dě sî sǎyṳkwi titètè̌꤮ bǎbǎnu, he gǔ ǐ sî pě.

Sî rû̌htò̌ he mè̤̌tô̤̌. He rû̌htò̌ sî dě he bè̌htò̌ sî pô̤̌khô sî gǔ hǎhtò̌cû̌ lô̌khô dě cû̌ sǎhtò̌phôhtò̌ dû̌wî̤ lô̌khô. He bè̌htò̌ sî kû̌ sî gǔ sǎicuměgle lô̌khô tǒ̤dǒ agutṳ̌. Sî kè̌ ma̤pô̤̌nu mî̌ sî kwi caba titètè̌꤮ bǎbǎ, sî kè̌ kwi kû̌ hemi̤ hî̌nu, pha gǔ ǐ sî pě.

Ta̤mô̤nṳ̌ dǒ adû̌lǒ mî̌ kòyò tôpwa̤pwa̤ dǒ a tṳ̌sikhòsikè anǎ̤ dǒ a khô tokhlǒ ayanu a ô̌ pe tô̤̌ hǒ.

Sîpî̌phò dǒ a icu kû̌ he dě asǎaphô htò̌ tô̤̌ tokhlǒnu, a gǔ pě̤tṳ̌kè bò pě. Aphò dǒ asǎaphôhtò̌ tokhlǒnu bǎbǎ, pô̤̌khô a gǔ sǎhtò̌ dû̌wî̤pô̤̌ ayanu, a pě̤lî ma̤bò aphò tokhlǒ.

Mô̤nṳ̌ lû̌û tôpwa̤ kû̌ tôpwa̤ pô̤̌ he mô̤nṳ̌ sî nunî̌, Hǒomî̌ amè̤̌kû̌ he ta̤mǎlò̤ hǒ.

Dǒ sî sǎhtò̌phôhtò̌ dû̌wî̤ sǒsǎ dǒ amè̤̌kû̌ ma̤ta̤wô̌ tokhlǒ akhû̌akhî, he pha a ta̤bwǐdû̌sîrîhtû gǔ ô̌ lṳ̌htò̌ pě. Dǒ sî sǎhtò̌dû̌ pô̤̌nu akhû̌akhî, sî dǔlè̌lṳ̌hto kû̌ sî htû he khôphijǎ tokhlǒ hǒ.

“He mî̌ sîpî̌mṳ̌ dǒ a mè̤̌mî̌ca tômṳ̌, hepha mî̌ pwa̤kè̌ǐ we̤běcǎ.

Kòyò tôpwa̤pwa̤ dǒ a ô̌měô̌gle kû̌ he tôcǒnô̤̌ tô̤̌nu, asô̌sô̌kû̌ sǒphò dǒ kòyò wîhǎhtò̌kè a dǒ akhlo, dě a nôkèkhwekè tokhlǒ nupwǎ. Sǒphò pô̤̌nu tokhlǒnu, kòyò htǔplǒ a dě kòyò wînṳ̌kè lû̌û dǒ mî̌kû dě kòyò shû̌ukè a pwǎ.

Pô̤̌khô sî gǔ sǎlě̤sǎlò̤ sô̌sô̌kû̌ pô̤̌ he sǎlě̤sǎlò̤ ayanu, he shôbǐǐlṳ̌ bǎ sî hǒ.

Sî kè̌ ganǎ̤de jûlě̤phî̌ he ta̤mǎlò̤ tokhlǒ numî̌ sî ô̌měô̌gle dǒ he ta̤mô̤nṳ̌ akû hǒ. Sî kè̌ ma̤ pô̤̌o numî̌ a sô̌sô̌ kû̌ he ganǎ̤de hepha ayô̤̌ dě he ô̌měô̌gle dǒ a ta̤mô̤nṳ̌ akû nuhǒ.

He ta̤mǎlò̤ yô̤̌sǎ numî̌ amè̤̌kû̌ mô̤nṳ̌ lû̌û tôpwa̤ kû̌ tôpwa̤ nuhǒ.”

Sî kè̌ sô̌sô̌kû̌ kòyò hǎkhû̌phû̌ tokhlǒ hî̌nu, a gǔ mô̤nṳ̌ sî pô̤̌ asî kòyò tûû̌ nutokhlǒ pě. Bǎbǎkǎlè sî dě, sî khô̌ kû̌ asî hǒ. He rû̌htò̌ khô̌hto sî dǒ kòyòhǎkhû̌phû̌ tokhlǒ akla hǒ. Asî sǎkhě sî akòshî̌gutṳ̌ mî̌ amè̤̌kû̌ dǒ sî khô̌ kû̌ asî hǒ. Htokhôtô̤̌ he rû̌htò̌ khô̌kè sî kû̌ asînu akhû̌akhî, dě asî sǎphlǒdû̌ sî hǒ.