آيات مشهورة من الكتاب المقدس منLuk 6

شارك

Hala naiam a hitaguhu turu katuun ba palai te kato has uariou iesana i tamilimiou. Ba u katuun te hala haniga raroui limiou a skel i tamilimiou antunana te saputu nen bate pururukuna. A mar skel te roron hala rami limiou u katuun, tara mar skel teka te hala hapopo pouts has naria romana i tamilimiou.”

A katuun a niga te ka mena u hakats u niga i torinen e habutena a markato na man raranga a man niga. Na katuun a omi te kamena u hakats u omi i torinen e habutena a markato na man raranga te omina. Taraha? A runguna a katuun te roron ranga nena a manka te saputena a torinen.”

Kaba limiou go ngil raiam u pakö i tamilimiou bate kato haniga ramen. Alimiou go hala pukpukuiam, kaba ma hakats nami tego lu pouts menami ta ka. Ba limiou te lue miou romana u hamatana pan, bate haröto has namiou alimiou a galapien tere Sunahan Iasa Koru. Taraha? Nonei e niga has na turu katuun u omi tena mala haniga uari tere Sunahan.

Alimiou ego taatagi raiam u katuun, temar taatagi has mera nei limiou e Tamamilimiou e Sunahan.”

Be Iesu e rangana me poeiena, “Ma ona rami a palai, ba limiou tema ona has raroui. Ma kato sil rami a palai gi hahuner, ba limiou tema hahuna has raroui. Alimiou ego nolo pouts raiam u katuun ti kato homia i tamilimiou, ba limiou te nolo pouts has rariou.

“Kaba lia e ranga mera goulimiou eresi te hengoe riou lia, ngil raiam u pakö i tamilimiou. Kato haniga mia turu katuun te omi rariou limiou. Kalala raiam u katuun te ranga homi ria i tamilimiou, ba limiou te singo sil ramiou u katuun te kato homi ria i tamilimiou.

Kato merai a palai temar ngil has uamölö tegi markato uaien i tamölö.

Tega tapaleia ta töa ta katuun a abuabu mölö, hatapala hasiin a hapala. Tega lueia ta töa u hasobö pan i tamölö, hala hasei u hasobö u tetenei i tamölö. U katuun hoboto te rangata ner ta ka i tamölö, halari. Na tara pöata te lue ria a manka i tamölö, ma rangata nai tego lu pouts menaien lö.

Be Iesu e poeiena, “U ruei u niga ema tatei ka menei a hua a omi, na u ruei u omi ema ka has menei a hua a niga.

U mamana u ruei e atei silanaria tara hua i taren. Alimiou ema tatei lue mia ta kutu tara pata, na limiou ema tatei lu hase mia ta huan lahou turu korkoru.