KEJADIAN 1
1
Tutuik la'eneu lalai-a, ma daebafak-ka dada'din-na
1Nai makasososa oe-oen-na, fo nai lelek Manetualain mulai nakadada'dik lalai-a, ma daebafak-ka, 2daebafak-ka beita nalupa hata esa boen, ma beita nanaito-atok fa. Tasi matuaina liin-nala napoponu, de ana sa'e-na basa hata lala'en-na, ma makiu-makahatuk-ka potin-nan, tehu Manetualain koasan-na nakabale nai oe lain. 3#2Kor. 4:6Manetualain kokolak nae, “Mangale'dok-ka da'di leona!” Boema mangale'dok-ka da'di. 4Manetualain nita manada'dik ndia boema namahoko. Boema Ana ta'da fe'e mangale'dok ndia, neme makahatuk-ka mai, 5de Ana foi mangale'dok ndia, na'de “Lele'dok” ma makahatuk ndia, na'de “Le'odaek”. Le'odaek-ka basan boema fafaik-ka da'di. Fo ndia nde, fai ka esan-na.
6-7 #
2Ptr. 3:5
Basa boema, Manetualain kokolak nae, “Buas esa, sama leo uma hunuk-ka, da'di leona, fo ela ana ba'e oe ndia neu dua, de Ana kena ketu oe ndia, nai mamana mana kofe'ek dua dalek.” Boema, ana da'di leona. Leondiak, Manetualain taon-na buas esa, sama leo uma hunuk-ka, fo ana ba'e oe manai uma hunuk ndia dae, neme oe manai uma hunuk ndia lain. 8Ana foi buas fo sama leo uma hunuk ndia, na'de “Lalai” Le'odaek-ka seli, boema fafaik-ka da'di. Fo ndia nde fai ka duan-na.
9Basa boema, Manetualain kokolak nae, “Ela leo been-na, oe manai lalai-a dae, ana faa leo mamanak esa neu, fo ela hapu dae ma'dak.” Boema ana da'di leona. 10Manetualain foi dae manama'dak ndia, na'de “Dae ma'dak”, ma Ana foi oe makabubuak ndia, na'de “Tasi”. De Manetualain nita manada'dik ndia, boema namahoko. 11Manetualain kokolak seluk nae, “Ela leo been-na, dae-a, ana kalua basa hata manamolik lala'en-na, fo nde ai fo, naboa ai de'e mata-matak-kala, ai maboa mata-matak-kala.” Boema, ana da'di leona. 12Leondiak dae-a, ana kalua basa manamoli mata-matak lala'en-na. De Manetualain nita manada'dik ndia, boema namahoko. 13Le'odaek-ka seli boema, fafaik-ka da'di. Fo ndia nde, fai ka telun-na.
14-15Basa boema, Manetualain kokolak nae, “Ela leo been-na, hapu buas mangale'dok nai lalai, fo nangale'do-na, daebafak-ka, fo ana ta'da fe'e lele'dok-ka neme le'odaek-ka mai, ma soaneu natu'du faik, teuk, ma agama fai malole-na, dada'din-na.” Boema ana da'di leona. 16Leondiak, Manetualain tao buas mangale'dok matuaina dua, fo nde le'do-a, fo ana koasa nai fai lele'don-na, ma bulak-ka, fo ana koasa nai fai le'odaen-na; fe'ek neme ndia mai, Ana tao nduuk-kala boe. 17Manetualain pe'da buas mangale'dok sila-la neu lalai, fo langale'do-la daebafak-ka, 18fo ala koasa lele'dok-ka, ma le'odaek-ka, ma soaneu ala ta'da fe'e mangale'dok-ka neme makahatuk-ka mai. De Manetualain nita manada'dik ndia, boema namahoko. 19Le'odaek-ka seli, boema fafaik-ka da'di. Fo ndia nde, fai ka haan-na.
20Basa boema, Manetualain kokolak nae, “Ela leo been-na, mahahae maso'dak makadotok lakalalapa lai oe dale, ma manupui makadotok bee-laa lai lalai.” 21Boema Manetualain nakadada'dik bana matuaina-la lai tasi dale, ma basa mahahae maso'da mata-matak-kala, lai oe dale, ma basa manupui mata-matak lala'en-na. De Manetualain nita manada'dik sila-la, boema namahoko. 22Manetualain ba'e-pala basa sila lala'en-na, nenik Ana fe paleta neu mahahaek fo, laso'da lai oe dale, fo ela lamade'u, fo ala tao lahenu tasi-a, ma neu manupui-la, fo ela boetai lamaba'uk-ka. 23Le'odaek-ka seli boema, fafaik-ka da'di. Fo ndia nde fai ka 5-na.
24Basa boema, Manetualain kokolak nae, “Ela leo been-na, daebafak-ka kalua basa bana kamaus mata-matak-kala, ma bana fuik mata-matak-kala, lai ma'dak lain, nau ana do matua boe.” Boema ana da'di leona. 25Leondiak, Manetualain tao basa sila-la, de nita manada'dik ndia, boema namahoko.
26 #
1Kor. 11:7
Basa boema, Manetualain nafa'da nae, “Besak ia, Ata tao hataholi daebafak-ka, fo neukose ana da'di sama-na leo Ita, ma lupa-aon sama leo Ita. Neukose, ala koasa basa i'ak-kala, manupui-la, ma basa bana fe'ek-kala, nau kamaus do fuik boe, nau matua do ana boe.” 27#Mat. 19:4; Mrk. 10:6#Kej. 5:1-2Leondiak, Manetualain nakadada'dik hataholi daebafak-ka, ma nakadada'dik-kasa sama leo Aoinan-na mesak-kana. 28Basa boema, Ana fes baba'e-papalak, nenik hala-kokolak nae, “Bongi-ma, upu-anak makadotok, fo ela o tititi-nonosim leo lahenu daebafak-ka lala'en-na, boema, ala koasa daebafak-ka. Au fe emi bela-ba'uk, fo ito-ato i'ak-kala, manupui-la, ma basa bana fuik-kala. 29Soaneu o nana'a-nininum soona, Au fe o basa hata manamolik mata-matak, fo labuna-laboa aide'ek, ma aiboak mata-matak lala'en-na. 30Tehu ba'eneu basa manupui, ma bana fuik lala'en-na, Au fes na'u ma na'u-aiana madook lala'en-na, da'di sila nana'an-nala.” Boema ana da'di leona. 31Manetualain nita, Ana taon-na basa hata lala'en-na ndia boema, namahoko nanseli. Le'odaek-ka seli, boema fafaik-ka da'di. Fo ndia nde fai ka 6-na.
المحددات الحالية:
KEJADIAN 1: twu
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول