Pi zi tiki 17
17
Yiki na ɓa Abram a bunda ɓa: Abraham
1Won hlai n'Abram a za buza doogo doogo ɵeeŋe pi ɵeeŋe, EPIƊ-ƊAI a siŋka sini arni, a miɗini: Ta m'Alaw zi spak paŋ, ku paya ɗikat wuzani ara, ku hunaŋa edi kai. 2Aga mu za bonu arba gaiku, pinzibaku aga a sisiɗa viya.
3Abram a kɵa azumai, a pa arni azumai, Alaw a haɗa kalaŋ gaini a miɗini: 4Ta ɗa, bonuŋa na gaiku ɗa a hanɗa: Aga ku bunda aŋ epini pinziba viya. 5Aga e yikuku gaini yiki na ɓa Abram kir kai, yikuku aga a bunda ɓa: Abraham, buri mu dara mu bunduku aŋ epini pinziba viya. 6Aga mu bunduku ku sisiɗa viya gara, zibaɗi ɗai viya aga e niyisi edi suku par, gaiɗi paakai lai. 7Aga mu za bonu arba gaiku, arba gaini pinzibaku n'asakal sek n'aga e niyisi edi suku par lai. A bonu n'aga a sumna haa kureɗ, gaini hanɗa aga mu bunda aŋ Alaw na wiiku, Alaw na wiiɗi pinzibaku n'asakal sek ɗa lai. 8Tiyana ɗa, ku na midini afti na Kanaan aŋ jak, amma aga mu suku afti hanɗa, wiiku gaini pinzibaku lai, a hina aŋ wiiki gamai, Ta aga mu bunda aŋ Alaw na wiiki lai.
9Alaw a miɗini wiini Abraham: Tuku aga ku giɗima bonu na wiya, asakalku sek, pinzibaku n'aga e niyisi edi suku par lai. 10Gadai na mu siŋki na kapai bonu n'arba gaiki a vada edi kai ɗa a hanɗa: Tuku gaiɗi pinzibaku n'asakal sek ɗa paŋ, ahi na wus paŋ ɗa a nava ɵini gûrgûle, 11Aga ki ɵi gûrgûle. Hanɗa aga a bunda aŋ wala zi siŋki na wiini bonu n'arba gaiki tiki. 12Ali na maɵagai na war pinzibaku paŋ, asakal n'e zi mefeŋ mitwis li ɗa, aga ku ɵiɗi gûrgûle gaiɗi bagakai n'e wii aha war pakataiku, nagai na ku wûriɗisi edi par gaini farai ɗa paŋ n'e ɗi war pinzibaku kai. 13Bege n'a wa aha war pakataiku, zaw na ku wuraŋ gaini farai ɗi, sai ku ɵini gûrgûle. Bonuŋa aga a bunda war siki aŋ bonu n'a vada edi kai. 14Amma ni n'a ɵa gûrgûle kai, ahi na wus paŋ n'a ɵa gûrgûle kai, aga a ba edi arbaɗi ɗai par, buri a za pini gadai na wiini bonu na wiya kai. 15Alaw a miɗini wiini Abraham: Aga ku yikiti muniku na Sarai gaini yikiɗi na Sarai kir kai, buri yikiɗi aga a bunda ɓa: Sara. 16Aga mu ɓikiti, maa aga mu suku ahi gaiɗi ktai, aga te wa pinzibaɗi ɗai viya, paakaiɗi pinziba viya aga e niyisi edi siɗi par. 17Abraham a kɵa azumai, a pa arni azumai midini afti a riya, a muɗa war sini dama: Ɗif na buzani miya ɗaw a sɗa aŋ wa ahi kiɗi ɗi? Zaw Sara gaini buzaɗi na doogo doogo ɵeeŋe, te kiɗa aŋ wa ahi kiɗi ɗi? 18Abraham a miɗini wiini Alaw: Hina Ismayel a sumna karni wuzani arku, a kiɗaŋa ta! 19Amma Alaw a miɗini: Zaw kai, Sara na muniku aga te wuku ahi, aga ku sini yiki ɓa: Isaak, aga mu za bonuŋa gaini, a bonu n'a vada edi kai, gaini pinzibani n'asakalni sek. 20Burini Ismayel ɗa, mu ɵina tuwiku ya, aga mu ɓakaŋ, aga mu sisiɗaŋ viya, aga mu bundaŋ viya a suwa, aga a wa paakai doogo pi sulu, aga mu bunda pinzibani abai. 21Amma aga mu za bonuŋa gaini Isaak, na Sara aga te wuŋku buza zamai ɗa, war sarti na maini hanɗa ɵa ɗa. 22Won hlai n'Alaw a vada seŋni zi miɗi na gaini Abraham ɗa li, a yima warni amai.
23Abraham a yima Ismayel n'ahini, gaiɗi bagakai n'e wii ahani, gaiɗi n'a wûriɗisi gaini farai, ali na maɵagai n'aha war dalamni paŋ a ɵiɗi gûrgûle war mefeŋ ni dama maini n'Alaw a miɗiŋni nɵa. 24Abraham a za buza doogo doogo ɵeeŋe pi ɵeeŋe won hlai n'a ɵa gûrgûle. 25Ismayel a za buza doogo pi hu won hlai n'a ɵa gûrgûle. 26Abraham gaini Ismayel n'ahini e ɵi gûrgûle war mefeŋ ktai. 27Ɗai n'aha war dalamni paŋ, bagakai, n'e wi aha, zaw n'e wûriɗisi gaini farai edi par paŋ e ɵi gûrgûle gaini war mefeŋ ni lai.
المحددات الحالية:
Pi zi tiki 17: MUSGUM
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
La Bible en Musgum © Alliance Biblique du Cameroun 2012 © Nouveau Testament, Alliance Biblique du Cameroun 1964 © American Bible Society New York, 1964
Pi zi tiki 17
17
Yiki na ɓa Abram a bunda ɓa: Abraham
1Won hlai n'Abram a za buza doogo doogo ɵeeŋe pi ɵeeŋe, EPIƊ-ƊAI a siŋka sini arni, a miɗini: Ta m'Alaw zi spak paŋ, ku paya ɗikat wuzani ara, ku hunaŋa edi kai. 2Aga mu za bonu arba gaiku, pinzibaku aga a sisiɗa viya.
3Abram a kɵa azumai, a pa arni azumai, Alaw a haɗa kalaŋ gaini a miɗini: 4Ta ɗa, bonuŋa na gaiku ɗa a hanɗa: Aga ku bunda aŋ epini pinziba viya. 5Aga e yikuku gaini yiki na ɓa Abram kir kai, yikuku aga a bunda ɓa: Abraham, buri mu dara mu bunduku aŋ epini pinziba viya. 6Aga mu bunduku ku sisiɗa viya gara, zibaɗi ɗai viya aga e niyisi edi suku par, gaiɗi paakai lai. 7Aga mu za bonu arba gaiku, arba gaini pinzibaku n'asakal sek n'aga e niyisi edi suku par lai. A bonu n'aga a sumna haa kureɗ, gaini hanɗa aga mu bunda aŋ Alaw na wiiku, Alaw na wiiɗi pinzibaku n'asakal sek ɗa lai. 8Tiyana ɗa, ku na midini afti na Kanaan aŋ jak, amma aga mu suku afti hanɗa, wiiku gaini pinzibaku lai, a hina aŋ wiiki gamai, Ta aga mu bunda aŋ Alaw na wiiki lai.
9Alaw a miɗini wiini Abraham: Tuku aga ku giɗima bonu na wiya, asakalku sek, pinzibaku n'aga e niyisi edi suku par lai. 10Gadai na mu siŋki na kapai bonu n'arba gaiki a vada edi kai ɗa a hanɗa: Tuku gaiɗi pinzibaku n'asakal sek ɗa paŋ, ahi na wus paŋ ɗa a nava ɵini gûrgûle, 11Aga ki ɵi gûrgûle. Hanɗa aga a bunda aŋ wala zi siŋki na wiini bonu n'arba gaiki tiki. 12Ali na maɵagai na war pinzibaku paŋ, asakal n'e zi mefeŋ mitwis li ɗa, aga ku ɵiɗi gûrgûle gaiɗi bagakai n'e wii aha war pakataiku, nagai na ku wûriɗisi edi par gaini farai ɗa paŋ n'e ɗi war pinzibaku kai. 13Bege n'a wa aha war pakataiku, zaw na ku wuraŋ gaini farai ɗi, sai ku ɵini gûrgûle. Bonuŋa aga a bunda war siki aŋ bonu n'a vada edi kai. 14Amma ni n'a ɵa gûrgûle kai, ahi na wus paŋ n'a ɵa gûrgûle kai, aga a ba edi arbaɗi ɗai par, buri a za pini gadai na wiini bonu na wiya kai. 15Alaw a miɗini wiini Abraham: Aga ku yikiti muniku na Sarai gaini yikiɗi na Sarai kir kai, buri yikiɗi aga a bunda ɓa: Sara. 16Aga mu ɓikiti, maa aga mu suku ahi gaiɗi ktai, aga te wa pinzibaɗi ɗai viya, paakaiɗi pinziba viya aga e niyisi edi siɗi par. 17Abraham a kɵa azumai, a pa arni azumai midini afti a riya, a muɗa war sini dama: Ɗif na buzani miya ɗaw a sɗa aŋ wa ahi kiɗi ɗi? Zaw Sara gaini buzaɗi na doogo doogo ɵeeŋe, te kiɗa aŋ wa ahi kiɗi ɗi? 18Abraham a miɗini wiini Alaw: Hina Ismayel a sumna karni wuzani arku, a kiɗaŋa ta! 19Amma Alaw a miɗini: Zaw kai, Sara na muniku aga te wuku ahi, aga ku sini yiki ɓa: Isaak, aga mu za bonuŋa gaini, a bonu n'a vada edi kai, gaini pinzibani n'asakalni sek. 20Burini Ismayel ɗa, mu ɵina tuwiku ya, aga mu ɓakaŋ, aga mu sisiɗaŋ viya, aga mu bundaŋ viya a suwa, aga a wa paakai doogo pi sulu, aga mu bunda pinzibani abai. 21Amma aga mu za bonuŋa gaini Isaak, na Sara aga te wuŋku buza zamai ɗa, war sarti na maini hanɗa ɵa ɗa. 22Won hlai n'Alaw a vada seŋni zi miɗi na gaini Abraham ɗa li, a yima warni amai.
23Abraham a yima Ismayel n'ahini, gaiɗi bagakai n'e wii ahani, gaiɗi n'a wûriɗisi gaini farai, ali na maɵagai n'aha war dalamni paŋ a ɵiɗi gûrgûle war mefeŋ ni dama maini n'Alaw a miɗiŋni nɵa. 24Abraham a za buza doogo doogo ɵeeŋe pi ɵeeŋe won hlai n'a ɵa gûrgûle. 25Ismayel a za buza doogo pi hu won hlai n'a ɵa gûrgûle. 26Abraham gaini Ismayel n'ahini e ɵi gûrgûle war mefeŋ ktai. 27Ɗai n'aha war dalamni paŋ, bagakai, n'e wi aha, zaw n'e wûriɗisi gaini farai edi par paŋ e ɵi gûrgûle gaini war mefeŋ ni lai.
المحددات الحالية:
:
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
La Bible en Musgum © Alliance Biblique du Cameroun 2012 © Nouveau Testament, Alliance Biblique du Cameroun 1964 © American Bible Society New York, 1964