آيات مشهورة من الكتاب المقدس منZohan 6

شارك

Isuo'n a kōm u na, “Koi hi damna vāipōltāp kā ni. Ka kōma āhong tak chu a von anchām pial lāi nō ni, anā iam tak chu anrāl pial lāi nō ni.

Damna āpēk chu Rathā hi a ni. Taksā chu ītē ei takna om mak. Na kōm una chong kei ril ngāi hi rathā lē damna a ni.

Āsiat thei sāk ranga pōng u nō tānla, tenchu tāituon damna tenpei ādiar rang sāk, Miring Nāipasalin ei pēk sāk sika pōng u ro. Asik chu Pā Pathianin ama chu a sīlmōr a lei zēm suo a ni,” a tī na.

Hiva hi anā tīrpū ei zōt chu a ni, tūkareng Nāipasal āmūna, āiam tak chu tāituon damna man in tia, ama chu nikhuo hek tika mathui ka ti,” a tī na.

Isuo'n amāni chu, “Pathian sin chu hiva hi a ni, amā'n ei hong tīrpū āiam hi a ni,” tīna a masang a.

Pā'n ei na pēk dōra chu ka kōma hong u'n ti. Tūkareng ka kōma āhong tak chu lei not pial nō ning.

Tenchu Simon Peter-in a kōma, “Puma, koini chu tū kōm mo nei sē rang? Nangin tāituon damna chong nā dōn a.

Koi hi vāipōltāp adam, vānram ātā a hong āchum ha kā ni. Tūkareng hiva vāipōltāp a sāk ten, ama chu tāituona dam in ti. Vāipōltāp kei pēk rang chu ka taksā hi a ni. Hiva hi maniapūr damna ranga kei pēk rang chu a ni,” a tī na.

Anā tīrpū Pā rongin a kei nōk ten, tūtē ka kōma āhong thei rang om mak. Ama chu nikhuo hek tika mathui ka ting.

Pathian vāipōltāp chu vānram ātā a hong āchum a, maniapūr kōma damna āpēkpū chu a ni,” a tī na.

Koi hi damna vāipōltāp kā ni.

Isuo'n vāipōltāp ngāi a lāk a, rāisānchong a mantung suole han, a zolāi ngāi kōma a sem a. A zolāi ngāiin ānsut ngāi chu a sem u na. Hantin dēn han ngā um ei zōt u tuk a sem u na. A khop suo u na, amā'n a zolāi ngāi kōma, “Ītē ei ānpei nōkna ranga, anek anōi ānniang ngāi chu mankhōm u ro,” a tī na.

Hatuka mēl anthum, mēl manlī tāng a sē suo u le, Isuo tipui chunga kal achōia, rakuong ei hong dēp a mū na, ā chi u na. Tenchu amā'n a kōm u na, “Koi kēng kā ni, āchi u nō ro,” a tī na.