آيات مشهورة من الكتاب المقدس منLúka̱s 12

شارك

Ikhaa jngó, xkuaꞌnii máꞌ ga̱juwa-na̱ma̱ñalaꞌ mangáanꞌlaꞌ, numuu rí A̱dée Xa̱bo̱ Numbaa ma̱ꞌkhaa̱ mbá mbiꞌi rí asndo ni tsíju̱ma̱ꞌlaꞌ».

I̱wa̱á máján rí gu̱ñajunlaꞌ kajngó ma̱ga̱nú mbiꞌi rí Ana̱ꞌlóꞌ maꞌthán-ñájuun mbá xúgíí, jamí ikhaa̱ máꞌ maxnálaꞌ mbá xúgíí rí i̱ꞌwá ndaꞌyálaꞌ mangaa.

Jamí Jesús niꞌthúún mbá xúgíin xa̱bo̱ ríge̱ꞌ: «Gu̱ña̱wa̱n-mijnálaꞌ inuu mbá xúgíí rí na̱ni̱gua̱ꞌlaꞌ ma̱guaꞌdáálaꞌ mi̱ndaꞌkho. Numuu rí ra̱ꞌkhá rí gíꞌdoo guéñuu xa̱bo̱ jayá mbiꞌyuu̱».

Numuu rí ná guáꞌdáálaꞌ dríga̱ꞌlaꞌ rí gíꞌdoo guéño numuu, ikhín máꞌ gáꞌne a̱kia̱nꞌlaꞌ rí ma̱juwalaꞌ mangaa.

Á numuu rí phú nu̱xna̱-mijnálaꞌ gaꞌkho̱, ma̱ꞌnga̱ꞌlaꞌ mu̱rígu̱ulaꞌ maske i̱mbo̱ó mbiꞌi rí ma̱juwalaꞌ xóó rá dxe̱ꞌ.

Nda̱wa̱á a̱ꞌkhue̱n Jesús niꞌthúún tsí naꞌsngúún: «Ikhaa jngó na̱tha̱nꞌlaꞌ rí ma̱xáxná-gamiéjwanlaꞌ ga̱jma̱á numuu rí mu̱pholaꞌ kajngó ma̱juwalaꞌ, ni máꞌ ga̱jma̱á numuu xtíin rí ma̱ju̱ꞌwánlaꞌ.

Xómáꞌ ikháanꞌlaꞌ rá, asndo mbá xúgíí jayu tsu̱u̱n idxa̱ꞌlaꞌ kíxnuu. Ikhaa jngó, ma̱xámíñalaꞌ. I̱wa̱á gíꞌdoo numalaꞌ ikháanꞌlaꞌ inúú mbaꞌiin ño̱ꞌo̱n lakiin.

»Ma̱xámíñalaꞌ, tsáanꞌ xómá xu̱kú mogui̱ꞌ tsí ra̱mbáꞌiin jaꞌñáaꞌlaꞌ. Numuu rí Ana̱ꞌlóꞌ naꞌne a̱kui̱in rí ikháanꞌlaꞌ ma̱nindxa̱ꞌlaꞌ xa̱bo̱ tsí muthan-ñajun ga̱jma̱á nindxu̱u̱.

Gu̱ya̱xu̱únlaꞌ yu̱wa̱ꞌ: tsíni̱i̱ xaxtu ni máꞌ nda̱a̱ rí ijma̱a̱ ini̱i̱. Na̱nguá guáꞌdáa̱ ná mu̱raxii̱ rí mu̱phi̱i̱, ni máꞌ nda̱a̱ xtagaꞌwu ini̱i̱, jamí Ana̱ꞌlóꞌ naxníꞌtsúu̱n. ¡Xómáꞌ ikháanꞌlaꞌ rá, i̱tha̱án gíꞌdoo numalaꞌ xó rí xu̱kú xna!

Ikhaa jngó, ma̱xáxná-gamiéjwanlaꞌ náá gáꞌkha̱ rí mu̱pholaꞌ, ni máꞌ ma̱xáxná-gamiéjwanlaꞌ náá gáꞌkha̱ rí mu̱wanlaꞌ. Ma̱xáguaꞌdáálaꞌ gaꞌkho̱ ga̱jma̱á numuu rúꞌkhue̱n.

Xí Ana̱ꞌlóꞌ naꞌne tsiꞌyáa xkuaꞌnii iná rí ríga̱ xúge̱ꞌ ná xanáá, jamí gátsíí nati ne̱ mi̱kha ná awúun agu, ¡i̱tha̱án máꞌ ma̱ꞌne Ana̱ꞌlóꞌ rí ma̱ju̱ꞌwánlaꞌ xtíin rí mitsaan ikháanꞌlaꞌ, tsáanꞌ xa̱bo̱ tsí lájwíin wéje̱ a̱kui̱ín ná inuu Ana̱ꞌlóꞌ ñajwanlaꞌ!

Numuu rí mbá xúgíí rí ríga̱ ngu̱ꞌwo̱o̱, ma̱ga̱nú mbiꞌi rí ma̱kujma ne̱. Asndo nimbá ma̱xáxóo ma̱ri̱gá ngu̱ꞌwo̱o̱, mbuyáá ne̱ tsiakhe̱ xa̱bo̱.