LUKIN 19
19
Isua le Zakaia
1Hatuka Isua Jeriko a luta akhel rang atina. 2Hava han lei ansuang ulian a raming Zakaia a oma, ama ha anei. 3Ama ha tumo Isua atia amu zot, tenchu ama ha mi sin ei ni sika mipui bila mu thei mak. 4Hasik han a matona alei atana thingkunga alei va kal Isua mu ranga hava lampui tianga ase rang ei ni. 5Hava mun ha Isua ava suak le, atanga Zakai rang ati, “Anrapa chum ro Zakai, asik chu avian na ina kei om rang,” ati na.
6Zakai anrapa achuma raisan sabaka apham. 7Amu ngai doran, “Mi salui ina atung rang ati atia,” achiar u.
8Zakai andinga Puma kom ati, “Puma! Ka nei anbak anriang pe ka ti, hatuka mi kei huang a omten mun manlia thuan ret ka ti.”
9Isuan ati, “Avian hiva ina sandam atung zei, asik chu hiva nai him Abraham achi keng. 10Miring Sapa ei hong hi anpei ngai anrok le andam rang ke.” #Mt 18.11
Rangkachak Sumru Ankhina
(Mt 25.14-30)
11Jerusalem ava suak vit u na Pathian Ram chu anlang vit ranga a iam u. Mipui ngaiin a rangai chiana Isuan ankhina khat a ril. 12Hatuka ei ti, “Mi dingmun ansang khat a oma ram alapana ase rang hava han reng ei kaia a ina a honga kir ret ranga. 13Ase man a suak som ngai a paia rangkachak sumru zona angkhat apeka ati pe, ‘Hiva le hin imo na sua u thei ka bui kar.’ 14Atun chu, a mi ngai lenin ei mumak, hasik han a nuk lena palai atir u na, ‘Hiva nai hi koini na reng ranga zot mak me,’ ati ranga.
15“Hava nai ha reng akaia a honga kir zei. Anrapa asuak ngai dora apaia a matona, itukmo alei sua u zei ti ariat ranga. 16Mankhita a honga, ‘Ka pu som ka lei sua ha angkhat nei na pek lehan,’ ati na. 17‘Asa nei tho, nang hi suak asa na ni! Asintena a iamrua nei ni sika, khopui som a en ranga na phun ka ti.’ 18Asuak anni changna ahonga ati, ‘Ka pu rangkachak sumru ranga ka lei sua nei na pek lehan.’ 19Hiva nai rang, ‘Nang hi khopui ranga en rang na ni,’ ati pe.
20“Asuak khat ret ahonga ati, ‘Ka pu, hile na rangkachak sumru rumal sunga ka thup. 21Kei na chi, asik chu nang hi minkhir na ni, na ta nok ngal nei lak, nei ling nok ngal nei at.’ 22Aman akom atia, ‘Nang suak salui! Na chong len ha mang ka ti nang ana dem ranga! Minkhir keinim na riata, ka ta nok kei lak na riata, kei ling nok kei at um na riata. 23Hanle, ichangmo ka sum ha sum anpung ngai kom a nei siak nok? Ka honga kir tik ei pungna le man no ning mo.’
24“Hatuka havana anding ngai kom, ‘Ha rangkachak sumru ha la u tan som adon kom pe u ro,’ ati. 25Tenchu akom ati u na, ‘Ka pu, sumru som adon zei do!’ 26‘Na ril u ka ti,’ atia amasanga. ‘Adon ngai chu atam anpesa inti; hatuka ite donlui ngai chu alakte ei don ngal ha apot inti. #Mt 13.12; Mk 4.25; Lk 8.18 27Atun chu ka raldui ngai ha a reng u kei ni rang zot lui ngai ha hin hong tuang u ro, ka matona that u ro.’ ”
Anlala Jerusalem Alut
(Mt 21.1-11; Mk 11.1-11; Jn 12.12-19)
28Isuan hava ngai ati suale, maton asonga Jerusalem tiang a pan. 29Bethphage le Bethani kola ahonga suak le Oliv tanga, a zolai anni mana alei tira 30hiva chong le: “Na matona khuana se u tan la; nei va lut u le sakuarpar ate va mu u na ti anthung tute ei la chuangna nok. Khek u tan hivan hong koi u ro. 31Min ana rakela ichangmo nei khek ati ten, Puman anang atia ril u ro.”
32Ei pan u na rang tiang apan u na Isuan ei ti anga amu u. 33Ha sakuarpar akhek u lai tak, “Ichangmo nei khek u?” apuman ahong ti.
34“Puman anang atia,” amasang u, 35hatuka ha sakuarpar ha Isua kom atuang u. 36Hava suale apuan u ngai ha sa chunga apha u na Isua manchuang u. Ei chuanga ei se han mipuiin lampuia apuan alei pha.
37Jerusalem kola ahonga suaka Oliv mual tianga lampui apan taka han, a ruaisi tampan anringa Pathian kom raisanna mantung u na amanpak u, alomapeia ei mu u sika: 38“Puma raminga reng a hong chu Pathianin bor pe rase! Vanrama phukdaina Pathian anlalna le anliana om rase.” #Sam 118.26
39Mipui bila Pharisi ngaiin, “Minchupu na ruaisi ngai chong u no rase ti ro!” ati u.
40Isuan amasanga, “Kei na ril u ni zei amani adairek u ten lung ngai ngal ankhek unti.”
Isua Jerusalem sika Achap
41Khopui ha adep sana, hatuka ei mu le achap, 42“Avian hin anngoina ranga imo anang re tan la! Tenchu atun lamu thei mak che! 43Na ralin na la hual inti, bang le na la man kul inti, aravela suak thei lui khopa na hual inti. 44Na masiat biang unti, na bila na lom ngai um; hatuka lung angkhat ngal amuna om no ni, asik chu Pathian anan zok ranga ei hong lei re u mak che!”
Isua Biakin Sunga Alut
(Mt 21.12-17; Mk 11.15-19; Jn 2.13-22)
45Hatuka Isua Biakin sunga aluta neinun azuar, anchok ngai ava razul, 46“Pathian chonga anziak, ‘Ka Biakin hi Pathian anmokna, rang ke.’ Tenchu anru ngai anthupna na asin u!” ava ti pe. #Isa 56.7; Jer 7.11
47Anikhua Isuan Biakin a a manchu chaizung ulian, Dan minchu ngai, kho ulian ngaiin athat rang ati u na, #Lk 21.37 48tenchu lampui reng man u mak, mi doran a he a rangai u na a he baikhat ngal anchan rang zot u mak.
المحددات الحالية:
LUKIN 19: RANGBSI
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Ranglong NT with PSA - Dankit Athar Le SAM
Copyright © 2017 by The Bible Society of India
Used by permission. All rights reserved worldwide.
LUKIN 19
19
Isua le Zakaia
1Hatuka Isua Jeriko a luta akhel rang atina. 2Hava han lei ansuang ulian a raming Zakaia a oma, ama ha anei. 3Ama ha tumo Isua atia amu zot, tenchu ama ha mi sin ei ni sika mipui bila mu thei mak. 4Hasik han a matona alei atana thingkunga alei va kal Isua mu ranga hava lampui tianga ase rang ei ni. 5Hava mun ha Isua ava suak le, atanga Zakai rang ati, “Anrapa chum ro Zakai, asik chu avian na ina kei om rang,” ati na.
6Zakai anrapa achuma raisan sabaka apham. 7Amu ngai doran, “Mi salui ina atung rang ati atia,” achiar u.
8Zakai andinga Puma kom ati, “Puma! Ka nei anbak anriang pe ka ti, hatuka mi kei huang a omten mun manlia thuan ret ka ti.”
9Isuan ati, “Avian hiva ina sandam atung zei, asik chu hiva nai him Abraham achi keng. 10Miring Sapa ei hong hi anpei ngai anrok le andam rang ke.” #Mt 18.11
Rangkachak Sumru Ankhina
(Mt 25.14-30)
11Jerusalem ava suak vit u na Pathian Ram chu anlang vit ranga a iam u. Mipui ngaiin a rangai chiana Isuan ankhina khat a ril. 12Hatuka ei ti, “Mi dingmun ansang khat a oma ram alapana ase rang hava han reng ei kaia a ina a honga kir ret ranga. 13Ase man a suak som ngai a paia rangkachak sumru zona angkhat apeka ati pe, ‘Hiva le hin imo na sua u thei ka bui kar.’ 14Atun chu, a mi ngai lenin ei mumak, hasik han a nuk lena palai atir u na, ‘Hiva nai hi koini na reng ranga zot mak me,’ ati ranga.
15“Hava nai ha reng akaia a honga kir zei. Anrapa asuak ngai dora apaia a matona, itukmo alei sua u zei ti ariat ranga. 16Mankhita a honga, ‘Ka pu som ka lei sua ha angkhat nei na pek lehan,’ ati na. 17‘Asa nei tho, nang hi suak asa na ni! Asintena a iamrua nei ni sika, khopui som a en ranga na phun ka ti.’ 18Asuak anni changna ahonga ati, ‘Ka pu rangkachak sumru ranga ka lei sua nei na pek lehan.’ 19Hiva nai rang, ‘Nang hi khopui ranga en rang na ni,’ ati pe.
20“Asuak khat ret ahonga ati, ‘Ka pu, hile na rangkachak sumru rumal sunga ka thup. 21Kei na chi, asik chu nang hi minkhir na ni, na ta nok ngal nei lak, nei ling nok ngal nei at.’ 22Aman akom atia, ‘Nang suak salui! Na chong len ha mang ka ti nang ana dem ranga! Minkhir keinim na riata, ka ta nok kei lak na riata, kei ling nok kei at um na riata. 23Hanle, ichangmo ka sum ha sum anpung ngai kom a nei siak nok? Ka honga kir tik ei pungna le man no ning mo.’
24“Hatuka havana anding ngai kom, ‘Ha rangkachak sumru ha la u tan som adon kom pe u ro,’ ati. 25Tenchu akom ati u na, ‘Ka pu, sumru som adon zei do!’ 26‘Na ril u ka ti,’ atia amasanga. ‘Adon ngai chu atam anpesa inti; hatuka ite donlui ngai chu alakte ei don ngal ha apot inti. #Mt 13.12; Mk 4.25; Lk 8.18 27Atun chu ka raldui ngai ha a reng u kei ni rang zot lui ngai ha hin hong tuang u ro, ka matona that u ro.’ ”
Anlala Jerusalem Alut
(Mt 21.1-11; Mk 11.1-11; Jn 12.12-19)
28Isuan hava ngai ati suale, maton asonga Jerusalem tiang a pan. 29Bethphage le Bethani kola ahonga suak le Oliv tanga, a zolai anni mana alei tira 30hiva chong le: “Na matona khuana se u tan la; nei va lut u le sakuarpar ate va mu u na ti anthung tute ei la chuangna nok. Khek u tan hivan hong koi u ro. 31Min ana rakela ichangmo nei khek ati ten, Puman anang atia ril u ro.”
32Ei pan u na rang tiang apan u na Isuan ei ti anga amu u. 33Ha sakuarpar akhek u lai tak, “Ichangmo nei khek u?” apuman ahong ti.
34“Puman anang atia,” amasang u, 35hatuka ha sakuarpar ha Isua kom atuang u. 36Hava suale apuan u ngai ha sa chunga apha u na Isua manchuang u. Ei chuanga ei se han mipuiin lampuia apuan alei pha.
37Jerusalem kola ahonga suaka Oliv mual tianga lampui apan taka han, a ruaisi tampan anringa Pathian kom raisanna mantung u na amanpak u, alomapeia ei mu u sika: 38“Puma raminga reng a hong chu Pathianin bor pe rase! Vanrama phukdaina Pathian anlalna le anliana om rase.” #Sam 118.26
39Mipui bila Pharisi ngaiin, “Minchupu na ruaisi ngai chong u no rase ti ro!” ati u.
40Isuan amasanga, “Kei na ril u ni zei amani adairek u ten lung ngai ngal ankhek unti.”
Isua Jerusalem sika Achap
41Khopui ha adep sana, hatuka ei mu le achap, 42“Avian hin anngoina ranga imo anang re tan la! Tenchu atun lamu thei mak che! 43Na ralin na la hual inti, bang le na la man kul inti, aravela suak thei lui khopa na hual inti. 44Na masiat biang unti, na bila na lom ngai um; hatuka lung angkhat ngal amuna om no ni, asik chu Pathian anan zok ranga ei hong lei re u mak che!”
Isua Biakin Sunga Alut
(Mt 21.12-17; Mk 11.15-19; Jn 2.13-22)
45Hatuka Isua Biakin sunga aluta neinun azuar, anchok ngai ava razul, 46“Pathian chonga anziak, ‘Ka Biakin hi Pathian anmokna, rang ke.’ Tenchu anru ngai anthupna na asin u!” ava ti pe. #Isa 56.7; Jer 7.11
47Anikhua Isuan Biakin a a manchu chaizung ulian, Dan minchu ngai, kho ulian ngaiin athat rang ati u na, #Lk 21.37 48tenchu lampui reng man u mak, mi doran a he a rangai u na a he baikhat ngal anchan rang zot u mak.
المحددات الحالية:
:
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Ranglong NT with PSA - Dankit Athar Le SAM
Copyright © 2017 by The Bible Society of India
Used by permission. All rights reserved worldwide.