آيات مشهورة من الكتاب المقدس منHINI UWASI-BIADRCIMOWA ya-sfadoci MAFIYO 1

شارك

Macimi inv wah neginrli uqihfimrli; chena gelv JESISE gah sitv u wefowa; xvga yonv u mvjesilvwewa-nilici wa hnci wrpvnashvhi u ta lanvwamhi inv, iwvli.

Wrpvmahku, inv sasgihqa wa hut vpaluhfami, macimi wah neginrli uqihfimrli, Chena Imanual wah sidrnrwv nihki inv u wefowa; Mvnatu weci gelvwa, iyowa ini yalrbrtudodagi.

Pvyaqv ia hina mam-aginalatvgi yolumv wiahi, wrpvmahku, utfagoli vhpuwawa-nagi inv Dabalamiwatv ut ancvlemvli, Jose, gelv u qihfvli Dapide, tagi kutvnu wvshi mvmvci gewv Male; xvga inv nili ba-bemudrkuci inv Ufapi Ucvjrlvhqv uciwi inv.

Huwa ini usgi-lanvwawewa Jesise Kivisde vlv-yomv yagi : Nili u gali Maleli iah mahci uhsihofulici Joseli, pvyaqv wihsibur nihki utfatiwrci, mgofu inv ut vpaluhfami inv Ufapi Ucvjrlvhqv u nejrnvli. Chena Jose wahsici Male, dawvhi tapvsvwi ’lani, macimi u malvwrci panvlrli nili wvhsi tapisqi wrkumakufilici, mamagini-taha wvhsi gemi pigawhrci.