آيات مشهورة من الكتاب المقدس منWenía 49

شارك

Wino toĩatõ akĩ enekima mĩ toĩkatsa, mĩ revomaa yorarasĩ askásevi, aaivo toĩki, enetĩpa ikivo, ã ivo oátishõki. Askái aaro maitiósho ashkãsho yorarasĩni nĩkãtanaa niá ikatsai.

Askámaĩnõ, Joséro waka kesó vaná vimiyãwa niá keská. Ãwẽ meã kene matxi votĩ ikí oá keská. Tawayavorasĩni onikĩ chinãki yamamakatsikí. Askái ichnáki chinãki atõ tekõkatsímaĩnõ

ãwẽ kãti kewikesho nii, yometakĩma mestẽkarãsho ato tekõkatsikí. Awesáma, ẽ Yové Weeya Ivõ, Israel yorarasĩ vesoya, ato teashoaya akámẽsho ã ikí. Askávaíse Yové Koĩni mia take atikĩra. Yové Weeya ivõ askásevi vana roapa netãtikĩra. Naí shavapa ivorasĩ askásevi, vana roapa netãi, maĩ aaivorasĩ askásevi, vana roapa netãi, anõ revotirasĩ, shoma, vakenãti aatiisho askásevi, netãi, atikĩra.

Askámaĩnõ, Judapá, miaro mĩ takevõ minõ kakataiyakĩ mia oĩkatsavo. Mivé rawíkinanãyavo miãse ato mĩ akatsai. Mivé merávo mia veyó vetĩ ipákatsavo. Mia leão vake keská. Yoini yamamavaikĩ enevarãi mia omíska. Rakápakéi ikítõ mia imíska, ãwẽ aĩ keská, tsoa rakésmatõ vesõtirá?

Rúbení, miaro ẽ vake vevoké, veroneshõ mestẽ tsã ikimanamãsho mia ẽ merati. Miaro vake kakataiya, mestẽpa ivo. Askámẽkĩ waka koviinatõ ikí mĩ niásho, rama mia kakáyatĩpa. Awesainãma, ẽ anõ piá ivo, anõ eséyakĩma, mĩ meskomtákatá.