MARK 16
16
Jesu’ Thawkiana
(Mat 28:1-10; Luk 24:1-12; Jhn 20:1-10)
1Sabbath ni a tawp zaw ciengin Mary Magdalene, James’ nu Mary, le Salome-te in Jesu’ luong nu dingin panamtuite a lei uhi. 2Nipi kal khat sung ni masa pen zingmawng tung, ni suo patin hanah amate a pei uhi. 3Amate khatlekhat kikumin, “Han kotvang huhna suongtumpi koi’ ei liapieh mawh ding adiei,” a kici uhi. 4Amate a dato ciengun a gol mama tua suongtumpi a kiliasa-in a mu uhi. 5Han sungah a lut uleh a zietlam pang vua a to puontuol kang sil tangval khat mu-in a zausi gawp uhi. 6Ahi vangin amate kungah, “Zau sih un; singlamte tunga a kikhailia Nazareth mi Jesu sui hi ngel uteh. Ama a thokia zo ta hi; tam munah ama om nawn lo hi. Amate in ama a sielna mun uh en un. 7Pei unlen, a nuazuite le Peter kungah Galilee lam zuonin na masang vuah pei hi, ci-in va gen ta un; ama in note ang gensa bang lienin khum munah na mu ding uhi,” a ci hi.#Mat 26:32; Mrk 14:28 8Tuaci’n amate zausi-in lamdang sa kawm uh ahi ziehin han pan pusuohin a tai uhi; amate a zau ziehun koima kungah a gen sih uhi.#16:8 Tang laibu a lui pente pawlkhat in tam laibu pen tang 8 tawh tawpsah uhi. Tang laibu khat in tam laibu pen hielna a tomzaw tawh tawpsah hi. Adang khat in hielna tomzaw omsah a, tua zaw ciengin tang 9-20 dongin zomto hi. Taang laibu a tamzawte sungah tang 8 zaw ciengin tang 9-20 in thakhatin zui pai a, hinanle tang laibu kimkhat sungah tam laiguol pen a muonhuoi loin kiciemte hi.
MARK’ A HIELNA A TOMZAW
(Amate tunga thu kipiesa zosiete, Peter’ kim le pama a om mite kungah tomkimin a gen uhi. Tua zaw ciengin Jesu mama in amate tungtawnin nisuona panin nitumna dong, a siengtho le a kisie thei lo kumtawn hutdamna thu tangkona a sawlkhie hi.#16:8 Adang tang laibute ah “Amen” kibelap)
MARK’ A HIELNA SAUZAW
Mary Magdalene Kungah Jesu Kihil
(Jhn 20:11-18)
9(Nipi kal khat sung ni masapen, a thawkia zaw zingmawng tungin dawi sagi a hawlkhietpieh nu Mary Magdalene kungah ama kilaa hi. 10Tua nu pei-in Jesu’ kithuopi ngaite da le kapin a op laitahun tam thu a va gen ta hi. 11Ahi vangin amate in ama a hing ahi lam le tua nu in ama mu zo hi, ci thu a zah ciengun a um thei sih uhi.
Nuazui Nite tungah Jesu Kihil
(Luk 24:13-35)
12Tami teng zaw ciengin khuota lam zuonin a pei laitahun ama ni tungah a mel tuom khatin a kilaa hi. 13Tam tegel zong kilekia-in a gen vangun amate in a um sih uhi.
Jesu in Nuazuite Sawl
(Mat 28:16-20; Luk 24:36-49; Jhn 20:19-23)
14Tua zaw ciengin sabuoi tungah a to laitahun sawm le khat-te mama tungah ama a kilaa hi; ama a thawkia zaw ciengin ama a mu mite’ thu gen tahsang loin a uplana ule a lungkhauna ziehun amate a hosie hi.#16:14 Adang tang laibute in “Tuale amau le amau maw kipengsahin, “Tami gitlona hun le uplona hun pen Satan’ khut sunga om hi a, thuman le Pasien’ vanglietna in a nieh hlabuate’ nasepna tunga a guolzaw ding phal lo hi. Tua ahi ziehin tu-in na thumanna pholah in,” a ci uhi - amate in tua bangin Khris hopi uhi. Tuale Khris in amate kungah, “Satan’ vangliet nasep nading kumte cing zo a, ahi vangin zauhuoina dangte ang nai ta hi. Thuman sungah amate kihei-in maw nawn lo a, vantunga om hlagau lamah a kisie thei lo dihna’ thupina a luo thei nadingun, mawna a bawlte adingin sina sungah keima ei kipie hi,” ci-in a dawng hi, ci-in a unpi-in, ahi sihle, khen khatin ahi zongin belap hi. 15Amate kungah, “Leitung muncin tengah note pei unlen, a piensahsa zosiete tungah lungdamna thu#16:15 Ahi sihle “khantan hoi” phuongzah un.#Sawl 1:8 16Thu um a, a ki-baptize mite in hutdamna nga ding uhi; ahi vangin a um lote in mawsah thukhenna a thuoh ding uhi. 17Tami limte in a um mite a nuazui ding hi: Amate in keima’ min suongin dawite a notmang ding uhi; kam thate tawh a ham ding uhi; 18a khut utawh gulte a man ding vua, si theina gu khatpo a dawn ule zong bangma a ci sih ding uhi; cinate tungah khut a nga ding vua, amate a dam ding uhi,” a ci hi.
Jesu’ Vankana
(Luk 24:50-53; Sawl 1:9-11)
19 Topa Jesu in amate kungah tua banga a gen zaw ciengin vantungah ama kilato a, Pasien’ zietlamah a to hi.#Sawl 1:9-11 20Tuale amate kuonin muncin tengah lungdamna thu a phuongzah uhi. Topa in amate tawh na semton a, a thugente uh a kipsahna-in lim lamdangte in a zuisah hi.#16:20 Adang tang laibute in “Amen” belap hi.)
المحددات الحالية:
MARK 16: ZBOTF01
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Zo Bible © Bible Society of Myanmar, 2018.
MARK 16
16
Jesu’ Thawkiana
(Mat 28:1-10; Luk 24:1-12; Jhn 20:1-10)
1Sabbath ni a tawp zaw ciengin Mary Magdalene, James’ nu Mary, le Salome-te in Jesu’ luong nu dingin panamtuite a lei uhi. 2Nipi kal khat sung ni masa pen zingmawng tung, ni suo patin hanah amate a pei uhi. 3Amate khatlekhat kikumin, “Han kotvang huhna suongtumpi koi’ ei liapieh mawh ding adiei,” a kici uhi. 4Amate a dato ciengun a gol mama tua suongtumpi a kiliasa-in a mu uhi. 5Han sungah a lut uleh a zietlam pang vua a to puontuol kang sil tangval khat mu-in a zausi gawp uhi. 6Ahi vangin amate kungah, “Zau sih un; singlamte tunga a kikhailia Nazareth mi Jesu sui hi ngel uteh. Ama a thokia zo ta hi; tam munah ama om nawn lo hi. Amate in ama a sielna mun uh en un. 7Pei unlen, a nuazuite le Peter kungah Galilee lam zuonin na masang vuah pei hi, ci-in va gen ta un; ama in note ang gensa bang lienin khum munah na mu ding uhi,” a ci hi.#Mat 26:32; Mrk 14:28 8Tuaci’n amate zausi-in lamdang sa kawm uh ahi ziehin han pan pusuohin a tai uhi; amate a zau ziehun koima kungah a gen sih uhi.#16:8 Tang laibu a lui pente pawlkhat in tam laibu pen tang 8 tawh tawpsah uhi. Tang laibu khat in tam laibu pen hielna a tomzaw tawh tawpsah hi. Adang khat in hielna tomzaw omsah a, tua zaw ciengin tang 9-20 dongin zomto hi. Taang laibu a tamzawte sungah tang 8 zaw ciengin tang 9-20 in thakhatin zui pai a, hinanle tang laibu kimkhat sungah tam laiguol pen a muonhuoi loin kiciemte hi.
MARK’ A HIELNA A TOMZAW
(Amate tunga thu kipiesa zosiete, Peter’ kim le pama a om mite kungah tomkimin a gen uhi. Tua zaw ciengin Jesu mama in amate tungtawnin nisuona panin nitumna dong, a siengtho le a kisie thei lo kumtawn hutdamna thu tangkona a sawlkhie hi.#16:8 Adang tang laibute ah “Amen” kibelap)
MARK’ A HIELNA SAUZAW
Mary Magdalene Kungah Jesu Kihil
(Jhn 20:11-18)
9(Nipi kal khat sung ni masapen, a thawkia zaw zingmawng tungin dawi sagi a hawlkhietpieh nu Mary Magdalene kungah ama kilaa hi. 10Tua nu pei-in Jesu’ kithuopi ngaite da le kapin a op laitahun tam thu a va gen ta hi. 11Ahi vangin amate in ama a hing ahi lam le tua nu in ama mu zo hi, ci thu a zah ciengun a um thei sih uhi.
Nuazui Nite tungah Jesu Kihil
(Luk 24:13-35)
12Tami teng zaw ciengin khuota lam zuonin a pei laitahun ama ni tungah a mel tuom khatin a kilaa hi. 13Tam tegel zong kilekia-in a gen vangun amate in a um sih uhi.
Jesu in Nuazuite Sawl
(Mat 28:16-20; Luk 24:36-49; Jhn 20:19-23)
14Tua zaw ciengin sabuoi tungah a to laitahun sawm le khat-te mama tungah ama a kilaa hi; ama a thawkia zaw ciengin ama a mu mite’ thu gen tahsang loin a uplana ule a lungkhauna ziehun amate a hosie hi.#16:14 Adang tang laibute in “Tuale amau le amau maw kipengsahin, “Tami gitlona hun le uplona hun pen Satan’ khut sunga om hi a, thuman le Pasien’ vanglietna in a nieh hlabuate’ nasepna tunga a guolzaw ding phal lo hi. Tua ahi ziehin tu-in na thumanna pholah in,” a ci uhi - amate in tua bangin Khris hopi uhi. Tuale Khris in amate kungah, “Satan’ vangliet nasep nading kumte cing zo a, ahi vangin zauhuoina dangte ang nai ta hi. Thuman sungah amate kihei-in maw nawn lo a, vantunga om hlagau lamah a kisie thei lo dihna’ thupina a luo thei nadingun, mawna a bawlte adingin sina sungah keima ei kipie hi,” ci-in a dawng hi, ci-in a unpi-in, ahi sihle, khen khatin ahi zongin belap hi. 15Amate kungah, “Leitung muncin tengah note pei unlen, a piensahsa zosiete tungah lungdamna thu#16:15 Ahi sihle “khantan hoi” phuongzah un.#Sawl 1:8 16Thu um a, a ki-baptize mite in hutdamna nga ding uhi; ahi vangin a um lote in mawsah thukhenna a thuoh ding uhi. 17Tami limte in a um mite a nuazui ding hi: Amate in keima’ min suongin dawite a notmang ding uhi; kam thate tawh a ham ding uhi; 18a khut utawh gulte a man ding vua, si theina gu khatpo a dawn ule zong bangma a ci sih ding uhi; cinate tungah khut a nga ding vua, amate a dam ding uhi,” a ci hi.
Jesu’ Vankana
(Luk 24:50-53; Sawl 1:9-11)
19 Topa Jesu in amate kungah tua banga a gen zaw ciengin vantungah ama kilato a, Pasien’ zietlamah a to hi.#Sawl 1:9-11 20Tuale amate kuonin muncin tengah lungdamna thu a phuongzah uhi. Topa in amate tawh na semton a, a thugente uh a kipsahna-in lim lamdangte in a zuisah hi.#16:20 Adang tang laibute in “Amen” belap hi.)
المحددات الحالية:
:
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Zo Bible © Bible Society of Myanmar, 2018.