MAKUH 14
14
Bawipa Jesuh Ngawn Vai ah Ami Pawng Püi Nak
(Mt 26:1-5; Lk 22:1-2; Jn 11:45-53)
1Phyawn nak pawi la k’caw kä shum ne m’htut den nak ah pawi a gawk law nak vai hnüüp goi m’hni ba khätah, taigüpa gui la thukhän saya gui cu Bawipa Jesuh adüm ah pha ne ngawn nak vai ah lam shui ci gui. 2Ngami naw, “Chang gu thüngphyong ne ami kyak law vai ah ng’ä ah kyasei pawi ah ak kyong ung kä nami pha vai” cine m’cäi gui ci gui.
Bethani ah Bawipa Jesuh ah Lu Tui Ng’ui awn Ami Shawi ah Mawng
(Mt 26:6-13; Jn 12:1-8)
3 Bawipa Jesuh cu Bethani pigaw ah khei-lei ung gaw man-te ciah Simon ah im ah kai ne om tuk ci. Ani ei a ei tu yah ung hnumi hta tumat naw, ang htei ah a phu küi ciah Naduh tui ng’ui cu k’doulung tui-um ung law püi netah, acun ah tui-um cu shu yauh ne, cun ah tui ng’ui awn Bawipa Jesuh ah lu cu shawi ci.
4Chang amshah gui cu m’lungshe u ne, “A i ah kyasei tui ng’ui cu akholä ah a plawh-m’htah ang? 5Shin ah tui ng’ui cu ngui pit thum ah yoi ne, ghawi pyam ci gui-am peit gui vai ah kha te ci nei” cine ami mät gui ng’htau u ne, cun ah hnumi cu m’kat ci gui.
6 Bawipa Jesuh naw, “Cän ah hnumi naw amät ah m’hni ah bi bi sä, a i ah kyasei nami tüihtok ang? Ani ah bi cu kei ah phäh ah ang htei ah nik ci nei. 7Ghawi pyam ciah chang gui cu nangmi awn angtäi ah a täng ah nami om ci. Nangmi naw nami ng’yak hlü päng ung nami m’htei gui hning ci. Kei läi cu nangmi awn angtäi ah kä ka om khai. 8Shin ah hnumi naw amät ah m’khüt nak bäät awn kei cu nam htei ci nei. Kei ah ka gook cu m’cim vai ah ng’dawt ne tui ng’ui awn shawi pyi ci nei. 9Kei naw akcang ka pyein cu, Thu Ni ng’shäu nak ah kho nüng ah shin ah hnumi cu chang naw a shüm vai ah, ani ah bilawh cu pyein sak khai gui nei” cine pyen na gui ci.
Bawipa Jesuh cu Judas Naw Ap Gui Khai ah Yum Ci
(Mt 26:14-16; Lk 22:3-6)
10Ang düihpüi gha-lei-goi ungka ah kyak ciah Judas Iskariot cu Bawipa Jesuh ami kut ung ap gui khai ah taigüpa gui ah om nak ah hteit ci. 11Cun ah chang gui naw Judas a law ah mawng cu ng’ya u netah, ang htei ah yeikyai u ne, ani-am ngui pek khai gui ah ng’thu khän ci gui. Cun ah kyasei Judas naw, Bawipa Jesuh cu ga gui ah kut ung a ap nak gui vai ah lam cu ngaih-tüh ne shui ci.
Bawipa Jesuh naw Ang Düihpüi gui-am Phyawn nak Mü-ei Ei Püi Gui Ci
(Mt 26:17-25; Lk 22:7-14, 21-23; Jn 13:21-30)
12Phyawn nak Htome hta cu ngawn ne k’caw kä shum ah m’htut den nak ah pawi tün htük hnüüp ung, ang düihpüi gui naw, Bawipa Jesuh-am, “Nang Bawipa ah hmawk ah phiawn nak mü-ei cu a hawi ang kami pian kaw?” cine ng’shik ci gui.
13 Bawipa Jesuh naw ang düihpüi pahnih-am, “Nangni pigaw kyong ah nami hteh vai, a cu ah tui khlüng kawt ne ana lawk ciah chang tumat cu nami hmuk khai, acun ah chang cu a hnu ah nami läk vai. 14Ani ah luh nak ba ah im ah hteit tu ni netah, im-ah-am, “Bawipa naw, ‘Kei la kang düihpüi gui naw phiawn nak mü-ei ei nak vai ah kyong khui a hawi ang? cine nang ng’shi sak gui ci’ cine nani pyein vai. 15Ani naw a khan kyong khui cu ning mihmuh goi khai, acun ung a päng küm be khai nei,” cine m’cäi goi ci.
16Ang düihpüi goi pahnih cu pigaw kyong ah hteit ni ne, Bawipa Jesuh naw am cäi goi ah mäih ah a päng cu hmu ni netah, phiawn nak mü-ei ei vai cu pyang m’tham ci goi.
17Khomü hun law khätah Bawipa Jesuh cu ang düihpüi gha-lei-goi awn a täng ah, gawk lawk ci gui. 18Ngami cu a täng ah vun vai ne ami ei yah ung Bawipa Jesuh naw, “Kei naw akcang ka pyein cu, tuhbäi a täng ah vun ne mi ei ciah nangmi ungka chang tumat naw, kei cu ga ah kut ung na ap khai nei” cine pyen na gui ci.
19Ang düihpüi gui cu ami m’lung thüi yawp khätah, “Cun cu kei na na pyein ah kä kyak ci ang?” cine ami van naw ng’shi lawk ci gui.
20 Bawipa Jesuh naw, “Cun ah chang cu kang düihpüi gha-lei-goi ungka ah kyak ci. Kei ah ka ei nak ah k’bei ung phyom ne ei tuk ciah kyak ci. 21Cacim ung om ciah mäih ah chang ah Htapa cu sik khai, cun ung phi chang ah Htapa ap ciah chang cu ang htei ah thüi sei nak om ci. A ni cu kä ang tüi tu ge vai sü ung ani ah hmawk ah bä pi khai süte” cine pyein ci.
Bawipa ah Mü-ei
(Mt 26:26-30; Lk 22:14-20; 1Kor 11:23-25)
22 Bawipa Jesuh la ang düihpüi gui cu mü-ei ami ei yah ung, Bawipa Jesuh naw m’htut cu la netah Khanpughi m’hlüngtai ne taigü ci. Cun kawn ah m’htut cu k’bou ne, “Shin ah m’htut cu kei ah ka pumsa ah kyak ci, la ne nami ei vai” cine ang düihpüi gui-am tei gui ci.
23Cun kawn ah khap cun phi la ne Khanpughi m’hlüngtai netah, ang düihpüi gui-am tei gui sei, ngami ami van naw awk ci gui. 24Bawipa Jesuh naw, “Shin ah khap cu Chang akda ah hmawk ah kei, naw ka huk ah ka si, Khanpughi naw ang thukhän am hnüt nak ah ka si, ah kyak ci. 25Kei naw ka ning m’thein gui cu, Khanpughi ah kho ung sapyit tui awk nak ah kho hnüüp kä a gawk law pha ah chuih, cän kawn ah kei cu sapyit tui kä ka aw tu ba khai” cine ang düihpüi gui-am pyen na gui ci.
26Cun kawn ah Bawipa Jesuh la ang düihpüi gui cu, m’hlüngtai nak ng’äi m’cu u ne Olive khomhtung lam ah hteit ci gui.
Bawipa Jesuh Naw Peter naw Amaa Vai ah Mawng Ng’dawt ne Pyein ci
(Mt 26:31-35; Lk 22:31-34; Jn 13:36-38)
27 Bawipa Jesuh naw, “Nangmi nami van cu kei na nawng ne nami dawng yawp khai nei, a i ah kyasei ci ung cacim ung, ‘Khanpughi naw hto shäm cu ngawn khätah, hto gui cu püipiang yawp khai gui nei” ciah om ci. 28Cun ung phi kei cu sih nak ungka tho ba ne, Kalile kho ah ma ne ka na hteit khai nei,” cine ang düihpüghi gui-am kyak na gui ci. 29Peter naw, “A hei gui ami van naw ami ning nawng ung phi, kei naw kä ka ning nawng khai nei” cine pyein ci.
30 Bawipa Jesuh naw Peter-am, “Kei naw akcang ka pyein cu, tuhmü ai kä a khon pha ung, nang naw kei cu, ‘Ani kä ka hmat ci nei’ cine na na mak khai nei” cine pyen nak ci.
31Cun ung phi Peter naw, “Kei cu nang Bawipa awn a täng ah ka sih tu vai ung phi, nang kä ka ning hmat ciah kyein ne, kä ka ning mak khai nei” ci ne ak thuuk ah pyein ci.
A hei ang düihpüi gui cun phi acun ah mäih ah pyein tu yawp ci gui.
Ketsemane ah Bawipa Jesuh Taigü ci
(Mt 26:36-46; Lk 22:39-46)
32 Bawipa Jesuh la ang düihpüi gui cu, Ketsemane kho hmun ah gawk law u netah, Bawipa Jesuh naw, “Kei ka taigü yah ung shin ung ana ngo vä” cine m’cäi gui ci. 33Cun kawn ah Peter, James la Johan ni gui cu, a hteh nak ah khah püi gui ci. Bawipa Jesuh cu ang htei ah yaica ng’ä ng’ai netah, 34“Kei cu kam lung kyong na aih khai ah ka yaica ci. Nangmi naw shin ung ngaih na ne nami na gin vai nei” cine ang düihpüi thum gui cu m’cäi gui shüt ci.
35 Bawipa Jesuh cu cun ungka api vang nawn ne, m’dek ung m’khukdong netah, 36“Kapa Khanpughi, nang cu angtäi avan nam khüt hning ci kiasei, shin ah yaica nak ah khap cu na phiawn ah sak ä. Cun ung phi kei ah ng’yak hlü ah kä kia-en ne, na mät ah ng’yak hlü ah kya sä” ci ne ani naw a bui awt law vai ah yaica nak cu, bä khai a kyak ung a phiawn nak hning vai ah taigü ci.
37Cun kawn ah Bawipa Jesuh cu ng’hlat law ba netah, ang düihpüi gui thum cu ip u sei hmu gui ci. Cun ah kya sei Bawipa Jesuh naw, Peter-am, “Simon, na ip ci ma? Nayi khat hta bäng ah kyong hngaw ung kä ih ah kä na om hlawt ci ma?” cine pyen nak ci. 38Cun kawn ah Bawipa Jesuh naw, “Nangmi naw tüihtok nak nami phiawn nak vai ah taigü ne ana ging vä, mümcha naw ng’ya hlü sei phi, pumsa thagui kä om ci nei” ci ne pyen na gui ci.
39Cun kawn ah Bawipa Jesuh cu hteit ba ne acun ah mäih ah taigü ba mä ci. 40Taigü yawp ne law ba sei ang düihpüi thum gui cu, a cun bä ah ana ip ba u sei hmu gui ci. Ngami cu käm dei law hlawt ne ngam u netah, Bawipa Jesuh ah ma ah a i ami pyein vai kä hmat ci gui.
41 Bawipa Jesuh cu ak thum vei nak ah taigü ne law ba netah, “Nangmi cu tuhgüt ip ne, ng’te ne, nami om ci ma? Bä khai nei, akhin gawk lawk ci nei, chang ah Htapa cu changshe gui ah kut ung ap lawk khai gui nei. 42Law vä, mi hteit kaw, ga ah kut ung kei na ap khai ah chang cu gawk law pyi ci nei” cine pyen na gui ci.
Bawipa Jesuh Ami Phaa ah Mawng
(Mt 26:47-56; Lk 22:47-53; Jn 18:3-12)
43Cun ah Bawipa Jesuh naw ng’thu a pyein yah ung ang düihpüi chang gha-lei-goi ungka Judas cu gawk lawk ci. Ani awn a täng ah khim ni, htung tawn ni kawt ci gui ah, chang akda cu law tuk ci gui. Cun gui cu taigü pa gui, thukhän saya gui la Jew chang vai gui ah tüih law gui cu ah kyak ci. 44Bawipa Jesuh cu ga ah kut ung ap khai ah chang naw, “Kei naw kang ui ah chang cu Jesuh ah kyak ci nei. Ani cu pha netah ngäng ne shäm ne hteh püi vä” cine ngami cu a nüt gui shüt ah kyak ci.
45Judas cu a gawk law vai-am Bawipa Jesuh ah pei ah law netah, “Ka Bawipa, cine Bawipa Jesuh cu ng’ui ci. 46Acun vai-am chang gui naw Bawipa Jesuh cu pha ne k’pang ci gui. 47Cun yah ung a pei ah ng’düi ciah chang tumat naw, ak khim phawng ne taigüpa ah ak changshäm cu tuh sei, ak hnga vang täng hlang ci. 48Bawipa Jesuh naw, “Nangmi cu m’guk ei pha ah mäih ah kei nami na phak khai ah khim la htung tawn gui khawt ne nami lawk ci ma? 49Kei cu ak hnüüp tä sei nami ma ge ung pum im ah m’theithang gui ne ka om ci. Cun yah ung nangmi naw kä nami na phak ci. Cun ung phi cacim cu akcang ah küm khai nei” ci ne kiak na gui ci.
50Cun yah ung ang düihpüi gui cu Bawipa Jesuh nawng shüt ne püi ne dawng yawp ci gui.
51Zih lang hta ng’vai ciah ak hmaw chang tumat cu Bawipa Jesuh ah hnu ah läk lawk ci. Chang gui naw ani cu pha hlü u khätah, 52ani cu a yih ng’vai nawng shüt ne ak plui ah dawng ne maih ci.
Kawngsi Yung ah Bawipa Jesuh cu Cet ne Ng’shik Ci gui
(Mt 26:57-68; Lk 22:54-55, 63-71; Jn 18:13-14, 19-24)
53Ngami naw Bawipa Jesuh cu Taigütung ah im ah hteh püi ci gui. Taigüpa gui, Jew chang ng’vai gui la thukhän saya gui cu a cun ah im ah ng’cut lawk ci gui. 54Peter cu ng’shawng pipi ne taigütung ah im cham kyong ah khüt ne, Bawipa Jesuh cu läk lawk ci. Ani cu taigütung ah a gakap gui awn a täng ah mei awm ne ngo tuk ci. 55Taigüpa gui la kawngsi yung bawi gui naw Bawipa Jesuh ngawn nak hning ah katnak saksi cu k’tha na ne shui ne phi kä hmuk ci gui. 56Acun ah mawng ung chang akda naw ami hleei pyein ne saksi ci gui. Cun ung phi ngami ah saksi gui cu a hei ah kyak ci.
57Chang amshah gui naw ng’düi law ne huttaap ne ng’thu ami pyein cu, 58“Chang ah kut awn cawh ah shin ah pum im cu kei naw ka plawh khai, cun kawn ak hnüüp thum hnüüp ung chang ah kut awn kä cawh ah pum im cu kei naw ka co khai” cine a pyein cu kami mät naw 59kami ng’yak ci nei,” ciah mäih gui pyein ne hleehlak ci gui. Cun ung phi cun ah ami pyein gui cu kä kawng ät ci.
60Taigütung naw chang gui ah ng’lung ah ng’düi law netahBawipa Jesuh-am, “Ngami naw ng’thu nikbün ne ning huttaap ne ami kyak cu, a i ah phi kä nam hlan tuba gui ci ma?” cine ng’shik ci. 61Cun ung phi Bawipa Jesuh cu m’kha ät ah phi ng’thu kä pyein ne a düm hta ah om ci. Taigütung naw, “Nang cu yeikyai nak ah Khanpughi ah Htapa Messiah ah na kyak ci ma?” cine ng’shi ba mä ci.
62 Bawipa Jesuh naw, “Kei cu acun nei, nangmi naw chang ah Htapa cu a hlüngtai säih ah Bawimang ah k’pat lam ah ngoh sei phi bäi, khomei ung cun ne kyum law ba sei phi bäi, nami hmu lawk khai nei” cine kyak nak ci. 63Cun kawn ah taigütung cu ayih sui a kut awn shum netah, “Mikmi naw saksi mi shui baksai vai kä hlü ci. 64Kat nak awn ang thu cu nami ng’ya pyi ci, nangmi naw a i ah phupit ne nami k’bäi khai ang?” cine ng’shi gui ci.
Cun ah chang gui ami van naw, “Akat nak dang ci kyasei, sih nak peit vai ah khin ci nei” ci ne m’lau ci gui.
65Chang amshah gui naw Bawipa Jesuh cu ami m’shi awn m’thui ci gui. A hmai uk ne tuthat u netah, “A u ning tuthat ci ang pyein shüm ä” cine kyak nak ci gui. Taigütung ngäng ciah gakap gui naw a hmai cu k’beeih ci gui.
Peter naw Bawipa Jesuh Mak ci
(Mt 26:69-75; Lk 22:56-62; Jn 18:15-18, 25-27)
66Peter cu im cham kyong ah a om yah ung, taigütung ah a shäm hnumi hta cu gawk lawk ci. 67Peter mei awm ne a ngoh tu cu ani naw hmu netah kheing ne, “Nang phi Nasaret Jesuh ah chang ah na kyak ci” cine kyak nak ci. 68Peter naw, “Nang naw na pyein cu kei naw kä ka k’shing ci, hmat ah phi kä ka hmat ci,” cine ma ne pyein ci. Cun kawn ani cu im cham ah m’kawt pei lam ah hteit ci. Acun yah ung ai khong law htük ci. 69Ami shäm ah hnumi hta naw Peter cu hmu ba mä netah, a pei ah ng’düi ci gui-am, “Shin ah chang cu ngami ah ami paw nei” cine kya ba mä ci.
70Peter naw, “Kaa nei” cine ma ba mä ci.
Shou hta shang khätah cun ung düi ci gui naw Peter-am, “Nang cu Kalile chang ah na kyak ci, ngami ah ning paw nei, kä na ma hlawt khai nei” cine kyak nak ci gui.
71Cun ung phi Peter naw, “Akcang ka pyein nei, nangmi ah pyein ah chang cu kä hmat ci nei, Khanpughi naw phi hmat sä” cine ma ba mä ci.
72Cun yah ung ai ak hnih vei nak ah khong ba ci. Cun ah kia khätah, “Ai hnih vai kä a khon pha ung, nang naw kei cu kä na nak shing ciah pyein ne, thum vei na na mak khai nei” cine Bawipa Jesuh a pyein te ah ng’thu cu shüm law ba netah Peter cu ang htei ah thüi ne kyap ci.
المحددات الحالية:
MAKUH 14: CBC
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Cho Bible Common Language © Bible Society of Myanmar, 2016.
MAKUH 14
14
Bawipa Jesuh Ngawn Vai ah Ami Pawng Püi Nak
(Mt 26:1-5; Lk 22:1-2; Jn 11:45-53)
1Phyawn nak pawi la k’caw kä shum ne m’htut den nak ah pawi a gawk law nak vai hnüüp goi m’hni ba khätah, taigüpa gui la thukhän saya gui cu Bawipa Jesuh adüm ah pha ne ngawn nak vai ah lam shui ci gui. 2Ngami naw, “Chang gu thüngphyong ne ami kyak law vai ah ng’ä ah kyasei pawi ah ak kyong ung kä nami pha vai” cine m’cäi gui ci gui.
Bethani ah Bawipa Jesuh ah Lu Tui Ng’ui awn Ami Shawi ah Mawng
(Mt 26:6-13; Jn 12:1-8)
3 Bawipa Jesuh cu Bethani pigaw ah khei-lei ung gaw man-te ciah Simon ah im ah kai ne om tuk ci. Ani ei a ei tu yah ung hnumi hta tumat naw, ang htei ah a phu küi ciah Naduh tui ng’ui cu k’doulung tui-um ung law püi netah, acun ah tui-um cu shu yauh ne, cun ah tui ng’ui awn Bawipa Jesuh ah lu cu shawi ci.
4Chang amshah gui cu m’lungshe u ne, “A i ah kyasei tui ng’ui cu akholä ah a plawh-m’htah ang? 5Shin ah tui ng’ui cu ngui pit thum ah yoi ne, ghawi pyam ci gui-am peit gui vai ah kha te ci nei” cine ami mät gui ng’htau u ne, cun ah hnumi cu m’kat ci gui.
6 Bawipa Jesuh naw, “Cän ah hnumi naw amät ah m’hni ah bi bi sä, a i ah kyasei nami tüihtok ang? Ani ah bi cu kei ah phäh ah ang htei ah nik ci nei. 7Ghawi pyam ciah chang gui cu nangmi awn angtäi ah a täng ah nami om ci. Nangmi naw nami ng’yak hlü päng ung nami m’htei gui hning ci. Kei läi cu nangmi awn angtäi ah kä ka om khai. 8Shin ah hnumi naw amät ah m’khüt nak bäät awn kei cu nam htei ci nei. Kei ah ka gook cu m’cim vai ah ng’dawt ne tui ng’ui awn shawi pyi ci nei. 9Kei naw akcang ka pyein cu, Thu Ni ng’shäu nak ah kho nüng ah shin ah hnumi cu chang naw a shüm vai ah, ani ah bilawh cu pyein sak khai gui nei” cine pyen na gui ci.
Bawipa Jesuh cu Judas Naw Ap Gui Khai ah Yum Ci
(Mt 26:14-16; Lk 22:3-6)
10Ang düihpüi gha-lei-goi ungka ah kyak ciah Judas Iskariot cu Bawipa Jesuh ami kut ung ap gui khai ah taigüpa gui ah om nak ah hteit ci. 11Cun ah chang gui naw Judas a law ah mawng cu ng’ya u netah, ang htei ah yeikyai u ne, ani-am ngui pek khai gui ah ng’thu khän ci gui. Cun ah kyasei Judas naw, Bawipa Jesuh cu ga gui ah kut ung a ap nak gui vai ah lam cu ngaih-tüh ne shui ci.
Bawipa Jesuh naw Ang Düihpüi gui-am Phyawn nak Mü-ei Ei Püi Gui Ci
(Mt 26:17-25; Lk 22:7-14, 21-23; Jn 13:21-30)
12Phyawn nak Htome hta cu ngawn ne k’caw kä shum ah m’htut den nak ah pawi tün htük hnüüp ung, ang düihpüi gui naw, Bawipa Jesuh-am, “Nang Bawipa ah hmawk ah phiawn nak mü-ei cu a hawi ang kami pian kaw?” cine ng’shik ci gui.
13 Bawipa Jesuh naw ang düihpüi pahnih-am, “Nangni pigaw kyong ah nami hteh vai, a cu ah tui khlüng kawt ne ana lawk ciah chang tumat cu nami hmuk khai, acun ah chang cu a hnu ah nami läk vai. 14Ani ah luh nak ba ah im ah hteit tu ni netah, im-ah-am, “Bawipa naw, ‘Kei la kang düihpüi gui naw phiawn nak mü-ei ei nak vai ah kyong khui a hawi ang? cine nang ng’shi sak gui ci’ cine nani pyein vai. 15Ani naw a khan kyong khui cu ning mihmuh goi khai, acun ung a päng küm be khai nei,” cine m’cäi goi ci.
16Ang düihpüi goi pahnih cu pigaw kyong ah hteit ni ne, Bawipa Jesuh naw am cäi goi ah mäih ah a päng cu hmu ni netah, phiawn nak mü-ei ei vai cu pyang m’tham ci goi.
17Khomü hun law khätah Bawipa Jesuh cu ang düihpüi gha-lei-goi awn a täng ah, gawk lawk ci gui. 18Ngami cu a täng ah vun vai ne ami ei yah ung Bawipa Jesuh naw, “Kei naw akcang ka pyein cu, tuhbäi a täng ah vun ne mi ei ciah nangmi ungka chang tumat naw, kei cu ga ah kut ung na ap khai nei” cine pyen na gui ci.
19Ang düihpüi gui cu ami m’lung thüi yawp khätah, “Cun cu kei na na pyein ah kä kyak ci ang?” cine ami van naw ng’shi lawk ci gui.
20 Bawipa Jesuh naw, “Cun ah chang cu kang düihpüi gha-lei-goi ungka ah kyak ci. Kei ah ka ei nak ah k’bei ung phyom ne ei tuk ciah kyak ci. 21Cacim ung om ciah mäih ah chang ah Htapa cu sik khai, cun ung phi chang ah Htapa ap ciah chang cu ang htei ah thüi sei nak om ci. A ni cu kä ang tüi tu ge vai sü ung ani ah hmawk ah bä pi khai süte” cine pyein ci.
Bawipa ah Mü-ei
(Mt 26:26-30; Lk 22:14-20; 1Kor 11:23-25)
22 Bawipa Jesuh la ang düihpüi gui cu mü-ei ami ei yah ung, Bawipa Jesuh naw m’htut cu la netah Khanpughi m’hlüngtai ne taigü ci. Cun kawn ah m’htut cu k’bou ne, “Shin ah m’htut cu kei ah ka pumsa ah kyak ci, la ne nami ei vai” cine ang düihpüi gui-am tei gui ci.
23Cun kawn ah khap cun phi la ne Khanpughi m’hlüngtai netah, ang düihpüi gui-am tei gui sei, ngami ami van naw awk ci gui. 24Bawipa Jesuh naw, “Shin ah khap cu Chang akda ah hmawk ah kei, naw ka huk ah ka si, Khanpughi naw ang thukhän am hnüt nak ah ka si, ah kyak ci. 25Kei naw ka ning m’thein gui cu, Khanpughi ah kho ung sapyit tui awk nak ah kho hnüüp kä a gawk law pha ah chuih, cän kawn ah kei cu sapyit tui kä ka aw tu ba khai” cine ang düihpüi gui-am pyen na gui ci.
26Cun kawn ah Bawipa Jesuh la ang düihpüi gui cu, m’hlüngtai nak ng’äi m’cu u ne Olive khomhtung lam ah hteit ci gui.
Bawipa Jesuh Naw Peter naw Amaa Vai ah Mawng Ng’dawt ne Pyein ci
(Mt 26:31-35; Lk 22:31-34; Jn 13:36-38)
27 Bawipa Jesuh naw, “Nangmi nami van cu kei na nawng ne nami dawng yawp khai nei, a i ah kyasei ci ung cacim ung, ‘Khanpughi naw hto shäm cu ngawn khätah, hto gui cu püipiang yawp khai gui nei” ciah om ci. 28Cun ung phi kei cu sih nak ungka tho ba ne, Kalile kho ah ma ne ka na hteit khai nei,” cine ang düihpüghi gui-am kyak na gui ci. 29Peter naw, “A hei gui ami van naw ami ning nawng ung phi, kei naw kä ka ning nawng khai nei” cine pyein ci.
30 Bawipa Jesuh naw Peter-am, “Kei naw akcang ka pyein cu, tuhmü ai kä a khon pha ung, nang naw kei cu, ‘Ani kä ka hmat ci nei’ cine na na mak khai nei” cine pyen nak ci.
31Cun ung phi Peter naw, “Kei cu nang Bawipa awn a täng ah ka sih tu vai ung phi, nang kä ka ning hmat ciah kyein ne, kä ka ning mak khai nei” ci ne ak thuuk ah pyein ci.
A hei ang düihpüi gui cun phi acun ah mäih ah pyein tu yawp ci gui.
Ketsemane ah Bawipa Jesuh Taigü ci
(Mt 26:36-46; Lk 22:39-46)
32 Bawipa Jesuh la ang düihpüi gui cu, Ketsemane kho hmun ah gawk law u netah, Bawipa Jesuh naw, “Kei ka taigü yah ung shin ung ana ngo vä” cine m’cäi gui ci. 33Cun kawn ah Peter, James la Johan ni gui cu, a hteh nak ah khah püi gui ci. Bawipa Jesuh cu ang htei ah yaica ng’ä ng’ai netah, 34“Kei cu kam lung kyong na aih khai ah ka yaica ci. Nangmi naw shin ung ngaih na ne nami na gin vai nei” cine ang düihpüi thum gui cu m’cäi gui shüt ci.
35 Bawipa Jesuh cu cun ungka api vang nawn ne, m’dek ung m’khukdong netah, 36“Kapa Khanpughi, nang cu angtäi avan nam khüt hning ci kiasei, shin ah yaica nak ah khap cu na phiawn ah sak ä. Cun ung phi kei ah ng’yak hlü ah kä kia-en ne, na mät ah ng’yak hlü ah kya sä” ci ne ani naw a bui awt law vai ah yaica nak cu, bä khai a kyak ung a phiawn nak hning vai ah taigü ci.
37Cun kawn ah Bawipa Jesuh cu ng’hlat law ba netah, ang düihpüi gui thum cu ip u sei hmu gui ci. Cun ah kya sei Bawipa Jesuh naw, Peter-am, “Simon, na ip ci ma? Nayi khat hta bäng ah kyong hngaw ung kä ih ah kä na om hlawt ci ma?” cine pyen nak ci. 38Cun kawn ah Bawipa Jesuh naw, “Nangmi naw tüihtok nak nami phiawn nak vai ah taigü ne ana ging vä, mümcha naw ng’ya hlü sei phi, pumsa thagui kä om ci nei” ci ne pyen na gui ci.
39Cun kawn ah Bawipa Jesuh cu hteit ba ne acun ah mäih ah taigü ba mä ci. 40Taigü yawp ne law ba sei ang düihpüi thum gui cu, a cun bä ah ana ip ba u sei hmu gui ci. Ngami cu käm dei law hlawt ne ngam u netah, Bawipa Jesuh ah ma ah a i ami pyein vai kä hmat ci gui.
41 Bawipa Jesuh cu ak thum vei nak ah taigü ne law ba netah, “Nangmi cu tuhgüt ip ne, ng’te ne, nami om ci ma? Bä khai nei, akhin gawk lawk ci nei, chang ah Htapa cu changshe gui ah kut ung ap lawk khai gui nei. 42Law vä, mi hteit kaw, ga ah kut ung kei na ap khai ah chang cu gawk law pyi ci nei” cine pyen na gui ci.
Bawipa Jesuh Ami Phaa ah Mawng
(Mt 26:47-56; Lk 22:47-53; Jn 18:3-12)
43Cun ah Bawipa Jesuh naw ng’thu a pyein yah ung ang düihpüi chang gha-lei-goi ungka Judas cu gawk lawk ci. Ani awn a täng ah khim ni, htung tawn ni kawt ci gui ah, chang akda cu law tuk ci gui. Cun gui cu taigü pa gui, thukhän saya gui la Jew chang vai gui ah tüih law gui cu ah kyak ci. 44Bawipa Jesuh cu ga ah kut ung ap khai ah chang naw, “Kei naw kang ui ah chang cu Jesuh ah kyak ci nei. Ani cu pha netah ngäng ne shäm ne hteh püi vä” cine ngami cu a nüt gui shüt ah kyak ci.
45Judas cu a gawk law vai-am Bawipa Jesuh ah pei ah law netah, “Ka Bawipa, cine Bawipa Jesuh cu ng’ui ci. 46Acun vai-am chang gui naw Bawipa Jesuh cu pha ne k’pang ci gui. 47Cun yah ung a pei ah ng’düi ciah chang tumat naw, ak khim phawng ne taigüpa ah ak changshäm cu tuh sei, ak hnga vang täng hlang ci. 48Bawipa Jesuh naw, “Nangmi cu m’guk ei pha ah mäih ah kei nami na phak khai ah khim la htung tawn gui khawt ne nami lawk ci ma? 49Kei cu ak hnüüp tä sei nami ma ge ung pum im ah m’theithang gui ne ka om ci. Cun yah ung nangmi naw kä nami na phak ci. Cun ung phi cacim cu akcang ah küm khai nei” ci ne kiak na gui ci.
50Cun yah ung ang düihpüi gui cu Bawipa Jesuh nawng shüt ne püi ne dawng yawp ci gui.
51Zih lang hta ng’vai ciah ak hmaw chang tumat cu Bawipa Jesuh ah hnu ah läk lawk ci. Chang gui naw ani cu pha hlü u khätah, 52ani cu a yih ng’vai nawng shüt ne ak plui ah dawng ne maih ci.
Kawngsi Yung ah Bawipa Jesuh cu Cet ne Ng’shik Ci gui
(Mt 26:57-68; Lk 22:54-55, 63-71; Jn 18:13-14, 19-24)
53Ngami naw Bawipa Jesuh cu Taigütung ah im ah hteh püi ci gui. Taigüpa gui, Jew chang ng’vai gui la thukhän saya gui cu a cun ah im ah ng’cut lawk ci gui. 54Peter cu ng’shawng pipi ne taigütung ah im cham kyong ah khüt ne, Bawipa Jesuh cu läk lawk ci. Ani cu taigütung ah a gakap gui awn a täng ah mei awm ne ngo tuk ci. 55Taigüpa gui la kawngsi yung bawi gui naw Bawipa Jesuh ngawn nak hning ah katnak saksi cu k’tha na ne shui ne phi kä hmuk ci gui. 56Acun ah mawng ung chang akda naw ami hleei pyein ne saksi ci gui. Cun ung phi ngami ah saksi gui cu a hei ah kyak ci.
57Chang amshah gui naw ng’düi law ne huttaap ne ng’thu ami pyein cu, 58“Chang ah kut awn cawh ah shin ah pum im cu kei naw ka plawh khai, cun kawn ak hnüüp thum hnüüp ung chang ah kut awn kä cawh ah pum im cu kei naw ka co khai” cine a pyein cu kami mät naw 59kami ng’yak ci nei,” ciah mäih gui pyein ne hleehlak ci gui. Cun ung phi cun ah ami pyein gui cu kä kawng ät ci.
60Taigütung naw chang gui ah ng’lung ah ng’düi law netahBawipa Jesuh-am, “Ngami naw ng’thu nikbün ne ning huttaap ne ami kyak cu, a i ah phi kä nam hlan tuba gui ci ma?” cine ng’shik ci. 61Cun ung phi Bawipa Jesuh cu m’kha ät ah phi ng’thu kä pyein ne a düm hta ah om ci. Taigütung naw, “Nang cu yeikyai nak ah Khanpughi ah Htapa Messiah ah na kyak ci ma?” cine ng’shi ba mä ci.
62 Bawipa Jesuh naw, “Kei cu acun nei, nangmi naw chang ah Htapa cu a hlüngtai säih ah Bawimang ah k’pat lam ah ngoh sei phi bäi, khomei ung cun ne kyum law ba sei phi bäi, nami hmu lawk khai nei” cine kyak nak ci. 63Cun kawn ah taigütung cu ayih sui a kut awn shum netah, “Mikmi naw saksi mi shui baksai vai kä hlü ci. 64Kat nak awn ang thu cu nami ng’ya pyi ci, nangmi naw a i ah phupit ne nami k’bäi khai ang?” cine ng’shi gui ci.
Cun ah chang gui ami van naw, “Akat nak dang ci kyasei, sih nak peit vai ah khin ci nei” ci ne m’lau ci gui.
65Chang amshah gui naw Bawipa Jesuh cu ami m’shi awn m’thui ci gui. A hmai uk ne tuthat u netah, “A u ning tuthat ci ang pyein shüm ä” cine kyak nak ci gui. Taigütung ngäng ciah gakap gui naw a hmai cu k’beeih ci gui.
Peter naw Bawipa Jesuh Mak ci
(Mt 26:69-75; Lk 22:56-62; Jn 18:15-18, 25-27)
66Peter cu im cham kyong ah a om yah ung, taigütung ah a shäm hnumi hta cu gawk lawk ci. 67Peter mei awm ne a ngoh tu cu ani naw hmu netah kheing ne, “Nang phi Nasaret Jesuh ah chang ah na kyak ci” cine kyak nak ci. 68Peter naw, “Nang naw na pyein cu kei naw kä ka k’shing ci, hmat ah phi kä ka hmat ci,” cine ma ne pyein ci. Cun kawn ani cu im cham ah m’kawt pei lam ah hteit ci. Acun yah ung ai khong law htük ci. 69Ami shäm ah hnumi hta naw Peter cu hmu ba mä netah, a pei ah ng’düi ci gui-am, “Shin ah chang cu ngami ah ami paw nei” cine kya ba mä ci.
70Peter naw, “Kaa nei” cine ma ba mä ci.
Shou hta shang khätah cun ung düi ci gui naw Peter-am, “Nang cu Kalile chang ah na kyak ci, ngami ah ning paw nei, kä na ma hlawt khai nei” cine kyak nak ci gui.
71Cun ung phi Peter naw, “Akcang ka pyein nei, nangmi ah pyein ah chang cu kä hmat ci nei, Khanpughi naw phi hmat sä” cine ma ba mä ci.
72Cun yah ung ai ak hnih vei nak ah khong ba ci. Cun ah kia khätah, “Ai hnih vai kä a khon pha ung, nang naw kei cu kä na nak shing ciah pyein ne, thum vei na na mak khai nei” cine Bawipa Jesuh a pyein te ah ng’thu cu shüm law ba netah Peter cu ang htei ah thüi ne kyap ci.
المحددات الحالية:
:
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Cho Bible Common Language © Bible Society of Myanmar, 2016.