Génesis 8
8
Was nuhni awi bayakna
1Bahang Papang Noé yak isningkatna dawak kuring nuhni yak di balna bang dai kidika bitik. Dawak kalawak sau minit yakat wing kidika wauhna, dawak was kidika mahka kadana; 2kuma tuhni kau was burhwi kalahwa balna bik putna, kaput bik laih makau kisang dūrni bik putna. Waslauwa kidika dana, 3dawak was kidika mahka kadana tāni. Ma 150 laihwak, was kidika ban yaklakkiuna, 4waiku tiaskaubu laihwa kaupak ma 17 kat, kuring nuhni kidika Ararat asangni yakat kiwi watna. 5Was kidika baisa, kadawi yaklakna, waiku salap laihwak ma as yakat, sipdai talna atnin asang maluihni balna sutni kidika.
6Ma 40 laihwak usnit, Noé witing kuring nuhni yakat windar yamna dai kidika apahna, 7dawak kuma kupaniris kidika uluhna: dawak pini bahlwi awaihna, kiwi, kaiwi uina, tahana sau kidika buhlana atnin yulni. 8Kuma kupaniris uluhna usnit kat, Noé watwi buhtuku kat uluhna, witing talna atnin sau kidika uman buhlanapa; 9kaunah buhtuku kidika watwi nawatwi kaina kat ataknin pāni disdai bahang, kat sau kidika baisa minit yak was duwadai bahang, kaput laih Noé witing tingni yakwi buhtuku bin kidika laihwi kuring nuhni pasyak āna.
10Noé baisa tanit yakat ma 7 tahana dai, usnit kat watwi buhtuku kidika uluhpamwak kiuna. 11Uman puklakwa yakat buhtuku kidika nawatwi kiuna, anani yak olib tingni rahni bin as duwi kiuna, kaput laih Noé kaldakawadai sau kidi buhlakwi. 12Baisa ma tiaskaubu tahana, dawak watwi buhtuku kidi sihna; kaunah buhtuku kidika watwi nawatwi kaiwas dana.
13Noé witing kurih 601 duwa kat sau kidika buhni kalnadai. Waiku tatuna kaupak ma tatuna yakat, Noé witing kuringni nuhni ūnibasta balna kidika yakmukna dai, dawak witing talna sau kidika buhlana dai. 14Waiku bu kaupak ma 27 laihwa yakat sau kidika uman buhlana dai yamni. 15Kaput laih Papang yaklauwi Noé yak kalyulna: 16“Kuring nuhni kaupak alahwah, yalma karak, walambis ahal balna dawak umasah yayal balna karak bik. 17Kaput bik di balna man karak bangdai kidika balna bitik yaktah: di lawani duwa balna, tinglau balna, pasnina kau sau yakat mumurwa balna kidika bik, dawak kidika balna bitik sau kau pa balna bitik yak uiwang, dawak mahni kalsahwi sau adika buhng dadawang.”
18Kaput laih Noé yalni, walanbis ahal balna, unisah yayal balna witingna bitik kuring nuhni paskaupak kalalahna. 19Kaput bik laih tinglau balna dawak asangpas dini balna bitik kalalahna, pasnina kau sau yakat mumurwa balna kidika dawak ma kau yaklauwi yayahlwa balna kidika bik. 20Usnit kat Noé witing sakripais busnin pāni as yamna Dawan ayangni kau, dawak tinglau balna kaput bik di lawani duwa balna maisihni dis balna kidika satni balna kau yakwi Dawan yakat sakripais karauni kauna buswa kapatnah yamna. 21Dawan witing yakat walapni yamni kidika kiwak dakawi yulna: “Sau kidika wattik dutni kalyultas awaki, muih al dutni yamwa kidika yulni, kat muih al kidika wahma kaupak dutni yamnin manah kulwi. Kaput bik laih wattik tinglau balna dawak asangpas dini balna bik ītik distas awaki, waradika yamnayang kapat.
22“Sau kidika ban karang mani,
dahnin bik sakkarang dawak minik bahnin bik;
sakkarang daihni dawak sanni bik,
kaput bik sakkarang wasma dawak kurih bik
madah dawak pukta bik sakkarang.”
المحددات الحالية:
Génesis 8: SUMU
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Biblia Sumo
Texto © Sociedad Bíblica de Nicaragua 1998
Génesis 8
8
Was nuhni awi bayakna
1Bahang Papang Noé yak isningkatna dawak kuring nuhni yak di balna bang dai kidika bitik. Dawak kalawak sau minit yakat wing kidika wauhna, dawak was kidika mahka kadana; 2kuma tuhni kau was burhwi kalahwa balna bik putna, kaput bik laih makau kisang dūrni bik putna. Waslauwa kidika dana, 3dawak was kidika mahka kadana tāni. Ma 150 laihwak, was kidika ban yaklakkiuna, 4waiku tiaskaubu laihwa kaupak ma 17 kat, kuring nuhni kidika Ararat asangni yakat kiwi watna. 5Was kidika baisa, kadawi yaklakna, waiku salap laihwak ma as yakat, sipdai talna atnin asang maluihni balna sutni kidika.
6Ma 40 laihwak usnit, Noé witing kuring nuhni yakat windar yamna dai kidika apahna, 7dawak kuma kupaniris kidika uluhna: dawak pini bahlwi awaihna, kiwi, kaiwi uina, tahana sau kidika buhlana atnin yulni. 8Kuma kupaniris uluhna usnit kat, Noé watwi buhtuku kat uluhna, witing talna atnin sau kidika uman buhlanapa; 9kaunah buhtuku kidika watwi nawatwi kaina kat ataknin pāni disdai bahang, kat sau kidika baisa minit yak was duwadai bahang, kaput laih Noé witing tingni yakwi buhtuku bin kidika laihwi kuring nuhni pasyak āna.
10Noé baisa tanit yakat ma 7 tahana dai, usnit kat watwi buhtuku kidika uluhpamwak kiuna. 11Uman puklakwa yakat buhtuku kidika nawatwi kiuna, anani yak olib tingni rahni bin as duwi kiuna, kaput laih Noé kaldakawadai sau kidi buhlakwi. 12Baisa ma tiaskaubu tahana, dawak watwi buhtuku kidi sihna; kaunah buhtuku kidika watwi nawatwi kaiwas dana.
13Noé witing kurih 601 duwa kat sau kidika buhni kalnadai. Waiku tatuna kaupak ma tatuna yakat, Noé witing kuringni nuhni ūnibasta balna kidika yakmukna dai, dawak witing talna sau kidika buhlana dai. 14Waiku bu kaupak ma 27 laihwa yakat sau kidika uman buhlana dai yamni. 15Kaput laih Papang yaklauwi Noé yak kalyulna: 16“Kuring nuhni kaupak alahwah, yalma karak, walambis ahal balna dawak umasah yayal balna karak bik. 17Kaput bik di balna man karak bangdai kidika balna bitik yaktah: di lawani duwa balna, tinglau balna, pasnina kau sau yakat mumurwa balna kidika bik, dawak kidika balna bitik sau kau pa balna bitik yak uiwang, dawak mahni kalsahwi sau adika buhng dadawang.”
18Kaput laih Noé yalni, walanbis ahal balna, unisah yayal balna witingna bitik kuring nuhni paskaupak kalalahna. 19Kaput bik laih tinglau balna dawak asangpas dini balna bitik kalalahna, pasnina kau sau yakat mumurwa balna kidika dawak ma kau yaklauwi yayahlwa balna kidika bik. 20Usnit kat Noé witing sakripais busnin pāni as yamna Dawan ayangni kau, dawak tinglau balna kaput bik di lawani duwa balna maisihni dis balna kidika satni balna kau yakwi Dawan yakat sakripais karauni kauna buswa kapatnah yamna. 21Dawan witing yakat walapni yamni kidika kiwak dakawi yulna: “Sau kidika wattik dutni kalyultas awaki, muih al dutni yamwa kidika yulni, kat muih al kidika wahma kaupak dutni yamnin manah kulwi. Kaput bik laih wattik tinglau balna dawak asangpas dini balna bik ītik distas awaki, waradika yamnayang kapat.
22“Sau kidika ban karang mani,
dahnin bik sakkarang dawak minik bahnin bik;
sakkarang daihni dawak sanni bik,
kaput bik sakkarang wasma dawak kurih bik
madah dawak pukta bik sakkarang.”
المحددات الحالية:
:
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Biblia Sumo
Texto © Sociedad Bíblica de Nicaragua 1998