آيات مشهورة من الكتاب المقدس منमत्ती 23

شارك

तुम मैसे जो सबसे बडो हए, बो तुमर सेवक बनए।

जौन अपनएके बडो बनएहए, बो छोटो हुइहए, और जौन अपनएके छोटो बनएहए, बो बडो हुइहए।”

हे मोशाको नियम कानुन सिखान बारे और फरिसीनको समुह, कपटीयओ, परमेश्वर तुमके दण्ड देहए! काहेकी तुम पुदिना और सुँप और जीराको दसंस देत हओ, पर नियम कानुनके गहिरो बिषयके बारेमे, अर्थात् न्याय, दया और बिश्वासयोग्यताके छोडदएहओ; तुमके दसंस देन बारो काम करनके रहए, और सँगए-सँग जे महत्वपूर्ण चीजके फिर वास्ता करनके रहए।

हे कपटी मोशाको नियम कानुन सिखान बारे और फरिसीनको समुह, परमेश्वर तुमके दण्ड देहए! काहेकी तुम अइसे बर्तन हओ, जौन बाहिर घेन सफा हए, पर भितरसे हबए फिर घिनौनो हए। बे अइसे हएं कि, अपनए अपनएके अच्छे आदमीके जैसे देखत हएं। पर अपने मनमे, बे लोभ और स्वार्थसे भरे हएं।

“यरूशलेम सहरके आदमी, हे यरूशलेम सहर! तए जौन अगमबक्तनके मारडारो हए, और तेरे ठिन पठाए भएनके तए पत्थरसे मारत हए, बहुत चोटी मए चाँहत रहओं, जैसी मुर्गी अपन बच्चानके डख्माके तरे सुरक्षा करत हए, उइसी मए फिर तिर बालकनके बटोरनके इच्छा करो, पर तए नाए चाहो।

अइसियए तुम फिर बाहिर आदमीनके अग्गु धर्मी दिखात हओ, पर भितर कपटी और अधर्म कामसे भरेहओ।”