آيات مشهورة من الكتاب المقدس منलूका 8

شارك

पर अच्छी जमिनमे पणन बारे बेही हएं, जौन बचन सुनके अच्छो मन और भलो ह्रदयमे बाके बचाए रहतहएं, और धैर्यसाथ फरा फरातहएं।

काँटोको बीचमे पणन बारे बेही हएं, जौन बचन सुनत हएं, पर पिच्छु जा जीबनको चिन्ता, धन, सुखमे पणके बढनाए पातहएं, और बे फरा नाए फरए पातहएं।

पत्थर बारी जमिनमे पणन बारे बेही हएं, जौन परमेश्वरको बचन सुनके खुसीसे ग्रहण करत हएं। पर बिनकी जर नाए होत हए, और बे थोरी समयके ताहीं बे बिश्वास करत हएं, पर सतावटके समयमे बे अलोप हुइजात हएं।

यीशु बिनसे कही, “तुमर बिश्वास कहाँ गओ?” बे डराइगए, तओ अचम्मो मानीं और एकठिन हुइके कहान लागे, “जा कौन हए? जा आँधी और पानीके आज्ञा देतहए, और बे येशूको आज्ञा मानत हएं।”

अगर कोइ दुस्रे जनैके बचन सुनात हए कहेसे, बो किसानदारके बिज छिँटनो हानी हए। कोइ मनै बो डगर कता हएं, जोमे कोइ बिज गिरे होत हएं। जब बे बचन सुनत हएं, तओ शैतान आत हए और उनको मन मैसे सुनो भओ बचनके लैचलो जातहए। तभीमारे बे बिश्वास नाए करत हएं और बचे नाए जातहएं।

मिर मतलब जा हए, कि परमेश्वर बे सब जनैके प्रकट करैगो, जौन अभौतक मनै नाए जानत हएं। अब बो सबए चीजके अग्गु लाबैगो, जौन अभौतक लुको हए।

तओ अपना लुकी रहानके नाए हए करके बात पता पाएके, बो बैयर डरसे काँपत आइ और येशूके अग्गु घुँटो टेकके बैठिगइ और बो येशूके छुइ। तओ, कैसे बो छुइ खिनक अच्छी भइ बात, सब आदमीके अग्गु बताए दइ। येशू बो बैयरसे कही, “ए लौंणीया, तिर बिश्वाससे तए अच्छो भओ हए, शान्तिसे जा।”

तओ बे येशूके जौँणे आएके अइसे कहात जगाइं, “गुरुज्यू-गुरुज्यू, हम डुबनलागे।” येशू उठके आँधी और पानीको लणुराके डाँटी, तओ आँधी चलन बन्द हुइगओ और समुन्दर शान्त हुइगओ।