KUPUTUKA 11
11
Kapoxi kakuMbavele
1Jino vaka-mavu vosena vapwile nalilimi limwe namazu amwe.
2Kaha casolokele, omu vapwile nakutambuka kumusamuko, vawanyine cana mulifuci Xinale, vatwamine kuze.
3Kaha valyambile ngwavo, Twatuyenu, tutengenu tumenga, tuvocenu vakwoca. Vapwile natumenga vakutenga nge malolwa, kaha vapwile namalova elava kuwatenga nge ndambo.
4Valyambile ngwavo, Twatuyenu, tulitungilenu limbo, nakapoxi, songo yako yikahete nakwilu. Kaha tulivwasanenu lijina, kucina natukamwangala kwilu lyamavu kwosena.
5Yehova afumine kwilu nakwiza nakutala limbo nakapoxi vapwile nakutunga vana vavatu.
6Yehova alyambile ngwenyi, Tala, vatu vanapu vamwe, kaha vosena vali nalilimi limwe. Eci vene vanaputuka kulinga, kaha jino kavexi kukava-kanda cuma nacimwe pimbi navajina kulingako.
7Twatuyenu, tusulukenu, tuluwa-nganyisenu lilimi lyavo, mangana mutu himutu ahone kwivwa lilimi lyamukwavo.
8Ngoco Yehova avafumixile kuze nakuvamwanga kwilu lyamavu kwosena. Ngoco valitwaminyine kutunga limbo lize.
9Xikaho valukile lijina lyalyo ngwavo, #11.9:MuuHepeleu mazu awa analifwane.Mbavele, mwomwo Yehova #11.9:MuuHepeleu mazu awa analifwane.aluwanganyixile lilimi lyavaka-mavu vosena kuze, kaha hakuvafumisa kuze Yehova avamwangile kwilu lyamavu kwosena.
Vaka-tanga yaXeme
(Miji. 1, 1.24-27)
10Eci cikiko kusemunwina caXeme. Xeme apwile nalikulukaji lyamyaka, numba aseme Alapakasate, omu mwalingile munahici lyehi myaka yivali kufumisa kulivaji.
11Jino omu alingile hanaseme lyehi Alapakasate, Xeme ayoyele myaka yikwavo makulukaji atanu, kaha asemene vana vamalunga navava vamapwevo.
12Alapakasate ayoyele myaka makumi atatu namyaka yitanu, numba aseme Xela.
13Jino omu alingile hanaseme lyehi Xela, Alapakasate ayoyele myaka yikwavo makulukaji awana namyaka yitatu, kaha asemene vana vamalunga navava vamapwevo.
14Xela ayoyele myaka makumi atatu, numba aseme Evele.
15Jino omu alingile hanaseme lyehi Evele, Xela ayoyele myaka yikwavo makulukaji awana namyaka yitatu, kaha asemene vana vamalunga navava vamapwevo.
16Evele ayoyele myaka makumi atatu namyaka yiwana, numba aseme Pelenge.
17Jino omu alingile hanaseme lyehi Pelenge, Evele ayoyele myaka yikwavo makulukaji awana namakumi atatu, kaha asemene vana vamalunga navava vamapwevo.
18Pelenge ayoyele myaka makumi atatu, numba aseme Leu.
19Jino omu alingile hanaseme lyehi Leu, Pelenge ayoyele myaka yikwavo makulukaji avali namyaka yitanu nayiwana, kaha asemene vana vamalunga navava vamapwevo.
20Leu ayoyele myaka makumi atatu namyaka yivali, numba aseme Sehinge.
21Jino omu alingile hanaseme lyehi Selunge, Leu ayoyele myaka yikwavo makulukaji avali namyaka yitanu nayivali, kaha asemene vana vamalunga navava vamapwevo.
22Selunge ayoyele myaka makumi atatu, numba aseme Nahole.
23Jino omu alingile hanaseme lyehi Nahole, Selunge ayoyele myaka yikwavo makulukaji avali, kaha asemene vana vamalunga navava vamapwevo.
24Nahole ayoyele myaka makumi avali namyaka yitanu nayiwana, numba aseme Tela.
25Jino omu alingile hanaseme lyehi Tela, Nahole ayoyele myaka yikwavo likulukaji nalikumi namyaka yitanu nayiwana, kaha asemene vana vamalunga navava vamapwevo.
26Tela ayoyele myaka makumi atanu naavali, numba aseme Apalama, naNahole, naHalane.
Vaka-tanga yaTela
27Eci cikiko kusemunwina caTela. Tela asemene Apalama, naNahole, naHalane, kaha Halane asemene Lote.
28Halane alivangile kufwa Ximbu apwile ise Tela kanda afwe, mulifuci lize vasemukilile, muUle, mulifuci lyavaKalateya.
29Apalama naNahole vambacile mapwevo javo. Lijina lyapwevo lyaApalama apwile ikiye Salai. Lijina lyapwevo lyaNahole apwile ikiye Milika, mwanaHalane, ou Halane ise yaMilika namukwavo Ixika.
30Oloze Salai apwile mumba, hapwile namwanako.
31Kaha Tela ayile namwanenyi Apalama, naLote mwanaHalane, muzukulyenyi, nanayewenu Salai, pwevo lyamwanenyi Apalama. Vakatukile kuUle kulifuci lyavaKalateya, mangana vakaye kulifuci lyaKanane. Vahetele kuHalane, kaha vatwamine kuze.
32Makumbi aTela ahetele mumyaka makulukaji avali namyaka yitanu, kaha Tela afwile kuHalane.
Kalunga mwasanyika Apalama
المحددات الحالية:
KUPUTUKA 11: LUE70
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Luvale Bible © Bible Society of Zambia, 1970.
KUPUTUKA 11
11
Kapoxi kakuMbavele
1Jino vaka-mavu vosena vapwile nalilimi limwe namazu amwe.
2Kaha casolokele, omu vapwile nakutambuka kumusamuko, vawanyine cana mulifuci Xinale, vatwamine kuze.
3Kaha valyambile ngwavo, Twatuyenu, tutengenu tumenga, tuvocenu vakwoca. Vapwile natumenga vakutenga nge malolwa, kaha vapwile namalova elava kuwatenga nge ndambo.
4Valyambile ngwavo, Twatuyenu, tulitungilenu limbo, nakapoxi, songo yako yikahete nakwilu. Kaha tulivwasanenu lijina, kucina natukamwangala kwilu lyamavu kwosena.
5Yehova afumine kwilu nakwiza nakutala limbo nakapoxi vapwile nakutunga vana vavatu.
6Yehova alyambile ngwenyi, Tala, vatu vanapu vamwe, kaha vosena vali nalilimi limwe. Eci vene vanaputuka kulinga, kaha jino kavexi kukava-kanda cuma nacimwe pimbi navajina kulingako.
7Twatuyenu, tusulukenu, tuluwa-nganyisenu lilimi lyavo, mangana mutu himutu ahone kwivwa lilimi lyamukwavo.
8Ngoco Yehova avafumixile kuze nakuvamwanga kwilu lyamavu kwosena. Ngoco valitwaminyine kutunga limbo lize.
9Xikaho valukile lijina lyalyo ngwavo, #11.9:MuuHepeleu mazu awa analifwane.Mbavele, mwomwo Yehova #11.9:MuuHepeleu mazu awa analifwane.aluwanganyixile lilimi lyavaka-mavu vosena kuze, kaha hakuvafumisa kuze Yehova avamwangile kwilu lyamavu kwosena.
Vaka-tanga yaXeme
(Miji. 1, 1.24-27)
10Eci cikiko kusemunwina caXeme. Xeme apwile nalikulukaji lyamyaka, numba aseme Alapakasate, omu mwalingile munahici lyehi myaka yivali kufumisa kulivaji.
11Jino omu alingile hanaseme lyehi Alapakasate, Xeme ayoyele myaka yikwavo makulukaji atanu, kaha asemene vana vamalunga navava vamapwevo.
12Alapakasate ayoyele myaka makumi atatu namyaka yitanu, numba aseme Xela.
13Jino omu alingile hanaseme lyehi Xela, Alapakasate ayoyele myaka yikwavo makulukaji awana namyaka yitatu, kaha asemene vana vamalunga navava vamapwevo.
14Xela ayoyele myaka makumi atatu, numba aseme Evele.
15Jino omu alingile hanaseme lyehi Evele, Xela ayoyele myaka yikwavo makulukaji awana namyaka yitatu, kaha asemene vana vamalunga navava vamapwevo.
16Evele ayoyele myaka makumi atatu namyaka yiwana, numba aseme Pelenge.
17Jino omu alingile hanaseme lyehi Pelenge, Evele ayoyele myaka yikwavo makulukaji awana namakumi atatu, kaha asemene vana vamalunga navava vamapwevo.
18Pelenge ayoyele myaka makumi atatu, numba aseme Leu.
19Jino omu alingile hanaseme lyehi Leu, Pelenge ayoyele myaka yikwavo makulukaji avali namyaka yitanu nayiwana, kaha asemene vana vamalunga navava vamapwevo.
20Leu ayoyele myaka makumi atatu namyaka yivali, numba aseme Sehinge.
21Jino omu alingile hanaseme lyehi Selunge, Leu ayoyele myaka yikwavo makulukaji avali namyaka yitanu nayivali, kaha asemene vana vamalunga navava vamapwevo.
22Selunge ayoyele myaka makumi atatu, numba aseme Nahole.
23Jino omu alingile hanaseme lyehi Nahole, Selunge ayoyele myaka yikwavo makulukaji avali, kaha asemene vana vamalunga navava vamapwevo.
24Nahole ayoyele myaka makumi avali namyaka yitanu nayiwana, numba aseme Tela.
25Jino omu alingile hanaseme lyehi Tela, Nahole ayoyele myaka yikwavo likulukaji nalikumi namyaka yitanu nayiwana, kaha asemene vana vamalunga navava vamapwevo.
26Tela ayoyele myaka makumi atanu naavali, numba aseme Apalama, naNahole, naHalane.
Vaka-tanga yaTela
27Eci cikiko kusemunwina caTela. Tela asemene Apalama, naNahole, naHalane, kaha Halane asemene Lote.
28Halane alivangile kufwa Ximbu apwile ise Tela kanda afwe, mulifuci lize vasemukilile, muUle, mulifuci lyavaKalateya.
29Apalama naNahole vambacile mapwevo javo. Lijina lyapwevo lyaApalama apwile ikiye Salai. Lijina lyapwevo lyaNahole apwile ikiye Milika, mwanaHalane, ou Halane ise yaMilika namukwavo Ixika.
30Oloze Salai apwile mumba, hapwile namwanako.
31Kaha Tela ayile namwanenyi Apalama, naLote mwanaHalane, muzukulyenyi, nanayewenu Salai, pwevo lyamwanenyi Apalama. Vakatukile kuUle kulifuci lyavaKalateya, mangana vakaye kulifuci lyaKanane. Vahetele kuHalane, kaha vatwamine kuze.
32Makumbi aTela ahetele mumyaka makulukaji avali namyaka yitanu, kaha Tela afwile kuHalane.
Kalunga mwasanyika Apalama
المحددات الحالية:
:
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Luvale Bible © Bible Society of Zambia, 1970.