Genesis 17
17
Nuugiriyaraq Akqutem Nallunailkutaa
1Abram-aaq yuinarnek tallimaunrita'arnek (99) allrakungeqerluku Atanrem alairvikaa qanrulluku-llu, “Wiinga Agayutnguunga Artuqailnguq, niisngakia canganarqutaunak-llu yuukina. 2Akqun una piurtaqa aipaqluten, kinguveten amllerivkarciqanka cakneq-llu yugyangevkarluten.” 3Abram-aam-llu ciktaarvikngani Agayutem qanrutaa, 4“Akqun una piurciiqaqa elpet aipaqluten: akqamken ciuliaqerkaurtelluten amllernun atanruvignun. 5Atren-llu Abram-aarungairutuq, tau͡gaam Abraham-aarurrluni,#17.5: Abraham: Una ateq nepengqertuq Hebrew-tun pimalriatun “ciuliarat amlleret atanruviit.” tua-i-wa atanruvignun amllernun ciuliaqsagucecamken. 6Irnialingevkarciqamken; Atanruviit angayuqat-llu elpenek nauvkarciqanka. Amllerciqngameng kinguliaten atanruviurciiqut.
7“Akqutka piuvkarciqaqa elpenun kinguverpenun-llu tekitarkanun, nangyuilnguuluku. Agayutkevkarlua elpenun kinguverpenun-llu. 8Cikirciqamken elpet kinguveten-llu nunanek uitavikeqalallerpenek. Canaan-aaq tamalkuan cikiutekaqa elpecen̄un, nangyuilngurmek pikesqelluku, wiinga-llu Agayutkeciqerpecia.”
9Agayun-llu qanertuq Abraham-aamun, “Elpet tau͡gaam akqutka aturarkaugan, elpenek-llu kinguvalriit tamarmeng. 10Waniwa akqun aturarkan, taqumalria wangkugnun kinguverpenun-llu: Tamarmeng angutet elpecen̄i nuugiumaarkaugut. 11Nuugiumaciquci amiq nuugani kepluku, nallunailkutnguvkarluku akqutmun taqumalriamun wangnun elpenun-llu. 12Pingayunlegnek ernengelria tan'gaurluq nuugiumaarkauguq; angutet-llu tamarmeng yuullgutkelriani, ayuqluku pista yuurtelleq nevcen̄i, wall'u kiputellerci allanernek. 13Tamarmeng nuugiumaarkaugut nallunairluku akqutma piugarkaucia akwarpak. 14Angun nuugiumanrilkuni ancimaciquq yum'inek; akqun atunrilamiu.”
15Agayun qanertuq Abraham-aamun, “Sarai-a-llu nulian Sarai-amek aterpagtenrirluku; wak'nirnek atra Sarah-uciquq.#17.15: Sarah: Una ateq Hebrew-tun kangingqertuq “angayuqam pania.” 16Atawaqerceciiqaqa, cali-llu qetunrangevkarluten elliikun; aanakciqaat amlleret atanruviit; yuut atanerkait elliikun yuurciiqut.”
17Abraham-aaq-llu put'uq nunamun, tau͡gaam temciyugtuq umyuamikun qanerluni, “Angun-qaa irniangyugngauq yuinarnek tallimanek (100) allrakungelria? Sarah-llu-qaa irniyugngaciquq allrakungluni yuinaat cetaman qulnek cipluku (90)?” 18Abraham-aaq-llu qanertuq Agayutmun, “Assinruyartuq Ishmael-aakun akqutkellren piciurceskuvgu.”
19Tau͡gaam Agayutem qanrutaa, “Qang'a, Sarah irniciquq qetunrarkarpenek, acirarkaugan-llu Isaac-aamek.#17.19: Isaac: Una ateq Hebrew-tun kangingqertuq “ellii engelartuq.” Akqutkelqa elliikun piciurceciiqaqa nangyuilnguuluku elliinun kinguvrinun-llu. 20Niitaqa kaigaten Ishmael-aaq kaigalluku. Ellii-llu atawaqerceciiqaqa irnialingevkarluku, cakneq yugyangevkarciqaqa; atakeciqaat qula malruk atanerruat, atanruvigpaurceciiqaqa-llu. 21Tau͡gaam akqutka piurceciiqaqa Isaac-aakun, Sarah-m irniarkaakun waten pitarikan allamiku.” 22Agayutem qalarutenriamiu Abraham-aaq unitaa.
23Taumi ernermi Abraham-aam Ishmael-aaq, tamalkuita-llu angutet ellmini uitalriit, pisten͞gungraata kiputellni nuugirai. 24Abraham-aaq allrakungluni yuinarnek cetamanek qulnek cipluku (90) nuugiumallruuq. 25Qetunraa-llu Ishmael-aaq allrakungluni qula pingayunek cipluku nuugiumallruluni. 26Ernermi ataucimi nuugiumalutek, 27ilalutek Abraham-aam pistainek.
المحددات الحالية:
Genesis 17: YPK
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Yupik Bible © 2012 American Bible Society. All rights reserved.
Genesis 17
17
Nuugiriyaraq Akqutem Nallunailkutaa
1Abram-aaq yuinarnek tallimaunrita'arnek (99) allrakungeqerluku Atanrem alairvikaa qanrulluku-llu, “Wiinga Agayutnguunga Artuqailnguq, niisngakia canganarqutaunak-llu yuukina. 2Akqun una piurtaqa aipaqluten, kinguveten amllerivkarciqanka cakneq-llu yugyangevkarluten.” 3Abram-aam-llu ciktaarvikngani Agayutem qanrutaa, 4“Akqun una piurciiqaqa elpet aipaqluten: akqamken ciuliaqerkaurtelluten amllernun atanruvignun. 5Atren-llu Abram-aarungairutuq, tau͡gaam Abraham-aarurrluni,#17.5: Abraham: Una ateq nepengqertuq Hebrew-tun pimalriatun “ciuliarat amlleret atanruviit.” tua-i-wa atanruvignun amllernun ciuliaqsagucecamken. 6Irnialingevkarciqamken; Atanruviit angayuqat-llu elpenek nauvkarciqanka. Amllerciqngameng kinguliaten atanruviurciiqut.
7“Akqutka piuvkarciqaqa elpenun kinguverpenun-llu tekitarkanun, nangyuilnguuluku. Agayutkevkarlua elpenun kinguverpenun-llu. 8Cikirciqamken elpet kinguveten-llu nunanek uitavikeqalallerpenek. Canaan-aaq tamalkuan cikiutekaqa elpecen̄un, nangyuilngurmek pikesqelluku, wiinga-llu Agayutkeciqerpecia.”
9Agayun-llu qanertuq Abraham-aamun, “Elpet tau͡gaam akqutka aturarkaugan, elpenek-llu kinguvalriit tamarmeng. 10Waniwa akqun aturarkan, taqumalria wangkugnun kinguverpenun-llu: Tamarmeng angutet elpecen̄i nuugiumaarkaugut. 11Nuugiumaciquci amiq nuugani kepluku, nallunailkutnguvkarluku akqutmun taqumalriamun wangnun elpenun-llu. 12Pingayunlegnek ernengelria tan'gaurluq nuugiumaarkauguq; angutet-llu tamarmeng yuullgutkelriani, ayuqluku pista yuurtelleq nevcen̄i, wall'u kiputellerci allanernek. 13Tamarmeng nuugiumaarkaugut nallunairluku akqutma piugarkaucia akwarpak. 14Angun nuugiumanrilkuni ancimaciquq yum'inek; akqun atunrilamiu.”
15Agayun qanertuq Abraham-aamun, “Sarai-a-llu nulian Sarai-amek aterpagtenrirluku; wak'nirnek atra Sarah-uciquq.#17.15: Sarah: Una ateq Hebrew-tun kangingqertuq “angayuqam pania.” 16Atawaqerceciiqaqa, cali-llu qetunrangevkarluten elliikun; aanakciqaat amlleret atanruviit; yuut atanerkait elliikun yuurciiqut.”
17Abraham-aaq-llu put'uq nunamun, tau͡gaam temciyugtuq umyuamikun qanerluni, “Angun-qaa irniangyugngauq yuinarnek tallimanek (100) allrakungelria? Sarah-llu-qaa irniyugngaciquq allrakungluni yuinaat cetaman qulnek cipluku (90)?” 18Abraham-aaq-llu qanertuq Agayutmun, “Assinruyartuq Ishmael-aakun akqutkellren piciurceskuvgu.”
19Tau͡gaam Agayutem qanrutaa, “Qang'a, Sarah irniciquq qetunrarkarpenek, acirarkaugan-llu Isaac-aamek.#17.19: Isaac: Una ateq Hebrew-tun kangingqertuq “ellii engelartuq.” Akqutkelqa elliikun piciurceciiqaqa nangyuilnguuluku elliinun kinguvrinun-llu. 20Niitaqa kaigaten Ishmael-aaq kaigalluku. Ellii-llu atawaqerceciiqaqa irnialingevkarluku, cakneq yugyangevkarciqaqa; atakeciqaat qula malruk atanerruat, atanruvigpaurceciiqaqa-llu. 21Tau͡gaam akqutka piurceciiqaqa Isaac-aakun, Sarah-m irniarkaakun waten pitarikan allamiku.” 22Agayutem qalarutenriamiu Abraham-aaq unitaa.
23Taumi ernermi Abraham-aam Ishmael-aaq, tamalkuita-llu angutet ellmini uitalriit, pisten͞gungraata kiputellni nuugirai. 24Abraham-aaq allrakungluni yuinarnek cetamanek qulnek cipluku (90) nuugiumallruuq. 25Qetunraa-llu Ishmael-aaq allrakungluni qula pingayunek cipluku nuugiumallruluni. 26Ernermi ataucimi nuugiumalutek, 27ilalutek Abraham-aam pistainek.
المحددات الحالية:
:
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Yupik Bible © 2012 American Bible Society. All rights reserved.