ATÜNNAK 24
24
Isaak Ah Chu
1Abraham cu ang htei ah ghi lawk ci, Bawipa naw a bi päng cu hriham pek ci. 2Abraham naw a khawh m’htei ciah a changshäm ang vaipi cu khü neta, “Ka phei goi ah ng’lak ah na kut k’thawi neta na ng’taam vai. 3Khankhaw la khomdek ah Khanpughi Bawipa ah ming ung na ng’taam vai nei, ka hta ah chu vai cu shin ung om ci gui ah Kanaan khaw chang ungka kä na ghü en vai. 4Kei ah ka ng’tüi nak ah khaw ah hteit neta, ka khaw chang gui ungka, ka hta Isaak ah chu vai cu na lak vai ah mawng ah kyak ci nei” cine khen ne pyen ci.
5A changshäm naw, “Hnumi hta cu shin ah khaw ah kä a law tu hlü ah a kyak ung mä, na hta cu na om nak man ah khaw ah ka tüih ba vai ang?” cine ng’shik ci.
6Abraham naw, “Ka hta cu cun ah khaw ah kä na tüih en ba vai! 7Khankhaw Khanpughi Bawipa naw ka pa ah im ungka la ka khaw chang gui ah khaw ungka, na law püi ne, shin ah khaw cu ka hta ah ng’shon am pek khai ah shaitak nak bi pyi ci nei. Ani naw khanchang gui cu na ma ah tüi law sei, ka hta ah chu vai cu nang naw na la hlawt khai nei. 8Hnumi hta cu kä a law tu hlü ling ah a kyak ung läi, shin ah thukhän cu nang naw na phyawn nak khai nei. A i ah a kyak ung phi, ka hta cu kä na hteh en püi ba vai nei” cine pyen nak ci. 9Cun ah kyasei changshäm naw, a kut cu a bawi Abraham ah phei goi ah ng’lak ah tha neta, Abraham ah pyen ah mäih ah ka bik khai nei, cine ng’phyun ci.
10Cun ah khawh m’htei ciah changshäm cu kalauk gha hteh püi ne Mesopotamia a siiptäng Nahor gawnu ah hteit ci.
11Ani cu gawk neta gawnu ah akpung ah om ciah tui shawk pei ah kalauk gui cu ng’baw sak gui ci. Acu ah a khin cu khaw k’awi nu, hnumi gui naw tui ami than nak ah a khin ah kyak ci. 12Ani naw, “Ka Bawi, Abraham ah Khanpughi, kei am näng nak na yuk pe ne, ka bawi am na shaitak kümbe sak ä. 13Kei cu gawnu ungka ng’lamihta gui law ne tui ami than nak ah tui shawk pei ah ka om ci. 14Kei naw, ‘Tui ka aw tuk khai, na tui hlüng cu hmoh ä’ ka ci ung, ‘Aw tu ä, na kalauk gui ah awk vai phi, tui ka law püi khai nei’ cik ciah hnumi hta cu, na changshäm Isaak ah hmawk ah nang naw na ghü ah kyak khai nei. Cun cu akcang ah a kyak ung, ka bawi ung na bi ah na shaitak cu kümbe ciah ka hmat khai nei” cine taigü ci.
15Cun ah taigü ne kä ang pyi pha ung, Rebekka cu ak phleing ung tui hlüng tai ne kawt ne gawk lawk ci. Ani cu Bethuela ah hta hnumi ah kyak ci. Bethuela cu Abraham ah phäi Nahor la akchu Milkah ah hta ah kyak ci. 16Ani cu ang htei ah kyom ciah hnumi hta htüm ah kyak ci. Ani cu tui shawk ah hteit ne tui than neta ng’hlat law ba ci. 17Cun ah changshäm naw va dawng neta, “Na tui hlüng ungka tui api na tu toä” cine pyen ci.
18Hnumi hta naw, “Aw toä” ci neta, a phleing ungka tui hlüng cu ak yang ah hmoh ne awk tu sak ci. 19Aw yawp khäta, “Na kalauk gui naw chum ne ami awk vai ah tui ka than law ba khai nei” cik ci. 20Ani a tui hlüng ungka tui avan cu kalauk gui ah awk nak ah kaw ung kei neta kalauk gui ah awk vai ah tui than ba mä khai ah dawng ne hteit ci. 21Cun ah chang naw cun ah hnumi hta cu hmu neta, ani ah law nak ah mawng ung Bawipa naw am htei la kä am htei ah mawng cu adüm ah om ne teng ci.
22Cun kawn ah ani naw a phu küi ciah ghui hnga naak la küikyang ciah ghui kutcüp hnih cu a kut ung pe neta, 23“Na pa a u ang, na m’thein ä, na pa ah im ah kami ih nak tu vai om khai ang, cine ng’shik ci.
24Hnumi hta naw, “Ka pa cu Nahor la Milkah ah hta Bethuela ah kyak ci nei. 25“Keimi ah im ah khu chawng gui la ei awk gui vai om ci, nami ih nak tu vai phi om ci nei” cik ci.
26Cun ah chang naw, m’khudong ne kawp ne Bawipa khawihnah neta, 27“Bawipa cu m’hlüngtai nei, ka bawi Abraham ah Khanpughi naw, ka bawi ung shai ataak cu bekhüt ne k’pang ci nei. Bawipa naw kei cu ka bawi ah khochang gui ah na hteh püi ci nei” cik ci.
28Hnumi hta naw im ah anu ah dawng ba neta, a mawng avan cu m’thein tuk ci. 29Rebekka ung Laban ming nak ciah abe pami om ci. Ani cu Abraham ah chang ah om nak tuishawk ah va dawng ci. 30Laban naw hnga naak la abe ah kut ung om ciah kutcüp cu hmu pyi ci. Lawk ciah chang ah ng’thu, abe naw am thein phi ng’ya pyi ciah kyak ci. Ani cu tuishawk ah pei, kalauk gui ah pei ah ng’düi ciah Abraham ah chang ah hteit neta, 31“Kami im ah law ä, a i ah kyasei akpung ah na ng’düih ang? Ka im ah na om nak tu vai ah kyong om ci nei, kalauk gui ah om nak vai phi om ci nei” cik ci.
32Cun kawn ah ani cu ami im ah hteit tuk ci. Laban naw ani phuih cu dou pe goi ne, kalauk gui am khuchawng la ei vai m’bei gui neta Abraham ah chang la a khah püi gui naw ami khaw ami m’si nak vai ah tui phi than lawk ci. 33“Ei vai cu chaang law u khäta cun ah chang naw, “Ka pyen vai ah ng’thu cu kä ka pyen pha ung, ei kä ka ei khai nei” cik ci.
Laban naw, “Na pyen hlü cu pyen ä” cik ci.
34Ani naw, “Kei cu Abraham ah changshäm nei; 35Bawipa naw a küikyang ah hriham pe ne ka bawi cu bühmang sak ci nei. Htome gui, me gui, seipat gui la ngui ni, ghui ni, changshäm hnumi gui ni, pami gui ni, kalauk gui ni, ng’se gui ni akda pe pyi ci nei. 36Ka bawi ah chu Sarah cu a ghi law kawn ah pami ah hta ci nei. Ka bawi naw a htapa am a khawh avan hläät ci nei. 37Ka bawi naw ang thu ka ngaih vai ah khän ne na m’cäi ci nei. Ani naw, “Ka hta ah chu vai cu Kanaan khaw ungka kä na shui en vai; 38Kapa ah chang gui, ka ng’khochang gui ah om nak ah hteit neta ka hta ah chu vai cu na shui vai nei” cik ci.
39Kei naw ng’shi ba ne, “Hnumi hta kä a law tu hlü ung a i cha ah ci vai ang?” ci ngäta,
40Ani naw, “A ng’thu ka ngaih ah Bawipa naw khankho chang tüi law ne näng nak ning pek khai nei. Nang naw ka hta ah chu vai cu ka mät ah pakhui, ka pa ah kyong chang ungka na gah lawk khai nei. 41Ka pakhui chang gui ah hteit ci sei ngami naw ami ning maa nak ah a kyak läi ung, nang cu shin ah ng’phyun nak na phyawn nak khai nei” cik ci.
42Tuh ngawi tuishawk ung gawk law neta, ka taigü ci, “Bawipa, ka bawi Abraham ah Khanpughi, ka bi nak ung näng nak na pe ä. 43Kei cu tuishawk pei ah ka om ci. Tui than khai hnumi hta a law ah a kyak ung, a tui hlüng ungka tui a na tu tu vai ah ka k’thäh khai. 44Ani naw yum ne ka kalauk gui ah awk vai phi tui than law ne a kyak ung, cun cu ka bawi ah hta ah chu vai nang naw na ghü ah kyak khai nei.
45Ka taigü kä a ng’pyi pha ung Rebekka cu ak phleing ung tui hlüng tai ne kawt ne tui than khai ah lawk ci. Kei naw “Tui na tu tu ä” ci ngä sei, 46Tui hlüng cu ang ghit ah hmoh neta, “Aw tu ä, kalauk gui ah awk vai phi tui ka than lawk khai nei” cik ci. Kei naw tui ka aw tuk ci, ani naw kalauk gui cu tui tu gui ci. 47Kei naw, “Na pa a u ang?” cine ng’shi ngä sei, ani naw, “Kapa cu Nahor la Milaka ah hta Bethuela nei” cik ci. Kei naw a hnga ung hnga naak m’hnaak ne, a kut ung kutcüp ka pek ci. 48Kei naw m’khukdong ne Bawipa cu khawihnah neta, ‘Bawipa hlüngtai sä, ka bawi Abraham ah Khanpughi naw, lam ka hteh nak ung, ka bawi ah pakhui chang gui ah na hteh püi ci nei. Ka bawi ah hta ah chu vai phi ka hmu pyi ci nei’ ka cik ci.
49Tuhbäi ka bawi täng ah na bilawh vai gui cu kümbe khai ah nami bi vai ah nami ngaih ung, ani ah khan ah akni na bi tu vä, cun ah kä ah kyak ung phi, nami bä ni, na m’thein vä, kei naw a i ka bi vai cu ka k’bäi khai nei” cik ci.
50Laban la Bethuela naw, “Shin cu Bawipa ungka lawk ciah kyak ci. Keimi naw kami pyen vai a i kä om ci. 51Rebekka cu na ma ah om ci nei, hteh püi ä, Bawipa naw a pyen ah mäih ah na bawi ah hta ah chu ah kya sä” cik ci gui. 52Cun ani cicu Abraham ah changshäm naw ng’ya neta, kawp ne Bawipa cu khawihnah ci. 53Cun kawn ah ngui ni, ghui ni, suisak gui ni cu Rebekka am pek ci. A phäi la a nau am phi a phu küi gui m’cümhnah gui ci.
54Abraham ah changshäm la a khah püi gui cu, ei aw tu u neta ip tuk ci gui. A ngawi ung khawngawi hta tho law u neta, “Ka bawi ah ka hteit ba khai nei” cik ci.
55Rebekka ah aphäi la anu naw, “Hmumi hta cu hnüüp chih baw, hnüüp gha baw om ba cang sä, cun kawn ah hteit vä” cik ci goi. 56Ani naw, “Kä na m’shawt hnga vä, Bawipa naw ka hteh nak ung näng nak na pe pyi ci, ka bawi ah ka hteit ba khai nei” cik ci.
57Ngami naw, “Cun ung Rebekka mi ng’shi cang khai nei” ci u neta, 58Rebekka cu khü ne, “Shin ah chang awn tuhbäi na ng’gui tuk khai aw?” cine ng’shik ci gui.
Rebekka naw, “ä” cik ci.
59Cun ah kyasei Rebekka la a changshäm a ghipa cu Abraham ah changshäm la a khah püi gui awn a täng ah hteh tu sak ci gui. 60Rebekka cu anu pa gui naw shin ah ng’thu awn hriham pak ci gui:
“Kami be aw, nang cu
chang pilum ah Nu ah kya ä!
Na htangshon gui naw
ami ga gui ah mang gaw gui
näng u sä!”
61Cun kawn ah Rebekka la a changshäm gui cu, ng’düi law ne kalauk ung ng’cum u ne, Abraham ah chang gui awn a täng ah hteit ci gui.
62Isaak cu ‘Ghing ne kei na hmuk ciah tuishawk’ ming nak ciah bung hmu ah law ne, Kanaan khaw a htumtäng ah om ci. 63Ani cu mühun ah lai ung hteit shüi neta kalauk gui law u sei hmuk ci. 64Rebekka naw Isaak cu hmu law ne, kalauk ungka kyum law neta, 65Abraham ah chang cu, “Mikmi täng ah ana a vük ciah chang cu a u ang?” cine ng’shik ci.
Ani naw, “Ani cu ka bawi nei” ci khäta, Rebekka naw hmai shung nak la ne a hmai shung ci.
66Changshäm naw, abi gui ah mawng avan cu Isaak am m’thein ci. 67Isaak naw Rebekka cu anu Sarah ah om nak man ah kyong ah luh püi sei, ani cu a chu ah kya lawk ci. Isaak naw Rebekka cu m’hni ciah kya neta, anu ah sih ah a thüi nak ungka huiyang ba ci.
المحددات الحالية:
ATÜNNAK 24: CBC
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Cho Bible Common Language © Bible Society of Myanmar, 2016.
ATÜNNAK 24
24
Isaak Ah Chu
1Abraham cu ang htei ah ghi lawk ci, Bawipa naw a bi päng cu hriham pek ci. 2Abraham naw a khawh m’htei ciah a changshäm ang vaipi cu khü neta, “Ka phei goi ah ng’lak ah na kut k’thawi neta na ng’taam vai. 3Khankhaw la khomdek ah Khanpughi Bawipa ah ming ung na ng’taam vai nei, ka hta ah chu vai cu shin ung om ci gui ah Kanaan khaw chang ungka kä na ghü en vai. 4Kei ah ka ng’tüi nak ah khaw ah hteit neta, ka khaw chang gui ungka, ka hta Isaak ah chu vai cu na lak vai ah mawng ah kyak ci nei” cine khen ne pyen ci.
5A changshäm naw, “Hnumi hta cu shin ah khaw ah kä a law tu hlü ah a kyak ung mä, na hta cu na om nak man ah khaw ah ka tüih ba vai ang?” cine ng’shik ci.
6Abraham naw, “Ka hta cu cun ah khaw ah kä na tüih en ba vai! 7Khankhaw Khanpughi Bawipa naw ka pa ah im ungka la ka khaw chang gui ah khaw ungka, na law püi ne, shin ah khaw cu ka hta ah ng’shon am pek khai ah shaitak nak bi pyi ci nei. Ani naw khanchang gui cu na ma ah tüi law sei, ka hta ah chu vai cu nang naw na la hlawt khai nei. 8Hnumi hta cu kä a law tu hlü ling ah a kyak ung läi, shin ah thukhän cu nang naw na phyawn nak khai nei. A i ah a kyak ung phi, ka hta cu kä na hteh en püi ba vai nei” cine pyen nak ci. 9Cun ah kyasei changshäm naw, a kut cu a bawi Abraham ah phei goi ah ng’lak ah tha neta, Abraham ah pyen ah mäih ah ka bik khai nei, cine ng’phyun ci.
10Cun ah khawh m’htei ciah changshäm cu kalauk gha hteh püi ne Mesopotamia a siiptäng Nahor gawnu ah hteit ci.
11Ani cu gawk neta gawnu ah akpung ah om ciah tui shawk pei ah kalauk gui cu ng’baw sak gui ci. Acu ah a khin cu khaw k’awi nu, hnumi gui naw tui ami than nak ah a khin ah kyak ci. 12Ani naw, “Ka Bawi, Abraham ah Khanpughi, kei am näng nak na yuk pe ne, ka bawi am na shaitak kümbe sak ä. 13Kei cu gawnu ungka ng’lamihta gui law ne tui ami than nak ah tui shawk pei ah ka om ci. 14Kei naw, ‘Tui ka aw tuk khai, na tui hlüng cu hmoh ä’ ka ci ung, ‘Aw tu ä, na kalauk gui ah awk vai phi, tui ka law püi khai nei’ cik ciah hnumi hta cu, na changshäm Isaak ah hmawk ah nang naw na ghü ah kyak khai nei. Cun cu akcang ah a kyak ung, ka bawi ung na bi ah na shaitak cu kümbe ciah ka hmat khai nei” cine taigü ci.
15Cun ah taigü ne kä ang pyi pha ung, Rebekka cu ak phleing ung tui hlüng tai ne kawt ne gawk lawk ci. Ani cu Bethuela ah hta hnumi ah kyak ci. Bethuela cu Abraham ah phäi Nahor la akchu Milkah ah hta ah kyak ci. 16Ani cu ang htei ah kyom ciah hnumi hta htüm ah kyak ci. Ani cu tui shawk ah hteit ne tui than neta ng’hlat law ba ci. 17Cun ah changshäm naw va dawng neta, “Na tui hlüng ungka tui api na tu toä” cine pyen ci.
18Hnumi hta naw, “Aw toä” ci neta, a phleing ungka tui hlüng cu ak yang ah hmoh ne awk tu sak ci. 19Aw yawp khäta, “Na kalauk gui naw chum ne ami awk vai ah tui ka than law ba khai nei” cik ci. 20Ani a tui hlüng ungka tui avan cu kalauk gui ah awk nak ah kaw ung kei neta kalauk gui ah awk vai ah tui than ba mä khai ah dawng ne hteit ci. 21Cun ah chang naw cun ah hnumi hta cu hmu neta, ani ah law nak ah mawng ung Bawipa naw am htei la kä am htei ah mawng cu adüm ah om ne teng ci.
22Cun kawn ah ani naw a phu küi ciah ghui hnga naak la küikyang ciah ghui kutcüp hnih cu a kut ung pe neta, 23“Na pa a u ang, na m’thein ä, na pa ah im ah kami ih nak tu vai om khai ang, cine ng’shik ci.
24Hnumi hta naw, “Ka pa cu Nahor la Milkah ah hta Bethuela ah kyak ci nei. 25“Keimi ah im ah khu chawng gui la ei awk gui vai om ci, nami ih nak tu vai phi om ci nei” cik ci.
26Cun ah chang naw, m’khudong ne kawp ne Bawipa khawihnah neta, 27“Bawipa cu m’hlüngtai nei, ka bawi Abraham ah Khanpughi naw, ka bawi ung shai ataak cu bekhüt ne k’pang ci nei. Bawipa naw kei cu ka bawi ah khochang gui ah na hteh püi ci nei” cik ci.
28Hnumi hta naw im ah anu ah dawng ba neta, a mawng avan cu m’thein tuk ci. 29Rebekka ung Laban ming nak ciah abe pami om ci. Ani cu Abraham ah chang ah om nak tuishawk ah va dawng ci. 30Laban naw hnga naak la abe ah kut ung om ciah kutcüp cu hmu pyi ci. Lawk ciah chang ah ng’thu, abe naw am thein phi ng’ya pyi ciah kyak ci. Ani cu tuishawk ah pei, kalauk gui ah pei ah ng’düi ciah Abraham ah chang ah hteit neta, 31“Kami im ah law ä, a i ah kyasei akpung ah na ng’düih ang? Ka im ah na om nak tu vai ah kyong om ci nei, kalauk gui ah om nak vai phi om ci nei” cik ci.
32Cun kawn ah ani cu ami im ah hteit tuk ci. Laban naw ani phuih cu dou pe goi ne, kalauk gui am khuchawng la ei vai m’bei gui neta Abraham ah chang la a khah püi gui naw ami khaw ami m’si nak vai ah tui phi than lawk ci. 33“Ei vai cu chaang law u khäta cun ah chang naw, “Ka pyen vai ah ng’thu cu kä ka pyen pha ung, ei kä ka ei khai nei” cik ci.
Laban naw, “Na pyen hlü cu pyen ä” cik ci.
34Ani naw, “Kei cu Abraham ah changshäm nei; 35Bawipa naw a küikyang ah hriham pe ne ka bawi cu bühmang sak ci nei. Htome gui, me gui, seipat gui la ngui ni, ghui ni, changshäm hnumi gui ni, pami gui ni, kalauk gui ni, ng’se gui ni akda pe pyi ci nei. 36Ka bawi ah chu Sarah cu a ghi law kawn ah pami ah hta ci nei. Ka bawi naw a htapa am a khawh avan hläät ci nei. 37Ka bawi naw ang thu ka ngaih vai ah khän ne na m’cäi ci nei. Ani naw, “Ka hta ah chu vai cu Kanaan khaw ungka kä na shui en vai; 38Kapa ah chang gui, ka ng’khochang gui ah om nak ah hteit neta ka hta ah chu vai cu na shui vai nei” cik ci.
39Kei naw ng’shi ba ne, “Hnumi hta kä a law tu hlü ung a i cha ah ci vai ang?” ci ngäta,
40Ani naw, “A ng’thu ka ngaih ah Bawipa naw khankho chang tüi law ne näng nak ning pek khai nei. Nang naw ka hta ah chu vai cu ka mät ah pakhui, ka pa ah kyong chang ungka na gah lawk khai nei. 41Ka pakhui chang gui ah hteit ci sei ngami naw ami ning maa nak ah a kyak läi ung, nang cu shin ah ng’phyun nak na phyawn nak khai nei” cik ci.
42Tuh ngawi tuishawk ung gawk law neta, ka taigü ci, “Bawipa, ka bawi Abraham ah Khanpughi, ka bi nak ung näng nak na pe ä. 43Kei cu tuishawk pei ah ka om ci. Tui than khai hnumi hta a law ah a kyak ung, a tui hlüng ungka tui a na tu tu vai ah ka k’thäh khai. 44Ani naw yum ne ka kalauk gui ah awk vai phi tui than law ne a kyak ung, cun cu ka bawi ah hta ah chu vai nang naw na ghü ah kyak khai nei.
45Ka taigü kä a ng’pyi pha ung Rebekka cu ak phleing ung tui hlüng tai ne kawt ne tui than khai ah lawk ci. Kei naw “Tui na tu tu ä” ci ngä sei, 46Tui hlüng cu ang ghit ah hmoh neta, “Aw tu ä, kalauk gui ah awk vai phi tui ka than lawk khai nei” cik ci. Kei naw tui ka aw tuk ci, ani naw kalauk gui cu tui tu gui ci. 47Kei naw, “Na pa a u ang?” cine ng’shi ngä sei, ani naw, “Kapa cu Nahor la Milaka ah hta Bethuela nei” cik ci. Kei naw a hnga ung hnga naak m’hnaak ne, a kut ung kutcüp ka pek ci. 48Kei naw m’khukdong ne Bawipa cu khawihnah neta, ‘Bawipa hlüngtai sä, ka bawi Abraham ah Khanpughi naw, lam ka hteh nak ung, ka bawi ah pakhui chang gui ah na hteh püi ci nei. Ka bawi ah hta ah chu vai phi ka hmu pyi ci nei’ ka cik ci.
49Tuhbäi ka bawi täng ah na bilawh vai gui cu kümbe khai ah nami bi vai ah nami ngaih ung, ani ah khan ah akni na bi tu vä, cun ah kä ah kyak ung phi, nami bä ni, na m’thein vä, kei naw a i ka bi vai cu ka k’bäi khai nei” cik ci.
50Laban la Bethuela naw, “Shin cu Bawipa ungka lawk ciah kyak ci. Keimi naw kami pyen vai a i kä om ci. 51Rebekka cu na ma ah om ci nei, hteh püi ä, Bawipa naw a pyen ah mäih ah na bawi ah hta ah chu ah kya sä” cik ci gui. 52Cun ani cicu Abraham ah changshäm naw ng’ya neta, kawp ne Bawipa cu khawihnah ci. 53Cun kawn ah ngui ni, ghui ni, suisak gui ni cu Rebekka am pek ci. A phäi la a nau am phi a phu küi gui m’cümhnah gui ci.
54Abraham ah changshäm la a khah püi gui cu, ei aw tu u neta ip tuk ci gui. A ngawi ung khawngawi hta tho law u neta, “Ka bawi ah ka hteit ba khai nei” cik ci.
55Rebekka ah aphäi la anu naw, “Hmumi hta cu hnüüp chih baw, hnüüp gha baw om ba cang sä, cun kawn ah hteit vä” cik ci goi. 56Ani naw, “Kä na m’shawt hnga vä, Bawipa naw ka hteh nak ung näng nak na pe pyi ci, ka bawi ah ka hteit ba khai nei” cik ci.
57Ngami naw, “Cun ung Rebekka mi ng’shi cang khai nei” ci u neta, 58Rebekka cu khü ne, “Shin ah chang awn tuhbäi na ng’gui tuk khai aw?” cine ng’shik ci gui.
Rebekka naw, “ä” cik ci.
59Cun ah kyasei Rebekka la a changshäm a ghipa cu Abraham ah changshäm la a khah püi gui awn a täng ah hteh tu sak ci gui. 60Rebekka cu anu pa gui naw shin ah ng’thu awn hriham pak ci gui:
“Kami be aw, nang cu
chang pilum ah Nu ah kya ä!
Na htangshon gui naw
ami ga gui ah mang gaw gui
näng u sä!”
61Cun kawn ah Rebekka la a changshäm gui cu, ng’düi law ne kalauk ung ng’cum u ne, Abraham ah chang gui awn a täng ah hteit ci gui.
62Isaak cu ‘Ghing ne kei na hmuk ciah tuishawk’ ming nak ciah bung hmu ah law ne, Kanaan khaw a htumtäng ah om ci. 63Ani cu mühun ah lai ung hteit shüi neta kalauk gui law u sei hmuk ci. 64Rebekka naw Isaak cu hmu law ne, kalauk ungka kyum law neta, 65Abraham ah chang cu, “Mikmi täng ah ana a vük ciah chang cu a u ang?” cine ng’shik ci.
Ani naw, “Ani cu ka bawi nei” ci khäta, Rebekka naw hmai shung nak la ne a hmai shung ci.
66Changshäm naw, abi gui ah mawng avan cu Isaak am m’thein ci. 67Isaak naw Rebekka cu anu Sarah ah om nak man ah kyong ah luh püi sei, ani cu a chu ah kya lawk ci. Isaak naw Rebekka cu m’hni ciah kya neta, anu ah sih ah a thüi nak ungka huiyang ba ci.
المحددات الحالية:
:
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Cho Bible Common Language © Bible Society of Myanmar, 2016.