یارادیلیش 5
5
آدَمدن نوحا قدر اولان نسئللر
1آدَمئن نسئل تارئخچه‌سی بله‌دئر. تاری ائنسانی یاراداندا اونو اؤزونه بنزه‌ر یاراتدی. 2تاری اونلاری کئشی و آرواد یاراتدی، اونلارا برکت وردی و یاراتدیغی گون اونلاری «ائنسان» چاغیردی.
3آدَمئن یوز اوتوز یاشی اولاندا، اؤزونه بنزه‌ر، اؤز صورتئنده بئر اوغلو اولدو و آدینی شِت قویدو. 4شِت دوغولاندان سونرا، آدَم داها سکّئز یوز ائل یاشادی. اونون داها اوغوللار و قیزلاری اولدو. 5آدَم دوقّوز یوز اوتوز ائل عؤمور سوروب اؤلدو.
6شِت یوز بش یاشیندا اولاندا اوغلو اِنوش دوغولدو. 7اِنوش دوغولاندان سونرا شِت سکّئز یوز یدّی ائل یاشادی. اونون داها اوغوللار و قیزلاری اولدو. 8شِت دوقّوز یوز اون ائکی ائل عؤمور سوروب اؤلدو.
9اِنوش دوخسان یاشیندا اولاندا اوغلو قِنان دوغولدو. 10قِنان دوغولاندان سونرا، اِنوش داها سکّئز یوز اون بش ائل یاشادی. اونون داها اوغوللار و قیزلاری اولدو. 11اِنوش دوقّوز یوز بش ائل عؤمور سوروب اؤلدو.
12قِنان یتمئش یاشیندا اولاندا، اوغلو مَهه‌له‌لِل دوغولدو. 13مَهه‌له‌لِل دوغولاندان سونرا قِنان سکّئز یوز قیرخ ائل یاشادی. اونون داها اوغوللار و قیزلاری اولدو. 14قِنان دوقّوز یوز اون ائل عؤمور سوروب اؤلدو.
15مَهه‌له‌لِل آلتمیش بش یاشیندا اولاندا اوغلو یِرِد دوغولدو. 16یِرِد دوغولاندان سونرا، مَهه‌له‌لِل داها سکّئز یوز اوتوز ائل یاشادی. اونون داها اوغوللار و قیزلاری اولدو. 17مَهه‌له‌لِل سکّئز یوز دوخسان بش ائل عؤمور سوروب اؤلدو.
18یِرِد یوز آلتمیش ائکی یاشیندا اولاندا اوغلو خَنوخ دوغولدو. 19خَنوخ دوغولاندان سونرا، یِرِد داها سکّئز یوز ائل یاشادی. اونون داها اوغوللار و قیزلاری اولدو. 20یِرِد دوقّوز یوز آلتمیش ائکی ائل عؤمور سوروب اؤلدو.
21خَنوخ آلتمیش بش یاشیندا اولاندا اوغلو مَتوشِلَخ دوغولدو. 22مَتوشِلَخ دوغولاندان سونرا خَنوخ اوچ یوز ائل تاری ائله یاخین یاشادی. اونون داها اوغوللار و قیزلاری اولدو. 23خَنوخ اوچ یوز آلتمیش بش ائل یاشادی. 24او، تارییا یاخین ائدی. سونرا قِیب اولدو، چونکی تاری اونو اؤز یانینا گؤتوردو.
25مَتوشِلَخ یوز هشتاد یدّی یاشیندا اولاندا اوغلو لَمِک دوغولدو. 26لَمِک دوغولاندان سونرا، مَتوشِلَخ داها یدّی یوز هشتاد ائکی ائل یاشادی. اونون داها اوغوللار و قیزلاری اولدو. 27مَتوشِلَخ دوقّوز یوز آلتمیش دوقّوز ائل عؤمور سوروب اؤلدو.
28لَمِک یوز هشتاد ائکی یاشیندا اولاندا اونا بئر اوغول دوغولدو. 29اوغولون آدینی نوح #5:29 «نوح» - عئبرانی دئلئنده یعنی«تسلّی» قویوب ددی: «ربّئن لعنت اتدئیی بو تورپاغی بِجَردئیئمئز واخت، بو اوغول بئزه چکدئیئمئز اذئیّتلرده و الئمئزئن زحمتئنده تسلّی وره‌جکدئر.» 30نوح دوغولاندان سونرا، لَمِک داها بش یوز دوخسان بش ائل یاشادی. اونون داها اوغوللار و قیزلاری اولدو. 31لَمِک یدّی یوز یتمئش یدّی ائل عؤمور سوروب اؤلدو.
32نوح بش یوز یاشیندا اولاندان سونرا سام، خام و یافِت آدیندا اوغوللاری اولدو.
المحددات الحالية:
یارادیلیش 5: موقدس کتاب
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
© Elam Ministries 2013. All rights reserved.