آيات مشهورة من الكتاب المقدس منI YOHANE 14

شارك

Rodoa Kubintaakomiu. Rodoa-Ku Kuweeakomiu, ka hapa anu Kuweeakomiu komba kana anu iweeakomiu wawontolino. Si sala-laro ka mondende aroamiu.

Dopotaeakono i Yesu, ”Ongkuemo sala ka menteea ka tuwua. Nahina maupo te'asa mia hawe ndi Ondae i Ama, ba nahi pesala ndi Ongkue.

”Si sala-laro aroamiu; impe'ala-ala Iramo Ue Ala, impompe'ala-ala mbo'u ndi Ongkue.

sine Pontarero, onaemo Penaa Mempori, anu ta tinena-Do i Ama a neeKu, Ondaemo anu Ira paguruakomiu luwuakoano ka Ira mopoto'oriakomiu luwuno anu Kupauakomiu.

Ba isema uminio parenta-Ku ka iweweuo, onaemo anu kumekewoi Aku. Ka ba isema mehohawa Aku, Ira mehohawao Ama-Ku ka Ongkue mbo'u Aku mehohawao ka Aku mepokomengkaa ndi onae.”

Aku umemao ndi Ondae i Ama, ka Ira moweeakomiu aasa Pontulungi anu susua, ka ikongkomi komiu ranta nahina tampulaano, onaemo Penaa Menteea. Wawontolino nahi pokotarima Ira, hangano wawontolino nahi kita Ira ka nahi to'ori Ira. Sine omiu imento'ori Ira, hangano Dokongkomi komiu ka mo'ia i laromiu.

ka hapa anu inemamiu a nee-Ku, Aku weweuo, ka Dopinokomaramba i Ama i larono Ana. Tewala mpo'ema komiu ndi Ongkue a nee-Ku, Aku weweuo.”

”Tewala impehohawa Aku, komiu mentondao luwuno parenta-Ku.

I raha-Do Ama-Ku hadio po'ianga. Tewala komba kantuu, asalakono Kupauakomiu. Hangano Kulako i tu'ai mompatindaakomiu po'ianga.

Ka tewala lumako Akumo i tu'ai ka Kupatindaomo po'iangamiu, Aku wali hawe ka wawa komiu a mpo'ianga-Ku, ka impo'ia koa mbo'u, ba isua Kupo'ia.

Motae i Toma ndi Ondae, ”Ue, nahi kimento'orio ba isua Ilako; gagi kana'umpe kami mento'orio sala lumako i tu'ai?”