LUKAS 24
24
Yesus ebe eluk agaikhe wene
(Mat. 28:1-10; Mrk. 16:1-8; Yoh. 20:1-10)
1Inenggi sabit oba Allah faget weat welagaukwasik, huberat hari Minggu ba hup siakhogoat it hemi omanogo nen amusu tegelogo fesukwa mene omanogo waluk he, oumo warek fesukwaba a'nogo wagaukwa. 2Wagaukwasik ineilenggen kwelakhasukwa re, oumo warek helep mene to'morogo yagarogo fesukwa a'nogo limbilogo lakfesukwama kwe hurik were'ma ineilenggen hasukwa. 3Hasukwasik, inebe oumo kwi lagaukwa re, at Yesus warek ebe le'ma ineilenggen hasukwa. 4Warek ebe le'ma hasukwasik he, ”Yi ninggi'nogo hilinglagama,” iluk inobakheindok palagaikhesik menenei ebetunem, ap inebe pire inasu kut amulit hokho mene laberogo, it hemi ineilhanem aremnogo ka nen heat inera'lu menlasi wagaukwa. 5Wagaukwama re, it hemi omanogo inailo nen inot somarogo were'ma re, it ap pire aremnogo nen hemi omanogo yagaisikhi logolik, mel yagaisasukwa: ”Hit he nenahalok at eluk aga mene andi herarik, afuni warek fisagarek oba yoma waga lagep? 6At ebe yoma lego. Allah nen arat eluget fikhemo o.#Mat. 16:21, 17:22-23, 20:18-19; Mrk. 8:31, 9:31, 10:33-34; Luk. 9:22, 18:31-33 7At attak hit hinom o Galilea logolik, mel yagahisasikhe mene a'nogo hinendawimo ebe'ni. Aren he, An abat ta'lasi wagagi a'nogo noasuageluk nebe ap weak mene inenggiba nobagaumo, eba mennobagaluk noasumo, nenggi pire warek logombik he, henaganek meneba re neluk asigin o, iluk yagahisasikhe a'nogo hinendawimo ebe'ni o,” iluk yagaisasukwama, 8it hemi omanogo hobuk wene Yesus nen yagaisasikhe mene a'nogo inendawimo ebetukwa. 9Inendawimo ebet fuluk, oumo andoma nen inambotkwe oloba lagaukwasik he, it ap inebe 11 nen omanogo inom, it inagaila'lak fena omanogo inom, pilingisogo yagaisasukwa. 10It hemi omanogo inebe re, Maria awi Makdalena mene a'nogo inom, Yohana inom, Maria Yakobus agaisa inom, hemi fena omanogo inomat inebe mondogaren pilingisogo Yesus agoromi lakfisageluk inayonggo fesikhe mene omanogo yagaisa lagaukwa. 11A'nogo yagaisa lagaukwa meneat he, it omanogo eberogoat iluk inendawimo ebeti'lek. We, ineranen ili'lagwi, iluk anggasukwa meneat he, 12at Petrus a'nogo nek he, siakhogo menlagaikhesik, fungusek oumo warek fesukwaba a'nogo eilenggen ha wagaikhe. Wagaikhesik ot somarogo kwelakhasikhe re, asu kut mene a'nogo nonggolek enek were'ma eilenggen hasikhe. A'nogo were'ma hasikhesik he, ”Yi ninggi'nogo hilinglaga. Nailo e,” iluk endawinggen firik oloba lagaikhe.
Ap inebe pire Yesus inom o Emaus waga logolik ineilenggen hasukwa wene
(Mrk. 16:12-13)
13O andi sambulat he, Yesus agoromi ane wanhi lagaukwa mene omanogo inebe pire o Yerusalem en o enu Emaus andoma, we, 3 jam hangge wagaikharek oba wesuogeluk wagaukwa. 14Waga logolik he, yi wene ti wene mondogat hilinglagaikhe mene omanogo abok pilingirik wagaukwa. 15Wene abok pilingirik waga logolik he, at ekhe nen, at ekhe yagatik, at ekhe nen, at ekhe yagatik, ilik wagunem he, at Yesus inombo'ne wagaikhesik inomat wagaukwa. 16Inom wagaukwa meneat he, it ap aremnogo nen enegat futfeinogo iluk ineil afumak salagaikhemo re, ebe enegat futfesukwa lek. 17Wagunem he, at Yesus nen, it aremnogo mel yagaisasikhe: ”Hit hemberegat ebekwe laga logolik, wene nena wene ilik laga lagep,” iluk yagaisasikhemo inelokhonggen heisel fesukwasik he, menlagaukwa. 18Menlagaukwasik he, it aremnogo, at ekhe enu Kleopas nen he, mel yagatikhe: ”Wene age yiat hilinglaga andi, it ap pok o Yerusalem we'luk elama faget werek mene fena mondogat inelu meneat he, hat yi nek he, honggot welagenma higi,” iluk yagatikhemo, 19at Yesus nen he: ”Wene andi ninggi'nogo hilinglaga mene egen,” iluk yagatikhemo, it aremnogo nen he, mel yagatukwa: ”Ap enu Yesus, awi o Nasaret mene andi, ebe Allah ane yagaisikherek meneat logolik he, Allah eilhanem, nit afuni mondogat nineilhanem, wene yagaisigik, yi mene ti mene hilingitik, omamerogo ikhi laga meneat he, 20it ap Allah eisewerek mene inogogwi kaindek inom, nit ninogogwi kaindek inom, inomen wene oba fesukwasik eba menfuluk wasuagelugat inenggiba fagama wata o. 21Nit afuni Israel mene, aren telninabigin iluk ninendawimo anggikhi lago meneat he, eigo! A'nogo arat lagasi'mo nen, ninenggi pire nogo ogo yi o. 22Nen, it hemi nit mene ekhe nen nina'manggen lasi lagaikha aro. It andi hup siakhogoat warek oumo fagaba wagaikha mene re, 23warek ebe le'ma haga o. Ebe legen ineilenggen haluk wagaikhasik he, wene yaganisikhi logolik, Malaikat pogoroba mene nen he, lego. At ebe eluk agama, iluk yaganisagama wago, iluk, a'nogo agama nina'manggen laga o. 24Nen, nit ninagaila'lak fena oumo warek fagaba andi ha wagaikha mene re, ebe legen he, hemi yaganisa lagaikha a'nogo eberogoat higi, iluk, Yesus ebe ineilenggen higi'lek lagaikha aro,” iluk Yesus yagatukwa. 25A'nogo yagatukwama, at Yesus nen he, ”Eige! Hinebe kembu a? Ap Allah ane yagaisikhi lagaukwa mene omanogo nen wene mondogat yagaisikhi lagaukwa a'nogo eberogoat iluk hit weak-weak futfigi'lek welagep yi ri! 26At Kristus Allah nen ayonggo fesikhe a'nogo, yi enggin ti enggin higi'le'ma fogerasugun nogo? Lego. Hugunemen fogerasugun o. Hiren egep andi hilingisugun higithogoat hilingita o,” iluk yagaisasikhe. 27A'nogo yagaisasikhesik he, at onggwarek faget Musa nen lisu palhikhe mene omanogo huli nen pikhit he, it ap Allah ane yagaisikhi lagaukwa mene nen lisu palhukwa omanogo mondogat furogo pilingisogo yagaisasikhe.
28A'nogo yagaisasikhesik, o Emaus wesuogeluk wagaukwa a'nogo arat asi wagaukwasik he, at Yesus a'nogo kwe pikhirat wesigeluk hak hilingitikhe. 29A'nogo hilingitikhemo re, it ap aremnogo nen he, mel yagatukwa: ”Ah! O hubasigeluk, mo arat kobok ikhe yoma re, ninom yoma nogo uogo,” iluk, fakfesukwama re, inom nogo uogeluk oloba kwisukwa. 30Kwisukwasik inom sumburu nuogeluk he, hu'lagaikhesik sumburu roti mene enggimo wanhikhesik he, Allah hai warogo kurogo it aremnogo sumburisasikhe. 31A'nogo hilingitunem, it aremnogo weak-weak ineil afumak salagaikhe mene selek agaikhesik he, enegat futfesukwa. Enegat futfesukwa meneat he, at ebe it inanggele'ma nen ka laga heat longgosikhe. 32A'nogo longgosikhemo it-it mel isukwa: ”Eige! Ebekwe waga logolik he, wene Allah ane lisu palek mene pilingisogo yaganisugu kwelek he, ninendawinggen agaiyek agasik ninendawimo kagauk ikhe a'nogo lek nogo?” iluk isukwa.
33A'nogo isukwasik he, welagi'legat, it a'nogo emberegat siakhogo menla'luk inambotkwe o Yerusalem lagaukwa. Lagaukwa re, at Yesus agoromi inebe 11 omanogo inom, inagaila'lak fena inom, inom andoget fesukwasik mel ugunem isa lagaukwa: 34”Simon Yesus emberek ambi agaikhasik eilenggen hikhe mene andi, Allah nen eberogoat eluget fikhemo werek,” iluk wene pilingitunem lagaukwa. 35Lagaukwasik, it inebe pire aremnogo nen ebe khalem waga logolik Yesus inom hilingitukwa mene inom, sumburu kurogo sumburisugunem ebe futfesukwa mene a'nogo inom, mondok pilingisogo yagaisasukwa.
At Yesus ebe agoromi mondogaren ineilenggen hasukwa wene
(Mat. 28:16-20; Mrk. 16:14-18; Yoh. 20:19-23; Kis. 1:6-8)
36Wene a'nogo oan pilingisogo ugunem, at Yesus ebe ka nen heat inanggele'ma menlagaikhesik he, ”Nagoromi. Hinendawinggen hambukhogo logoni o,” iluk hai warinafunem, 37it omanogo inailo hokhorogo agaikhasik he, munggwat hangge inailo hokhorogo agaukwa. 38Inailo hokhorogo agaukwama re, at Yesus nen it agoromi mel yagaisasikhe: ”Hit he, nenahalok hinailo agepsik eberogoat anggigi'lek hinendawinggen pire welagep? 39An nebe aro. Nenggi neisok yoma hineilenggen neani! An he, neino inom, noak inom, werek andi hak, it munggwat andoma re a'nogo werek lek. Halok he, hinenggi fa'niigik, hineilenggen niigik, ikhi logolik, Yesus ebeat, iluk hinendawimo anggani o,” iluk, 40a'nogo yagaisikhi logolik, at enggi eisok omanogo inugisasikhe. 41A'nogo inugisugunem, it omanogo nen, ”Egi!” iluk fogerati logolik, inendawimo inagaiyegen he, eberogoat iluk oan futfigi'lek were'ma, aren it omanogo yagaisikhi logolik, ”Hit sumburu ekhe fegepma a? Lega,” iluk yagaisasikhemo, 42iren he, ikan werago kurik mene ekhe wogetukwama re, 43aren wanhikhesik he, it omanogo ineilhanemat nasikhe.
44Nasikhesik he, it omanogo mel yagaisasikhe: ”An hit ninom logolik yagahisikhi logolik he: An hilingnabugun mene lisu Musa nen palhik, ap Allah ane yagaisikhi lagaukwa mene omanogo nen palhik, it ekhe nen buku Mazmur oba palhik, palogo fesukwa andi higithogo, an arat hilingnabugun, iluk yagahisikhi lagi a'nogo ebe arat hilinglaga yi o,” iluk, 45Allah ane lisu palek futfouwageluk, it omanogo wene inendawinggen kagalogo yagaisasikhemo futfesukwa. 46A'nogo inendawinggen kagalogo yagaisikhi logolik, ”Allah nen Kristus ayonggo fembik lakfei wesigin isikhe mene lisu mel iluk palek werek: Yi enggin ti enggin hilik-hilik wa'lasimbigen, enggi pire warek logombik henaganek meneba re wa'la'luk lagaikharek oba nen eluk asigin o, iluk lisu palek werek. 47Nen, ekhe mel iluk lisu palek weregat: Hit afuni weak hilingiti lagep mene andi, herakfisaluk hinobabut hebelhep halok he, Allah nen sebelogo legetfisagain o, iluk, at enu hombuk palogo wene ikhi logolik he, ero o Yerusalem huli nen yagaisaluk, pikhit huli yi awi ti awi inunggulenu lombok mondok yagaisilik laga logoino, iluk Allah ane lisu palek weregaro. 48Wene lisu palek werek hak, ebe hilinglaga mene hit hineilenggen hegep mene nenat, it afuni yagaisilik laga logoino. 49Nen, an neisena nen hit wokhisagain, iluk abok yagahisasikhe a'nogo, ogo. An nenat hinoba pelakhisa wesigin o. Mene re, Allah omame pogoroba nen hinoba oan louk i wagi'lek werek kwelek ya re, hinebe o sili yomaat logoino o,” iluk wene warisasikhe.#Kis. 1:4
Yesus Allah nen pogoroba waluk lagasikhe wene
(Mrk. 16:19-20; Kis. 1:9-11)
50At Yesus nen wene a'nogo warisasikhesik, it agoromi omanogo o sili hokhoma nen woginarek wulifikhesik he, o Betania andoma lagaikhe. Lagaikhesik, enggi liakfesikhesik he, ”Allah nen kwelakhinarek logolik fanothinafi logouwago,” iluk hai warinafikhe. 51A'nogo hai warinafu kwelek aremnogoat he, it andem werek kwelek, Allah nen, at ebe hambokhogo waluk pogoroba lagasikhe. 52A'nogo lagagunem he, it agoromi omanogo ineindep awi yagaisogo fogeratukwasik he, inendawimo inagaiyek hokhorogo hasukwasik, o Yerusalem inambotkwe wagaukwa. 53Wagaukwasik, Allah awi wuri'mo logolik he, Allah fogeratu mondok welagaukwa.
المحددات الحالية:
LUKAS 24: inohap
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
LUKAS 24
24
Yesus ebe eluk agaikhe wene
(Mat. 28:1-10; Mrk. 16:1-8; Yoh. 20:1-10)
1Inenggi sabit oba Allah faget weat welagaukwasik, huberat hari Minggu ba hup siakhogoat it hemi omanogo nen amusu tegelogo fesukwa mene omanogo waluk he, oumo warek fesukwaba a'nogo wagaukwa. 2Wagaukwasik ineilenggen kwelakhasukwa re, oumo warek helep mene to'morogo yagarogo fesukwa a'nogo limbilogo lakfesukwama kwe hurik were'ma ineilenggen hasukwa. 3Hasukwasik, inebe oumo kwi lagaukwa re, at Yesus warek ebe le'ma ineilenggen hasukwa. 4Warek ebe le'ma hasukwasik he, ”Yi ninggi'nogo hilinglagama,” iluk inobakheindok palagaikhesik menenei ebetunem, ap inebe pire inasu kut amulit hokho mene laberogo, it hemi ineilhanem aremnogo ka nen heat inera'lu menlasi wagaukwa. 5Wagaukwama re, it hemi omanogo inailo nen inot somarogo were'ma re, it ap pire aremnogo nen hemi omanogo yagaisikhi logolik, mel yagaisasukwa: ”Hit he nenahalok at eluk aga mene andi herarik, afuni warek fisagarek oba yoma waga lagep? 6At ebe yoma lego. Allah nen arat eluget fikhemo o.#Mat. 16:21, 17:22-23, 20:18-19; Mrk. 8:31, 9:31, 10:33-34; Luk. 9:22, 18:31-33 7At attak hit hinom o Galilea logolik, mel yagahisasikhe mene a'nogo hinendawimo ebe'ni. Aren he, An abat ta'lasi wagagi a'nogo noasuageluk nebe ap weak mene inenggiba nobagaumo, eba mennobagaluk noasumo, nenggi pire warek logombik he, henaganek meneba re neluk asigin o, iluk yagahisasikhe a'nogo hinendawimo ebe'ni o,” iluk yagaisasukwama, 8it hemi omanogo hobuk wene Yesus nen yagaisasikhe mene a'nogo inendawimo ebetukwa. 9Inendawimo ebet fuluk, oumo andoma nen inambotkwe oloba lagaukwasik he, it ap inebe 11 nen omanogo inom, it inagaila'lak fena omanogo inom, pilingisogo yagaisasukwa. 10It hemi omanogo inebe re, Maria awi Makdalena mene a'nogo inom, Yohana inom, Maria Yakobus agaisa inom, hemi fena omanogo inomat inebe mondogaren pilingisogo Yesus agoromi lakfisageluk inayonggo fesikhe mene omanogo yagaisa lagaukwa. 11A'nogo yagaisa lagaukwa meneat he, it omanogo eberogoat iluk inendawimo ebeti'lek. We, ineranen ili'lagwi, iluk anggasukwa meneat he, 12at Petrus a'nogo nek he, siakhogo menlagaikhesik, fungusek oumo warek fesukwaba a'nogo eilenggen ha wagaikhe. Wagaikhesik ot somarogo kwelakhasikhe re, asu kut mene a'nogo nonggolek enek were'ma eilenggen hasikhe. A'nogo were'ma hasikhesik he, ”Yi ninggi'nogo hilinglaga. Nailo e,” iluk endawinggen firik oloba lagaikhe.
Ap inebe pire Yesus inom o Emaus waga logolik ineilenggen hasukwa wene
(Mrk. 16:12-13)
13O andi sambulat he, Yesus agoromi ane wanhi lagaukwa mene omanogo inebe pire o Yerusalem en o enu Emaus andoma, we, 3 jam hangge wagaikharek oba wesuogeluk wagaukwa. 14Waga logolik he, yi wene ti wene mondogat hilinglagaikhe mene omanogo abok pilingirik wagaukwa. 15Wene abok pilingirik waga logolik he, at ekhe nen, at ekhe yagatik, at ekhe nen, at ekhe yagatik, ilik wagunem he, at Yesus inombo'ne wagaikhesik inomat wagaukwa. 16Inom wagaukwa meneat he, it ap aremnogo nen enegat futfeinogo iluk ineil afumak salagaikhemo re, ebe enegat futfesukwa lek. 17Wagunem he, at Yesus nen, it aremnogo mel yagaisasikhe: ”Hit hemberegat ebekwe laga logolik, wene nena wene ilik laga lagep,” iluk yagaisasikhemo inelokhonggen heisel fesukwasik he, menlagaukwa. 18Menlagaukwasik he, it aremnogo, at ekhe enu Kleopas nen he, mel yagatikhe: ”Wene age yiat hilinglaga andi, it ap pok o Yerusalem we'luk elama faget werek mene fena mondogat inelu meneat he, hat yi nek he, honggot welagenma higi,” iluk yagatikhemo, 19at Yesus nen he: ”Wene andi ninggi'nogo hilinglaga mene egen,” iluk yagatikhemo, it aremnogo nen he, mel yagatukwa: ”Ap enu Yesus, awi o Nasaret mene andi, ebe Allah ane yagaisikherek meneat logolik he, Allah eilhanem, nit afuni mondogat nineilhanem, wene yagaisigik, yi mene ti mene hilingitik, omamerogo ikhi laga meneat he, 20it ap Allah eisewerek mene inogogwi kaindek inom, nit ninogogwi kaindek inom, inomen wene oba fesukwasik eba menfuluk wasuagelugat inenggiba fagama wata o. 21Nit afuni Israel mene, aren telninabigin iluk ninendawimo anggikhi lago meneat he, eigo! A'nogo arat lagasi'mo nen, ninenggi pire nogo ogo yi o. 22Nen, it hemi nit mene ekhe nen nina'manggen lasi lagaikha aro. It andi hup siakhogoat warek oumo fagaba wagaikha mene re, 23warek ebe le'ma haga o. Ebe legen ineilenggen haluk wagaikhasik he, wene yaganisikhi logolik, Malaikat pogoroba mene nen he, lego. At ebe eluk agama, iluk yaganisagama wago, iluk, a'nogo agama nina'manggen laga o. 24Nen, nit ninagaila'lak fena oumo warek fagaba andi ha wagaikha mene re, ebe legen he, hemi yaganisa lagaikha a'nogo eberogoat higi, iluk, Yesus ebe ineilenggen higi'lek lagaikha aro,” iluk Yesus yagatukwa. 25A'nogo yagatukwama, at Yesus nen he, ”Eige! Hinebe kembu a? Ap Allah ane yagaisikhi lagaukwa mene omanogo nen wene mondogat yagaisikhi lagaukwa a'nogo eberogoat iluk hit weak-weak futfigi'lek welagep yi ri! 26At Kristus Allah nen ayonggo fesikhe a'nogo, yi enggin ti enggin higi'le'ma fogerasugun nogo? Lego. Hugunemen fogerasugun o. Hiren egep andi hilingisugun higithogoat hilingita o,” iluk yagaisasikhe. 27A'nogo yagaisasikhesik he, at onggwarek faget Musa nen lisu palhikhe mene omanogo huli nen pikhit he, it ap Allah ane yagaisikhi lagaukwa mene nen lisu palhukwa omanogo mondogat furogo pilingisogo yagaisasikhe.
28A'nogo yagaisasikhesik, o Emaus wesuogeluk wagaukwa a'nogo arat asi wagaukwasik he, at Yesus a'nogo kwe pikhirat wesigeluk hak hilingitikhe. 29A'nogo hilingitikhemo re, it ap aremnogo nen he, mel yagatukwa: ”Ah! O hubasigeluk, mo arat kobok ikhe yoma re, ninom yoma nogo uogo,” iluk, fakfesukwama re, inom nogo uogeluk oloba kwisukwa. 30Kwisukwasik inom sumburu nuogeluk he, hu'lagaikhesik sumburu roti mene enggimo wanhikhesik he, Allah hai warogo kurogo it aremnogo sumburisasikhe. 31A'nogo hilingitunem, it aremnogo weak-weak ineil afumak salagaikhe mene selek agaikhesik he, enegat futfesukwa. Enegat futfesukwa meneat he, at ebe it inanggele'ma nen ka laga heat longgosikhe. 32A'nogo longgosikhemo it-it mel isukwa: ”Eige! Ebekwe waga logolik he, wene Allah ane lisu palek mene pilingisogo yaganisugu kwelek he, ninendawinggen agaiyek agasik ninendawimo kagauk ikhe a'nogo lek nogo?” iluk isukwa.
33A'nogo isukwasik he, welagi'legat, it a'nogo emberegat siakhogo menla'luk inambotkwe o Yerusalem lagaukwa. Lagaukwa re, at Yesus agoromi inebe 11 omanogo inom, inagaila'lak fena inom, inom andoget fesukwasik mel ugunem isa lagaukwa: 34”Simon Yesus emberek ambi agaikhasik eilenggen hikhe mene andi, Allah nen eberogoat eluget fikhemo werek,” iluk wene pilingitunem lagaukwa. 35Lagaukwasik, it inebe pire aremnogo nen ebe khalem waga logolik Yesus inom hilingitukwa mene inom, sumburu kurogo sumburisugunem ebe futfesukwa mene a'nogo inom, mondok pilingisogo yagaisasukwa.
At Yesus ebe agoromi mondogaren ineilenggen hasukwa wene
(Mat. 28:16-20; Mrk. 16:14-18; Yoh. 20:19-23; Kis. 1:6-8)
36Wene a'nogo oan pilingisogo ugunem, at Yesus ebe ka nen heat inanggele'ma menlagaikhesik he, ”Nagoromi. Hinendawinggen hambukhogo logoni o,” iluk hai warinafunem, 37it omanogo inailo hokhorogo agaikhasik he, munggwat hangge inailo hokhorogo agaukwa. 38Inailo hokhorogo agaukwama re, at Yesus nen it agoromi mel yagaisasikhe: ”Hit he, nenahalok hinailo agepsik eberogoat anggigi'lek hinendawinggen pire welagep? 39An nebe aro. Nenggi neisok yoma hineilenggen neani! An he, neino inom, noak inom, werek andi hak, it munggwat andoma re a'nogo werek lek. Halok he, hinenggi fa'niigik, hineilenggen niigik, ikhi logolik, Yesus ebeat, iluk hinendawimo anggani o,” iluk, 40a'nogo yagaisikhi logolik, at enggi eisok omanogo inugisasikhe. 41A'nogo inugisugunem, it omanogo nen, ”Egi!” iluk fogerati logolik, inendawimo inagaiyegen he, eberogoat iluk oan futfigi'lek were'ma, aren it omanogo yagaisikhi logolik, ”Hit sumburu ekhe fegepma a? Lega,” iluk yagaisasikhemo, 42iren he, ikan werago kurik mene ekhe wogetukwama re, 43aren wanhikhesik he, it omanogo ineilhanemat nasikhe.
44Nasikhesik he, it omanogo mel yagaisasikhe: ”An hit ninom logolik yagahisikhi logolik he: An hilingnabugun mene lisu Musa nen palhik, ap Allah ane yagaisikhi lagaukwa mene omanogo nen palhik, it ekhe nen buku Mazmur oba palhik, palogo fesukwa andi higithogo, an arat hilingnabugun, iluk yagahisikhi lagi a'nogo ebe arat hilinglaga yi o,” iluk, 45Allah ane lisu palek futfouwageluk, it omanogo wene inendawinggen kagalogo yagaisasikhemo futfesukwa. 46A'nogo inendawinggen kagalogo yagaisikhi logolik, ”Allah nen Kristus ayonggo fembik lakfei wesigin isikhe mene lisu mel iluk palek werek: Yi enggin ti enggin hilik-hilik wa'lasimbigen, enggi pire warek logombik henaganek meneba re wa'la'luk lagaikharek oba nen eluk asigin o, iluk lisu palek werek. 47Nen, ekhe mel iluk lisu palek weregat: Hit afuni weak hilingiti lagep mene andi, herakfisaluk hinobabut hebelhep halok he, Allah nen sebelogo legetfisagain o, iluk, at enu hombuk palogo wene ikhi logolik he, ero o Yerusalem huli nen yagaisaluk, pikhit huli yi awi ti awi inunggulenu lombok mondok yagaisilik laga logoino, iluk Allah ane lisu palek weregaro. 48Wene lisu palek werek hak, ebe hilinglaga mene hit hineilenggen hegep mene nenat, it afuni yagaisilik laga logoino. 49Nen, an neisena nen hit wokhisagain, iluk abok yagahisasikhe a'nogo, ogo. An nenat hinoba pelakhisa wesigin o. Mene re, Allah omame pogoroba nen hinoba oan louk i wagi'lek werek kwelek ya re, hinebe o sili yomaat logoino o,” iluk wene warisasikhe.#Kis. 1:4
Yesus Allah nen pogoroba waluk lagasikhe wene
(Mrk. 16:19-20; Kis. 1:9-11)
50At Yesus nen wene a'nogo warisasikhesik, it agoromi omanogo o sili hokhoma nen woginarek wulifikhesik he, o Betania andoma lagaikhe. Lagaikhesik, enggi liakfesikhesik he, ”Allah nen kwelakhinarek logolik fanothinafi logouwago,” iluk hai warinafikhe. 51A'nogo hai warinafu kwelek aremnogoat he, it andem werek kwelek, Allah nen, at ebe hambokhogo waluk pogoroba lagasikhe. 52A'nogo lagagunem he, it agoromi omanogo ineindep awi yagaisogo fogeratukwasik he, inendawimo inagaiyek hokhorogo hasukwasik, o Yerusalem inambotkwe wagaukwa. 53Wagaukwasik, Allah awi wuri'mo logolik he, Allah fogeratu mondok welagaukwa.
المحددات الحالية:
:
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول