آيات مشهورة من الكتاب المقدس منYAYA 15

شارك

“Akeʹ ne iaʹ inan, ngan ikem iaʹ daʹan ne. Aheʹ iaʹ detem neng akeʹ, pekina lete akeʹ neng ia, ia lete ke un sahu buʹan uʹo. Abeʹ kem senteng uyan ca inu buk kem tengen cen akeʹ.

Kuaʹ baʹan daʹan neng inan ne, pekina lete ikem detem neng akeʹ, ngan pekina pe akeʹ ke detem neng ikem. Ukoʹ baʹan ca daʹan, abeʹ e senteng buʹan tengen. Ia bang buʹan buk ke detem neng inan ne tuaʹ le. Ngan pekina lete ikem, abeʹ kem senteng buʹan buk kem abeʹ un lemuto neng akeʹ.

Buk kem detem neng akeʹ, ngan isiu heʹ pe detem neng ikem, ina le ikem ke nyat inu iaʹ ikem ubaʹ, ngan ikem ke un ne lete.

Abeʹ e ikem iaʹ lemileʹ akeʹ, akeʹ iaʹ lemileʹ ikem, ngan peteneng ikem ke un buʹan iaʹ sahu. Ina ne buʹan iaʹ abeʹ un tisen tai jaʹat. Ngan pekina ne puyan Amai Bioʹ ke naʹ mikem, mele inu iaʹ ikem nyat neng ia dalem ngadan nceʹ.

Iaʹ pengebioʹ malaʹ ca kelunan neng diaʹ tuyang nge, ina ne mencai udip pe tuman ida.

Ia mutun mesau singket daʹan diaʹ abeʹ un buʹan neng akeʹ. Ngan singket daʹan diaʹ buʹan, ia ke metoʹ palai apan bada le daʹan ne, ngan tiga kenai buʹan ne sahu.

Ini ne katuk ukum keʹ: malaʹ ne neng ikem semaheʹ, kuaʹ baʹan nceʹ malaʹ neng ikem.

Pekini ne puyan serema peniga Amai heʹ ke luhaʹ kuʹun ban ncem ke un buʹan iaʹ sahu. Ngan pekini ne puyan ncem ke nuyan diaʹ bayaʹ katuk keʹ.

Akeʹ ne atek inan anggur iaʹ lan, ngan Amai heʹ iaʹ nubo pula.

Aheʹ iaʹ abeʹ un detem neng akeʹ, dulu ke pet kawang, ukoʹ baʹan ca utun daʹan iaʹ tai maʹang are. Daʹan dia pekina, dulu pempun ngan pet kaʹ luten apan ne tutung.

“Akeʹ badaʹ ini mikem apan pengebangen nceʹ ke un neng ikem, ngan laʹa apan pengebangen ncem ke daʹam.

Buk kem bayaʹ dau katuk ukum keʹ, ikem ke mudip detem dalem pengemalaʹ keʹ, ukoʹ baʹan nceʹ bayaʹ dau katuk ukum Amai heʹ ngan mudip detem dalem pengemalaʹ a.

Ina ukoʹ keʹ pekini dau cuk ikem: malaʹ ne neng ikem semaheʹ.”

Buk kem tulat usun tanaʹ ini, ina le usun tanaʹ ini malaʹ neng ikem kuaʹ baʹan ne malaʹ neng diaʹ anun te tengen. Un sepuʹo akeʹ iaʹ lemileʹ ikem cen usun tanaʹ ini, ngan abeʹ kem un tulat te laʹa, ini iaʹ pukoʹ o miʹi neng ikem.