LUKE 2
2
Jesu’ Suona
(Mat 1:18-25)
1Khum hun laitahin Kumpipa Caesar Augustus in leitung buppi mi phaza a kisim nadingin thu a pie hi. 2Tam pen Syria gam-uhpa Quirinius hun sunga kibawl mi phaza kisimna masa pen ahi hi. 3A khuo ciet vuah min pie dingin mi zosie a pei uhi. 4Joseph zong David’ suon ahi ziehin Galilee gam Nazareth khuo panin Judea gam Bethlehem a kici David khuopi ah a pei hi. 5Zuthawl a piehsa le a gaituon Mary tawh min pie dingin ama a pei hi. 6Amate tuanah a tam sungun Mary a nausuo hun a tung hi. 7A tacil ahi ta pasal khat suoh a, tua nu in puonbeh tawh ama tunin gan ankuong sungah a siel hi, azieh pen zintun inn ah amate ading mun om lo hi.
Tuucingte le Vantung Mite
8Khum gamah zan lai-in tuuhonte gamlahah a vil tuucingte a om uhi. 9Tua ciengin a mai vuah Topa’ vantungmi khat dingin amau’ kimkotah Topa’ minthanna vang a tan ziehin a zau mama uhi. 10Ahi vangin vantungmi in amate kungah, “Zau sih un; en un, azieh pen mi zosie dinga kipahna lienpi ahi lungdamna thu note kungah kang puoh hi. 11Tuni-in David khuo-ah Messiah#2:11 Ahi sihle “Khris” Topa ahi hundampa khat note adingin a suoh hi. 12Note adingin a lim tam bang hi ding hi: Note in puonbeh tawh a kitun nausen khat, gan ankuong sunga kisiel na mu ding uhi,” a ci hi. 13Thakhatthu-in vantung mite le vantungmi honpite#2:13 Gk “galkap honpite” a om vua,
14“Van a sangpen munah
Pasien’ minthang hinlen,
leitunga a maipha pieh mite lahah
lemna om taheh!”#2:14 Adang tang laibute in “mite lahah lemna, nopna” ci-in belap hi. ci-in Pasien a phat uhi.
15Vantung mite in amate nuasie-in vanah a ka zaw ciengun tuucingte in, “Tu-in Bethlehem khuo ah pei-in, Topa in ei theisah tami thupiengte va kan ta vai,” ci-in khatlekhat a kiho uhi. 16Tuaci’n amate a naw pei mama vua Mary, Joseph le gan ankuong sunga kisiel nausen a mu uhi. 17Tua banga a mu tah ciengun a kung vua kigen nausen tawh kisai thute mi a theisah uhi. 18Tuucingte thugen a za zosie in lamdang a sa uhi. 19Ahi vangin Mary in a zah thute lungngai-in a lungsim sungah a vom khinkhian hi. 20Tuucingte zong kilekia-in amate kunga kigensa bangin a zahsa ule a musa uh thu zosie ziehin Pasien phatin a min a thangsah uhi.
Jesu Min Kivaw
21Nausen tep a kitan nading hun a ni gietna ni-in, a gai masanga vantungmi in a piehsa ahi Jesu kici min a vaw uhi.#Siem 12:3; Luk 1:31
Biehinnpi Sungah Jesu Ki-ap
22Moses’ thukham dung zui-in a kisiensuo ding uh hun a tun ciengin amate in Topa mai-a ap dingin Jerusalem ah ama a peipi vua, 23(Topa’ thukham sungah, “Ta pasal masa poma Topa adingin a siengtho-in kiciemte ding hi,” ci-in a kigiel bangin,)#Pei 13:2, 12 24Topa’ thukham sunga a kigen dung zui-in biehpiehna-a pieh dingin, “Vakhu ni, ahi sihle paalva ni,” tawh a pei uhi.#Siem 12:6-8 25Khumin Jerusalem ah Simeon#2:25 Gk “Symeon” kici mi khat a om hi; ama pen midih le biehna lam pawnthaw khat le Israel-te’ kihenep ding hun zong a lamen mama pa khat ahi a, ama tungah Hlagau Siengtho a om hi. 26Messiah#2:26 Ahi sihle “Khris Topa”Topa a mu masangsie a si lo ding thu zong ama tungah Hlagau Siengtho in a lahsa ahi hi. 27Hlagau lamlahna tawh biehinnpi sungah Simeon#2:27 Gk “Hla sungah, ama” a pei hi; thukham sunga bawl ding ngaina teng a bawlpieh dingin nu le pate in biehinnpi sungah nausen a peipi ciengun, 28ama in a kang sungah nausen tawi-in Pasien min phat a,
29“Mangpa aw, na kammal bangin,
na nasempa#2:29 Gk “sila” tu-in lungnuomin nei hlakhie ta hi;
30azieh pen ka mit in mi zosie dinga na bawlkholsa
31na hutdamna a mu zo ta a,
32Gentile-te tunga kihil nading khuovah le
na mi Israel-te’ minthan nading ahi hi,” a ci hi.#Isa 42:6; 49:6; 52:10
33Nausen’ nu le pa te in ama tawh kisai-a thu kigente a zah ciengun lamdang a sa uhi. 34Tua ciengin Simeon in amate thupha pie a, tuale a nu Mary kungah, “Tami nausen pen Israel sungah mi tampi’ pua nading le a pohdawh nadinga kisesa ahi a, 35tuaci’n mi tampite’ lungsim ngaisutnate pholahin kilangpanna a piengsah lim dinga zong kisesa ahi a, namsau khat in na lungsim ang sun pailet ding hi,” a ci hi.
36Khumin Asher’ be sung panin Phanuel’ tanu Anna#2:36 Gk “Hanna” a kici kamsang numei khat a om hi. Ama pen a khangham mama khat ahi a, a pasal tawh kinungin kum sagi sung a opton zaw cieng gelin, 37kum sawmgiet le kum li a phah dongin meigong khatin a om hi. Ama in sun le zanin antanna le thungetna tawh Pasien bie-in biehinnpi lawi ngai vawt lo hi. 38Tua hun laitahin ama pei-in Pasien kungah lungdam a ko a, Jerusalem kitatkhiet nading a lam-en mi zosie tungah tua nausen’ thu a gen hi.
Nazareth-ah a Kilekiana
39Amate in Topa’ thukham in a kal zosie a bawl sieng zaw ciengun Galilee gam, a pienna uh khuo Nazareth ah a kilekia uhi.#Mat 2:23 40Nausen khangin thahat a, pilna tawh kidimin ama tungah Pasien maipha a om hi.
Naupang Jesu Biehinnpi-ah
41Peisan pawi sim dingin kumsielin Jerusalem ah a nu a pate a pei uhi.#Pei 12:1-27; Thkna 16:1-8 42Jesu kum sawm le kum ni a phah ciengin a ngaina uh zui-in Jerusalem ah pawi sim dingin a peito uhi. 43Pawi ven ciengin a kilekia dingin a nu a pate a kisa ule naupang Jesu pen amau’ nualam Jerusalem ah tam lai a, ahi vangin a nu a pate in a thei kha sih uhi. 44Khuolzin honte tawh a zawhton a sa lel vua, ni khat lam a pei zo ta uhi. Tua ciengin a tanaute le a guolte lahah ama sui a kipan uhi. 45Ama a mu lo ciengun Jerusalem ah kilekia-in a sui uhi. 46Ni thum zaw ciengin biehinnpi sunga siete lahah to-in, a thugente uh ngai-in thu donga na om ama a mu uhi. 47A thugen a za tapo in a thutelna le a dawnkianate lamdang a sa uhi. 48A nu a pate in ama a mu ciengun, lamdang sa-in tuale a nu in, “Ka tano aw, bang dinga tam banga nei bawl ahei? En in, na pa tawh lunghimaw-in kang suisui uhi,” a ci hi. 49Ama in a nu le a pa kungah, “Bang dinga nei sui uh ahei? Ka pa inn sunga ka op ding lamtah thei lo na hi uh amah?” a ci hi. 50Hinanle a nu a pate in a thugente a tel thei sih uhi. 51Tua ciengin amate tawh Nazareth ah peisuh a, amau’ thu a mang hi. A nu in tam thute zosie a lungsim sungah a ciemte hi. 52Jesu a pilna le a pumpi#2:52 Ahi sihle “a kumte khang” khangin Pasien le mite mai-ah maipha a nga hi.#1Sam 2:26; Pau 3:4
المحددات الحالية:
LUKE 2: ZBOTF01
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Zo Bible © Bible Society of Myanmar, 2018.
LUKE 2
2
Jesu’ Suona
(Mat 1:18-25)
1Khum hun laitahin Kumpipa Caesar Augustus in leitung buppi mi phaza a kisim nadingin thu a pie hi. 2Tam pen Syria gam-uhpa Quirinius hun sunga kibawl mi phaza kisimna masa pen ahi hi. 3A khuo ciet vuah min pie dingin mi zosie a pei uhi. 4Joseph zong David’ suon ahi ziehin Galilee gam Nazareth khuo panin Judea gam Bethlehem a kici David khuopi ah a pei hi. 5Zuthawl a piehsa le a gaituon Mary tawh min pie dingin ama a pei hi. 6Amate tuanah a tam sungun Mary a nausuo hun a tung hi. 7A tacil ahi ta pasal khat suoh a, tua nu in puonbeh tawh ama tunin gan ankuong sungah a siel hi, azieh pen zintun inn ah amate ading mun om lo hi.
Tuucingte le Vantung Mite
8Khum gamah zan lai-in tuuhonte gamlahah a vil tuucingte a om uhi. 9Tua ciengin a mai vuah Topa’ vantungmi khat dingin amau’ kimkotah Topa’ minthanna vang a tan ziehin a zau mama uhi. 10Ahi vangin vantungmi in amate kungah, “Zau sih un; en un, azieh pen mi zosie dinga kipahna lienpi ahi lungdamna thu note kungah kang puoh hi. 11Tuni-in David khuo-ah Messiah#2:11 Ahi sihle “Khris” Topa ahi hundampa khat note adingin a suoh hi. 12Note adingin a lim tam bang hi ding hi: Note in puonbeh tawh a kitun nausen khat, gan ankuong sunga kisiel na mu ding uhi,” a ci hi. 13Thakhatthu-in vantung mite le vantungmi honpite#2:13 Gk “galkap honpite” a om vua,
14“Van a sangpen munah
Pasien’ minthang hinlen,
leitunga a maipha pieh mite lahah
lemna om taheh!”#2:14 Adang tang laibute in “mite lahah lemna, nopna” ci-in belap hi. ci-in Pasien a phat uhi.
15Vantung mite in amate nuasie-in vanah a ka zaw ciengun tuucingte in, “Tu-in Bethlehem khuo ah pei-in, Topa in ei theisah tami thupiengte va kan ta vai,” ci-in khatlekhat a kiho uhi. 16Tuaci’n amate a naw pei mama vua Mary, Joseph le gan ankuong sunga kisiel nausen a mu uhi. 17Tua banga a mu tah ciengun a kung vua kigen nausen tawh kisai thute mi a theisah uhi. 18Tuucingte thugen a za zosie in lamdang a sa uhi. 19Ahi vangin Mary in a zah thute lungngai-in a lungsim sungah a vom khinkhian hi. 20Tuucingte zong kilekia-in amate kunga kigensa bangin a zahsa ule a musa uh thu zosie ziehin Pasien phatin a min a thangsah uhi.
Jesu Min Kivaw
21Nausen tep a kitan nading hun a ni gietna ni-in, a gai masanga vantungmi in a piehsa ahi Jesu kici min a vaw uhi.#Siem 12:3; Luk 1:31
Biehinnpi Sungah Jesu Ki-ap
22Moses’ thukham dung zui-in a kisiensuo ding uh hun a tun ciengin amate in Topa mai-a ap dingin Jerusalem ah ama a peipi vua, 23(Topa’ thukham sungah, “Ta pasal masa poma Topa adingin a siengtho-in kiciemte ding hi,” ci-in a kigiel bangin,)#Pei 13:2, 12 24Topa’ thukham sunga a kigen dung zui-in biehpiehna-a pieh dingin, “Vakhu ni, ahi sihle paalva ni,” tawh a pei uhi.#Siem 12:6-8 25Khumin Jerusalem ah Simeon#2:25 Gk “Symeon” kici mi khat a om hi; ama pen midih le biehna lam pawnthaw khat le Israel-te’ kihenep ding hun zong a lamen mama pa khat ahi a, ama tungah Hlagau Siengtho a om hi. 26Messiah#2:26 Ahi sihle “Khris Topa”Topa a mu masangsie a si lo ding thu zong ama tungah Hlagau Siengtho in a lahsa ahi hi. 27Hlagau lamlahna tawh biehinnpi sungah Simeon#2:27 Gk “Hla sungah, ama” a pei hi; thukham sunga bawl ding ngaina teng a bawlpieh dingin nu le pate in biehinnpi sungah nausen a peipi ciengun, 28ama in a kang sungah nausen tawi-in Pasien min phat a,
29“Mangpa aw, na kammal bangin,
na nasempa#2:29 Gk “sila” tu-in lungnuomin nei hlakhie ta hi;
30azieh pen ka mit in mi zosie dinga na bawlkholsa
31na hutdamna a mu zo ta a,
32Gentile-te tunga kihil nading khuovah le
na mi Israel-te’ minthan nading ahi hi,” a ci hi.#Isa 42:6; 49:6; 52:10
33Nausen’ nu le pa te in ama tawh kisai-a thu kigente a zah ciengun lamdang a sa uhi. 34Tua ciengin Simeon in amate thupha pie a, tuale a nu Mary kungah, “Tami nausen pen Israel sungah mi tampi’ pua nading le a pohdawh nadinga kisesa ahi a, 35tuaci’n mi tampite’ lungsim ngaisutnate pholahin kilangpanna a piengsah lim dinga zong kisesa ahi a, namsau khat in na lungsim ang sun pailet ding hi,” a ci hi.
36Khumin Asher’ be sung panin Phanuel’ tanu Anna#2:36 Gk “Hanna” a kici kamsang numei khat a om hi. Ama pen a khangham mama khat ahi a, a pasal tawh kinungin kum sagi sung a opton zaw cieng gelin, 37kum sawmgiet le kum li a phah dongin meigong khatin a om hi. Ama in sun le zanin antanna le thungetna tawh Pasien bie-in biehinnpi lawi ngai vawt lo hi. 38Tua hun laitahin ama pei-in Pasien kungah lungdam a ko a, Jerusalem kitatkhiet nading a lam-en mi zosie tungah tua nausen’ thu a gen hi.
Nazareth-ah a Kilekiana
39Amate in Topa’ thukham in a kal zosie a bawl sieng zaw ciengun Galilee gam, a pienna uh khuo Nazareth ah a kilekia uhi.#Mat 2:23 40Nausen khangin thahat a, pilna tawh kidimin ama tungah Pasien maipha a om hi.
Naupang Jesu Biehinnpi-ah
41Peisan pawi sim dingin kumsielin Jerusalem ah a nu a pate a pei uhi.#Pei 12:1-27; Thkna 16:1-8 42Jesu kum sawm le kum ni a phah ciengin a ngaina uh zui-in Jerusalem ah pawi sim dingin a peito uhi. 43Pawi ven ciengin a kilekia dingin a nu a pate a kisa ule naupang Jesu pen amau’ nualam Jerusalem ah tam lai a, ahi vangin a nu a pate in a thei kha sih uhi. 44Khuolzin honte tawh a zawhton a sa lel vua, ni khat lam a pei zo ta uhi. Tua ciengin a tanaute le a guolte lahah ama sui a kipan uhi. 45Ama a mu lo ciengun Jerusalem ah kilekia-in a sui uhi. 46Ni thum zaw ciengin biehinnpi sunga siete lahah to-in, a thugente uh ngai-in thu donga na om ama a mu uhi. 47A thugen a za tapo in a thutelna le a dawnkianate lamdang a sa uhi. 48A nu a pate in ama a mu ciengun, lamdang sa-in tuale a nu in, “Ka tano aw, bang dinga tam banga nei bawl ahei? En in, na pa tawh lunghimaw-in kang suisui uhi,” a ci hi. 49Ama in a nu le a pa kungah, “Bang dinga nei sui uh ahei? Ka pa inn sunga ka op ding lamtah thei lo na hi uh amah?” a ci hi. 50Hinanle a nu a pate in a thugente a tel thei sih uhi. 51Tua ciengin amate tawh Nazareth ah peisuh a, amau’ thu a mang hi. A nu in tam thute zosie a lungsim sungah a ciemte hi. 52Jesu a pilna le a pumpi#2:52 Ahi sihle “a kumte khang” khangin Pasien le mite mai-ah maipha a nga hi.#1Sam 2:26; Pau 3:4
المحددات الحالية:
:
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Zo Bible © Bible Society of Myanmar, 2018.