Matt. 8
8
Jisü no Apügha Kupumi Lakhi Shipivi
1Kughou Jisü no naghuto küdau no iqighi keno timi kutomo no pa papesü ighi. 2Ikelo apügha kupumi lakhi#8:2 Greek tsa pebide keu lo alhoaye lono apügha ipi peitha keu ye aküsǜ jeli khikhi ayiko shipüsave cheni keno tipaqo pesü pi cheni. no ighi püzü pa zülo qhoqhünhe no pi, “Ampeu, nono pulo aghí aye, no ye I shipivive tsülu nanie.”
3Jisü no pa u chhopuwo timi tipau bu no ishi pi, “Ni ye pulo anie, viluvelo.” Paikhavi no timi tipau ye apügha küsǜ lono viluve. 4Tisheno Jisü no pa vilo pi, “No ye timi khuu vilomu pi kevilo. Ikemu achinemiqo lau kimichikütsü shi wu no panongu pìyelo eno Moses no azah tsüpüa keu toi akümlagho pesü mülá lo.”
Aqhe Shou Zatsüu Küpülü
5Kughou Jisü no Capernaum lo ighi keno, aqhe shou zatsüu lakhi no pa lau akukuphu khu ighi. 6Pa no Jisü vilo pi, “Ampeu, I qeu ye aphi ithamlave no ighono ichhe-ime aki lo ihozü anie.”
7Jisü no pa vilo pi, “I no ighino pa shipivive tsüní keshea?”
8Aqhe shou zatsüu no khochile, “Ampeu, O pelo I ki sheqho lo iloghi penike aküzüpu kumoe. Ikemu nono azah tsüve aye I qeu ye viluve nanie. 9Kughengu ni ghí kükagha qholo ani eno I qhou ghüshimiqo anie. I no ghüshimi lakhi vilo, ‘wulo,’ ipi aye pa no wucheni; eno I no, ‘Ighilo,’ ipi aye pa no ighi cheni. I no I qeu vilo, ‘Hipau shilo,’ ipi aye pa no shi cheni.”
10Kughou Jisü no hi chilu keno pa ye akichiqhive eno pa pape chekemiqo vilo pi, “Kuchou no I no nongu vilo pìní, ni ye Israel lo aküpülü kuloghi hitoi kemi lakhimu phu müla aphie. 11I no nongu vilo pìní, kipelau eno kulolau no timi kutomo ighi nani, eno panongu no kungugha kükaphu lo Abraham, Isaac eno Jacob noqo gholo iqa no aghulhu shi nani. 12Ikemu akükaphu lo anani ipi chekeqo ye khalau zümoi keu lo vepheve nani. Tilehi qanimlo eno ahu tsüghü-bubushi keu anani.”
13Tisheno Jisü no aqhe shou zatsüu vilo pi, “Wolo, nono pülü ake toi tishiluve peniu.” Ikelo pa qeu ye tipau süchedo lono shipiviluve.
Jisü no Timi Kutomo Shipivi
14Kughou Jisü no Peter ki lo iloghi keno, Peter pani ye aghamiki püzü alipa lo ihozü aghí keu pa no ithulu. 15Jisü no li u bu kelo ye li phi lono aghakimiki kühave, eno li no paikhavi ithuve püzü achuqupu kutò pe pa tsüe.
16Kughou avela shive keno, tüghaküsa no tsügha pesü akemi kutomo Jisü lau saighi, ikehu pa no pa tsa vechewo tüghaküsa ghawuqo hapheve tsü eno küsükinimi kümtsü shipivi tsü. 17Hi kümtsü shikeu ye Isaiah tungkupuu no pipüa keu shikupu niye ke:
“Pa no ningu kutokumoqo puluve tsü
eno ninguw küsükiniqo puqheluve tsüe.”#8:17 Isa 53:4
Jisü Pape Nikeu Mekusho
18Kughou timi aqokitikhi no pa sühope akeu Jisü no ithulu keno, pa no ayizükucho hukuku küdau wuni keu azah shie. 19Tipathiu ayeza kükütsümi lakhi no Jisü lau ighino pi, “Akükütsüu, nono khila wuni keno ni ghí O papesü wunie.”
20Jisü no khochile, “Aghalotsüqo ye ngo kepu tuki ani eno aghauqo ye apüsü anie, ikemu Timi Nu ye pa kütsü mükhü kepu-a ghí kühae.”
21Akhopemi lakhiu no Jisü vilo pi, “Ampeu, I pelo wu no I pù kumo shiqhove paghi pelo.”
22Ikemu Jisü no pa vilo pi, “I papelo, kithimi pelo kithimi kumo shiqho apelo.”
Jisü no Pasapagha Haküqüsü
23Tipathiu Jisü no ashuka lo iku eno pa khopemiqo no pa papesü ighi. 24Zülile no pasapagha lakhi azüghi shou muqhumüzasü ighi, ikelo azü fukucho pesü ashuka küzüpholuve kepu toive. Ikemu Jisü ye züae. 25Akhopemiqo no wu no Jisü küdaputhu ghi ishi pi, “Ampeu, ningu xalulo! Ningu ye azü no yimive niye shivae!”
26Jisü no khochile, “Nongu aküpülü kitila likhi akeqo, nongu ye kushiye ighono msà ani kea?” Tisheno pa no idaithughi püzü amlhü eno azü fukucho lomipi, ikelo shishe iqünheive.
27Timiqo ye akümzave no ishi iniju, “Hiye kiutoi keu timi kea? Amlhü eno azü fukucho kutólo pa gholu anie!”
Jisü no Tüghaküsa no Tsügha Pesü Akemi Kini Shipivi Tsü
28Kughou Jisü no azüghi tüxau Gadarenes#8:28 Kaku khami lo ye Gergesenes eno itaghi kütauqo lo ye Gerasenes ipi püani ko-aqha lo ighi keno, tüghaküsa no aphi lo ilove kemi kini akumoki lono ipeghino pa sasü kushoe. Pama ye ighono ayiküsa kehu timi khumu tipau là hechesü wumla no ache. 29Pama no ighamuku pi, “Alhou Nu, no ye nikujo lau no kiu avehupu shi ani kea? No ye ado püghüpüa keu tomphi züu no nikujo ghimeqhi niye hilau ighi ani keshea?”
30Pama no ngo akeu-a lono kushuwa kumo lo awo aloji kijè lakhi nguchu ae. 31Tüghaküsaqo no ishi Jisü qhüiniju, “Nono ningu haphe kepu shi aghí aye, awo loji gholo ningu puwu tsülo.”
32Jisü no panongu vilo pi, “Wuvelo!” Ike panongu no ipeghive no awoqo phi lo ilove, eno awo lojiqo kümtsü atuxu lo kohakive iqive no ayizükucho lo ilove püzü pütsüqhive. 33Awo khemiqo no pove püzü mishiphu lo ilo no thowkha kümtsü pesü pi eno tüghaküsa aphi lo ilove kemi lau kiu shive keno ti ghí pesü pie. 34Tilehi no mishiphu lo xüküami kümtsü Jisü sasü kusho niye wue. Eno kughou panongu no Jisü ithulu keno, Jisü vilo pano ko-aqha qhive no wuve tsülo pi qhüiniju.
المحددات الحالية:
Matt. 8: STB
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Puloshoqhi Akitheu, Sümi Tiqhelimi Bible™
Yekiphechipiu © 2023 by Biblica, Inc.
Puloza lu no peitha ani. Ayeghiqha kümtsü lo puloza lu no peithalu kepu chipiu ani.
New Testament, Sümi New Generation Bible™
Copyright © 2023 by Biblica, Inc.
Used with permission. All rights reserved worldwide.
Matt. 8
8
Jisü no Apügha Kupumi Lakhi Shipivi
1Kughou Jisü no naghuto küdau no iqighi keno timi kutomo no pa papesü ighi. 2Ikelo apügha kupumi lakhi#8:2 Greek tsa pebide keu lo alhoaye lono apügha ipi peitha keu ye aküsǜ jeli khikhi ayiko shipüsave cheni keno tipaqo pesü pi cheni. no ighi püzü pa zülo qhoqhünhe no pi, “Ampeu, nono pulo aghí aye, no ye I shipivive tsülu nanie.”
3Jisü no pa u chhopuwo timi tipau bu no ishi pi, “Ni ye pulo anie, viluvelo.” Paikhavi no timi tipau ye apügha küsǜ lono viluve. 4Tisheno Jisü no pa vilo pi, “No ye timi khuu vilomu pi kevilo. Ikemu achinemiqo lau kimichikütsü shi wu no panongu pìyelo eno Moses no azah tsüpüa keu toi akümlagho pesü mülá lo.”
Aqhe Shou Zatsüu Küpülü
5Kughou Jisü no Capernaum lo ighi keno, aqhe shou zatsüu lakhi no pa lau akukuphu khu ighi. 6Pa no Jisü vilo pi, “Ampeu, I qeu ye aphi ithamlave no ighono ichhe-ime aki lo ihozü anie.”
7Jisü no pa vilo pi, “I no ighino pa shipivive tsüní keshea?”
8Aqhe shou zatsüu no khochile, “Ampeu, O pelo I ki sheqho lo iloghi penike aküzüpu kumoe. Ikemu nono azah tsüve aye I qeu ye viluve nanie. 9Kughengu ni ghí kükagha qholo ani eno I qhou ghüshimiqo anie. I no ghüshimi lakhi vilo, ‘wulo,’ ipi aye pa no wucheni; eno I no, ‘Ighilo,’ ipi aye pa no ighi cheni. I no I qeu vilo, ‘Hipau shilo,’ ipi aye pa no shi cheni.”
10Kughou Jisü no hi chilu keno pa ye akichiqhive eno pa pape chekemiqo vilo pi, “Kuchou no I no nongu vilo pìní, ni ye Israel lo aküpülü kuloghi hitoi kemi lakhimu phu müla aphie. 11I no nongu vilo pìní, kipelau eno kulolau no timi kutomo ighi nani, eno panongu no kungugha kükaphu lo Abraham, Isaac eno Jacob noqo gholo iqa no aghulhu shi nani. 12Ikemu akükaphu lo anani ipi chekeqo ye khalau zümoi keu lo vepheve nani. Tilehi qanimlo eno ahu tsüghü-bubushi keu anani.”
13Tisheno Jisü no aqhe shou zatsüu vilo pi, “Wolo, nono pülü ake toi tishiluve peniu.” Ikelo pa qeu ye tipau süchedo lono shipiviluve.
Jisü no Timi Kutomo Shipivi
14Kughou Jisü no Peter ki lo iloghi keno, Peter pani ye aghamiki püzü alipa lo ihozü aghí keu pa no ithulu. 15Jisü no li u bu kelo ye li phi lono aghakimiki kühave, eno li no paikhavi ithuve püzü achuqupu kutò pe pa tsüe.
16Kughou avela shive keno, tüghaküsa no tsügha pesü akemi kutomo Jisü lau saighi, ikehu pa no pa tsa vechewo tüghaküsa ghawuqo hapheve tsü eno küsükinimi kümtsü shipivi tsü. 17Hi kümtsü shikeu ye Isaiah tungkupuu no pipüa keu shikupu niye ke:
“Pa no ningu kutokumoqo puluve tsü
eno ninguw küsükiniqo puqheluve tsüe.”#8:17 Isa 53:4
Jisü Pape Nikeu Mekusho
18Kughou timi aqokitikhi no pa sühope akeu Jisü no ithulu keno, pa no ayizükucho hukuku küdau wuni keu azah shie. 19Tipathiu ayeza kükütsümi lakhi no Jisü lau ighino pi, “Akükütsüu, nono khila wuni keno ni ghí O papesü wunie.”
20Jisü no khochile, “Aghalotsüqo ye ngo kepu tuki ani eno aghauqo ye apüsü anie, ikemu Timi Nu ye pa kütsü mükhü kepu-a ghí kühae.”
21Akhopemi lakhiu no Jisü vilo pi, “Ampeu, I pelo wu no I pù kumo shiqhove paghi pelo.”
22Ikemu Jisü no pa vilo pi, “I papelo, kithimi pelo kithimi kumo shiqho apelo.”
Jisü no Pasapagha Haküqüsü
23Tipathiu Jisü no ashuka lo iku eno pa khopemiqo no pa papesü ighi. 24Zülile no pasapagha lakhi azüghi shou muqhumüzasü ighi, ikelo azü fukucho pesü ashuka küzüpholuve kepu toive. Ikemu Jisü ye züae. 25Akhopemiqo no wu no Jisü küdaputhu ghi ishi pi, “Ampeu, ningu xalulo! Ningu ye azü no yimive niye shivae!”
26Jisü no khochile, “Nongu aküpülü kitila likhi akeqo, nongu ye kushiye ighono msà ani kea?” Tisheno pa no idaithughi püzü amlhü eno azü fukucho lomipi, ikelo shishe iqünheive.
27Timiqo ye akümzave no ishi iniju, “Hiye kiutoi keu timi kea? Amlhü eno azü fukucho kutólo pa gholu anie!”
Jisü no Tüghaküsa no Tsügha Pesü Akemi Kini Shipivi Tsü
28Kughou Jisü no azüghi tüxau Gadarenes#8:28 Kaku khami lo ye Gergesenes eno itaghi kütauqo lo ye Gerasenes ipi püani ko-aqha lo ighi keno, tüghaküsa no aphi lo ilove kemi kini akumoki lono ipeghino pa sasü kushoe. Pama ye ighono ayiküsa kehu timi khumu tipau là hechesü wumla no ache. 29Pama no ighamuku pi, “Alhou Nu, no ye nikujo lau no kiu avehupu shi ani kea? No ye ado püghüpüa keu tomphi züu no nikujo ghimeqhi niye hilau ighi ani keshea?”
30Pama no ngo akeu-a lono kushuwa kumo lo awo aloji kijè lakhi nguchu ae. 31Tüghaküsaqo no ishi Jisü qhüiniju, “Nono ningu haphe kepu shi aghí aye, awo loji gholo ningu puwu tsülo.”
32Jisü no panongu vilo pi, “Wuvelo!” Ike panongu no ipeghive no awoqo phi lo ilove, eno awo lojiqo kümtsü atuxu lo kohakive iqive no ayizükucho lo ilove püzü pütsüqhive. 33Awo khemiqo no pove püzü mishiphu lo ilo no thowkha kümtsü pesü pi eno tüghaküsa aphi lo ilove kemi lau kiu shive keno ti ghí pesü pie. 34Tilehi no mishiphu lo xüküami kümtsü Jisü sasü kusho niye wue. Eno kughou panongu no Jisü ithulu keno, Jisü vilo pano ko-aqha qhive no wuve tsülo pi qhüiniju.
المحددات الحالية:
:
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Puloshoqhi Akitheu, Sümi Tiqhelimi Bible™
Yekiphechipiu © 2023 by Biblica, Inc.
Puloza lu no peitha ani. Ayeghiqha kümtsü lo puloza lu no peithalu kepu chipiu ani.
New Testament, Sümi New Generation Bible™
Copyright © 2023 by Biblica, Inc.
Used with permission. All rights reserved worldwide.