آيات مشهورة من الكتاب المقدس منPEMUYAN 2

شارك

Un dau Peterus neng ida: “Nesen ne, ngan nyepuleʹ kimet cem cen penyalaʹ kem singket usa hem te, ngan tai alaʹ batis neng ngadan Yesus Keristus. Ina janan ke sau penyalaʹ kem, idi hem alaʹ pengencai Allah, atek Berua Buheʹ ina.

Ida dina tudep tai pekalai ngan diaʹ lawa Injil dina, ngan kenahum neng udip iaʹ pebeka penawai, pekina pe dalem puyan nte pemung uman ngan lemameʹ palaʹ Tuhan.

Mung nte tai sangan kuʹun Berua Buheʹ, sulo re pisiu neng naʹan naʹan dau isiu, bayaʹ ban puyan Berua Buheʹ iaʹ nai mesun neng ida cuk ida pisiu.

Belekaʹ nai dau ca liʹu cen langit, koʹ baʹan dau bahiu kasa iaʹ bioʹ dau ue, nai nyangan amin kukoʹ de madung. Belekaʹ nai luhaʹ koʹ baʹan aʹang luten, iaʹ nai neng ida, iaʹ tai pigai ngedung neng usun ida, singket singket usa re. Mung nte tai sangan kuʹun Berua Buheʹ, sulo re pisiu neng naʹan naʹan dau isiu, bayaʹ ban puyan Berua Buheʹ iaʹ nai mesun neng ida cuk ida pisiu.

Singket tau ne, tudep seʹ de tai pempun kaʹ Umaʹ Palan Allah, ngan ca le penawai re. Kun nte pemung uman kedalem amin nte, mentung nte uman ngan bangen saheʹ ngan libaʹ seʹ kimet de, mentung nte pempau Allah, ngan sihoʹ neng pengubaʹ lepoʹ ina mung. Singket tau ne Tuhan ngepit Mpun nte kuʹun dulu diaʹ tisen puyan iaʹ pudip ida dalem Tuhan.

‘Un dau Allah: Pekini puyan nceʹ ʹo, tegoʹ ketai kebayaʹ udip. Akeʹ ke mubeʹ Berua heʹ neng usun mung kelunan, diaʹ anak laki hem, ngan diaʹ anak leto hem. Ida iaʹ ke badaʹ kimet Allah. Un diaʹ demanai hem, ida ke taʹan kudaʹ naʹan penaʹat, Un diaʹ lataʹ kem, ida ke ngenupi naʹan naʹan kenupi.

Mung diaʹ ngelan Tuhan dina tudep seʹ de neng udip de, tai pebulung ne ida, ngan mung inu re ida un pemung. Kun nte pebeli galen ngan inu re, sulo re petulat ligit ban beli ie mida dina mung, bayaʹ neng seʹ penepa singket singket usa re.

Un dalau ina sepe, aheʹ diaʹ lemameʹ Tuhan dalem ngadan ne, ia le iaʹ ke un udip iaʹ ke pudip ia dalem Tuhan.’ Pekina dau Allah dalem surat Yuil.”

Mata tau ke pekaliu mentem. Ngan bulan ketai pekaliu bala koʹ baʹan dahaʹ, kena ha ke abeʹ Tau Tuhan. Tau ina ne tau bioʹ ngan tau selawan.