آيات مشهورة من الكتاب المقدس منIuwãu 6

شارك

Maꞌato Iesui tiꞌatuwesat -Miꞌi man ni Uito e. Uito rat miꞌu miitꞌin moieineꞌen hanuat e. Uwe uwe uhewowiat suut hat uimohey hanuat ti aru yt karãpe i hesyꞌat yt karãpe i teꞌyꞌutui e Iesui.

Taꞌi Tupana Paꞌãu ete uhehay yt uipuꞌi ete i uhehay e. Uhehay Maꞌãu kaipywiat eimuꞌe hap. Miꞌi yn eimoieineꞌen hap wuatꞌi eꞌat piatnuat e.

Eweikat kahato wyti miꞌu eimeꞌen moꞌok hamuat neꞌi e maꞌato miꞌi ti nem rakatnuat neꞌi e. Maꞌato waku eweikat miꞌu sese wuatꞌi eꞌat piat eimoieineꞌen hamuat e. Miꞌi yn wyti Miitꞌin Ykeꞌet tum kuap ehepe. Pywo Miitꞌin Ykeꞌet tum kuap katupono iꞌywot atipy piat waku kahato miꞌi nug hamo e.

Miꞌi hap Uiꞌywot tikyꞌesat -Uwe uwe taꞌakasa Haꞌyru kape hawyi imohey miꞌi hat ti wuatꞌi eꞌat piat ieineꞌen hat topyhuꞌat e. Uwe uwe Haꞌyru mohey miꞌi haria ti aru Haꞌyru tiꞌatuenoꞌẽ iꞌatuꞌasyp hap kaipyi iꞌatuieineꞌen pakup i hamo e.

Miꞌi hawyi Iesui tiꞌatuwesat -Tupana tikyꞌesat kahato ti tomipoꞌoro mohey ehepiat hap e Iuteuria pe.

Uiꞌywot miium uhepiaria wyti aru uhewowi tõꞌẽ miitꞌin. Miꞌiria ti aru yt karamuo i raꞌyn atiꞌatuꞌaro uiꞌyatypepyi.

Maꞌato Simau Peteru tiwesat Iesui -Yt paĩ e. Yt uwe i raꞌyn ten eꞌewywuat uruporekuat e. En yn ni urumuꞌe kuap hat e. Emienoi yn ni urumoieineꞌen wuatꞌi eꞌat piat hamuat urukaꞌiwat e. Uruiꞌatoiat En hawyi ti ren uruiꞌatoiat raꞌyn sehay wuatꞌi eꞌat piat kuap hap e.

Uito ti atipy kaipywiat man miitꞌin moieineꞌen hamuat e. Uwe uwe miꞌi man iꞌu miꞌi hat ti aru toineꞌen wuatꞌi eꞌat pe e. Mekewat uimiium man wyti uipiit e. Atum aru uipiit miitꞌin moieineꞌen hamuat e Iesui.

Uipoꞌoro hat Uiꞌywot sese yt ehekyi i uhewowi eipyꞌa pe pote yt eweikosap kuap i uhewowi e. Uwe uwe uhewowiat gosap haria ti aru atenoꞌẽ iꞌatuꞌasyp hap kaipyi ikahuro hap eꞌat pe are e.

Tupana wat man tuut raꞌyn atipy kaipyi. Tutum neꞌen neran wuatꞌi miitꞌin moieineꞌen hamuat e.

Man ewy kahato Uito are uwe uwe uimohey miꞌi hat ti uimimoieineꞌen wuat topyhuꞌat wuatꞌi eꞌat pe e Iesui.

Miꞌi hawyi Iesui tat man hawyi waku e Tupana pe hawyi toipatꞌok patꞌok topotmuꞌeria pe mekewat man toimowato kahato. Miꞌi hawyi ipotmuꞌeria tum miitꞌin sem me apyk haria pe. Miꞌi hawyi iꞌewyte pira hit typy rakat toipatꞌok patꞌok iꞌatumiꞌu wo. Miꞌi hawyi teꞌerenuk kahato iꞌatuꞌok kahato. Miꞌi hawyi toꞌe Iesui temiitꞌin me -Eweikat ro iꞌatumiꞌu ieĩpyt uhytꞌiꞌin e. Yt naku i miꞌu watomosatek e.

Ihyemyiꞌa pyꞌasetpiat turan teꞌeraꞌakasa raꞌyn Iesui kape. Tuut raꞌyn iꞌatuupi yowa tote hewyry. Teꞌeraꞌakasa hawyi teꞌerokenꞌẽ kahato. Iesui toꞌe iꞌatuepe. -Uito rat yt eweikenꞌẽ teiꞌo e.