Deuteronomio 3
3
Yë Israel ja'ayëty tyajkutëkoytyë yë Og, jampë yajkutukyën Basán
1Ënet ojts wiinkpë tu'u npëktës ets nëjkxtës jam Basán. E yë Og mëti'ipë jam yajkutujkpën, ojts xynyitsoontës mëët nimay yë tsyiptuunpëtëjk ets tsyiptuna'any mëët ëëtsëty jam Edrei.
2Ënätës yë Dios xy'ënëmaay: Këtii tääpë ja'ay xytyimtsë'ëkëty. Jä'ä ko yë'ë tëëjës nkë'ëyäky ma mijtsën, mëët tëkokyë yë tsyiptuunpëtëjk ets nyaax kyajpn. Ets jëtu'un o'ktëy xytyunëty tä xytyuunyën yë Sihón, jampë ënety y'ëne'emyën Hesbón ma Amor ja'ayëtyën.
3Jëtu'un'äämpy ojts yë nWintsën'ajtëm Dios tkë'ëyäky yë Og ma ëëtsëtyën mëët tëkokyë yë tsyiptuunpëtëjk ets nyaj'o'ktaaytyës nitëkokyë, nitu'uk ojts juuky kyawë'ëmy. 4Ja nyaax kyajpn ojts niwa'ktaayëtës ets nitu'uk ojts nkayajwë'ëmtës, jä'ä nyiwinë'ajtë tëkë'px ja kajpn, jampë ënety yajpaatën, ma ja it naaxwiinyëtë txëëwatyën Argob, mëti'ipë nyiwäämpyën ja Og jampë y'ëne'emyën Basán. 5Tëkokyë tääpë naax kajpn aak napotsy ets kuwa'any ijtyëty, oyëty ets ta'tspëkyëty yë nyitëjk'aaw. Ëpëky näjyëtu'un ja kajpnëty mëti'ipë ka'ap nyapotsy'atën.
6Tëkokyë tääpë kajpn ojts nyajkutëkooytya'atës, jëtu'un tä ënety të ntuntënës ja Sihón ja nyaax kyajpn jampë y'ëne'emyën Hesbón. Wa'ats nyaj'o'ktaaytyës ye'etyëjk to'oxytyëjk ets mëjpë mutskpë. 7Yi'iyë ojts nyajwë'ëmtës yë jëyujk tsajpkaa ets winëjaty mëti'ipë tsoowpaatyëtyën.
8Jä'ä xëëw nimäjtsk ojts ja yajkutujkpë tyimtëkoytyë, mëti'ipë Amor ja'ayëtyën; jampë tsyëënëtën a'oytsyow ma ja Jordán mëjnëëjën, jam tsyo'ontä'äky ma ja Arnón mëjnëëjën ets tyimja'ty jam ma ja Hermón mëj kopkën. 9Ya'atë kopk, yë Sidónja'ayëty jä'ä tijtë Sirión, e yë Amor ja'ayëty jä'ä tijtë Senir. 10Tëkokyë yë naax kajpn mëti'ipë ënety jam nijoykyëjxm yajpatpën, tëkokyë jënu'un yë Galaad tnitänën ets Basán, jam jyä'ty ma txëëwatyën Salcá ets Edrei, ja naax kajpn mëti'ipë ënety nyitënääpyën yë Og, jampë Basán, wa'ats ojts nyajkutëkooytya'atës. 11Yë yajkutujkpë Og, yi'iyë ënety tu'uk jaakwë'ëmp ma Refa ja'ayëtyën. Yë myaapäjn aak juunpujxn ënety mëët y'oytyunyëty ets jä'ä y'ayenyëty mäjtsk xajpk ja mäjtsk kë'ënux ets myëjwiinëty tu'kxajpk. Tyampaat jaakyaj'ijxp yë jëtu'unpë ma Amón ja'ayëtyën jam Rabá.
Rubén ja'ay, Gad ja'ay tsyënaaytyaknpëktë jam xëëwpëtsëmtsyow
12Ja naax kam mëti'ipë ojts niwa'aktësën jä'ä xëëw jä'ä jëmëjt, yë'ë ojts nmo'otës yë Rubén yë jyä'äjëty ets Gad yë jyä'äjëty. Jam tsyo'ontä'äky ma Aroer mëjnëëjën ets nyäxy ma ja Arnón mëjnëëpa'ajën, kujkwä'kxy ja Galaad kopkjot tpëjky, mëët ja nyikajpn. 13E ja kujkwä'kxy ja Galaad ja y'itjot ets tëkokyë ja Basán ja y'itjot, mëti'ipë ënety ja Og kutujktakn të tnitänën ets ja Argob ja y'itjotm, ja y'itjotm mëti'ipë ënety ja Refa ja'ayëty nyitënaaytyëpën, yë'ëjës ojts ntukë'ëtëkëtë yë Manasés yë jyä'äy kujkwä'kxy. 14Yë Jair, yë jyä'äy yë Manasés, yë'ë ojts tniwä'äky yë Argob yë y'itjot jampaat ma nyäpyäätyë mëët yë Guesur ets Maacá ets ojts txëëwmo'oy ja itjot, jëtu'un tä ënety yë'ë kë'ëm txëëwatyën, jä'ä ojts tijy Havot-jair, tyampaat jëtu'un yajtijp, mëti'ipë ijty tëëyëp yajtijpën Basán. 15Yë Maquir yë'ëjës ojts nmo'oy yë Galaad yë y'it nyaaxwiinyëtë. 16E yë Rubén yë jyä'äy ets Gad yë jyä'äy yë'ëjës ojts nmo'otë yë Galaad yë y'it nyaaxwiinyëtë, ma mëët nyäpyäätyë ja Arnón mëjnëë. Jam ojts nyämyëtsëpa'an'atëtë joyjyotm ets tyimja'ty ma Jaboc mëjnëëjën, ma ja tsyëpa'an nyaxtën ja Amón ja'ayëty. 17Yë'ëjës ojts näjyëtu'un nmo'otë yë Arabá, ëpa'tkë'ëytsyowpë ja naax kam yajpaatyën, ma ja Piskë kopkën ets jam jyëjpkëjxy ma ja Jordán mëjnëëjën. Jam tsyo'ontä'äky ma ja Cineret mëjmejyën ets jyëjpkëxy jam ma ja Arabá mëjmejyën, yë'ë mëti'ipë näjyëtu'un yajtijpën Ooky myëj mejy.
18Ënet ojts ya'atë ënä'ämën miits nmo'otë jä'ä xëëw jä'ä jëmëjt: Yë Wintsën mëti'ipë mTiosajtëpën, yë'ë ya'atë naax kam mooyëtëp ets xyjyä'ä'atëty. Ko tëkokyë mëti'ipë tsiptuuntëpën, wä'än tpëjkë'ëktë mëti'ipë myëtsiptuuntëpën ets twinye'eytyëty yë myëku'uktëjkëty Israel ja'ayëty. 19Yi'iyë nëjkx wyë'ëmtë ma ja naax kajpnën mëti'ipë miits të nmo'otën. Ja to'oxytyëjkëty, ja pi'k'ëna'këty ets ja jëyujk tsajpkaajëty mëti'ipës nija'apën ko xymyëët'atë. 20E ëjts Wintsën, ëjts yam ënaanp, pën ka'ap ja mjëëkyëty mmëku'ukëty oy jotkujk yajpaatënëm, jëtu'un tä miitsëtyën ets ka'ap ja nyaax kyam tpëktënëm mëti'ipës yë'ë nmo'ojantëpën jam awinmtsow ma ja Jordán mëjnëëjën. Miitsëty ka'ap tjëkyepy mwinpitëty ets mnëjkxtëty ma ja itjotmën mëti'ipë të nmo'otën.
21Yë Josué jëtu'unës të n'ënëëmë: Tëë kë'ëm xytyim'ixy wi'ix yë mWintsën të tunyën tääpë nimäjtskpë yajkutujkpëty. E jëtu'un tuna'any oy mëti'ipë yajkutujkpëty, maajaty ënety miits mnaxtën. 22Ni pën xykyatsë'ëkëty. Jä'ä ko yë mWintsën mkuwa'ananëp ets mnitsiptunanëp.
Yë Wintsën ka'ap t'ëwa'atsy ets Moisés tyëkëty jam Canaán nyaaxjotm
23Jä'ä xëëw jä'ä po'o ojts yë Dios nmënu'kxtä'äkyës etsës t'ënëmaay: 24Wintsën mijts ëka'any të xytyuk'ixy ya'atë mtuunpë yë mmëkajtën ets m'oyajtën. Ka'ap ma wiinkpë jëtu'unpë Dios myëjëtyën tä mijtsën, jam tsajpkëjxm ets yaa naaxkëjxy ets jëtu'unpë tyajkëxë'ëkyën ja myëj'ajt y'oyajtën. 25Tun yë mëyajtën, tyam nmënu'kxtä'äky; yajnajxkës jam nëë'awinm ma Jordán nëëjën. Tuk'ijxkës tampë yë naax oypyë tsujpë, ma ja tun kopk janty oypyë yaj'ixyën ets ja Líbano y'it nyaaxwiinyëtën. 26E yë Dios ëjts ojts xytyukjoot'anpëkyës mëët miitskyëjxmëty. Yë'ë ka'ap t'ëwatsy tääjës nja'ënëmaayën, je'eyës ojts xy'ënëëmë, këtii nëkoo wi'ix m'ëk'ënanë. Ëjts ka'apës jëtu'unpë n'ëknimëtya'akanë mëët mijts. 27Pät jam kopkkëjxm ma txëëwatyën Pisgá ets xynyajts'ixëty tääpë itjot, jampaat ëpa'tkë'ëmtsow, anëkëjxytsyow, a'oytsyow ets anajnytsyow. Yë Jordán mëjnëë ka'ap xytyuknaxëty. 28Tuk'ëwaanë yë Josué tii mëpaat tunyën, jotmëkmo'o, winma'anymyo'o; jä'ä ko tyam yë'ë naax kajpn tyu'uwinye'eyäämpy, tyimja'tëty jam ma ja itjotmën, mëti'ipë jyä'ä'atantëpën, tyampë xy'ixa'anyën.
29E jëtu'un ojts jam nwë'ëmtës joyjyotm, winkon ma txëëwatyën Bet-peor.
المحددات الحالية:
Deuteronomio 3: QUETZMIXE
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Biblia Dc en Mixe de Quetzaltepec, Oaxaca México © Sociedad Bíblica de México, A.C.
Deuteronomio 3
3
Yë Israel ja'ayëty tyajkutëkoytyë yë Og, jampë yajkutukyën Basán
1Ënet ojts wiinkpë tu'u npëktës ets nëjkxtës jam Basán. E yë Og mëti'ipë jam yajkutujkpën, ojts xynyitsoontës mëët nimay yë tsyiptuunpëtëjk ets tsyiptuna'any mëët ëëtsëty jam Edrei.
2Ënätës yë Dios xy'ënëmaay: Këtii tääpë ja'ay xytyimtsë'ëkëty. Jä'ä ko yë'ë tëëjës nkë'ëyäky ma mijtsën, mëët tëkokyë yë tsyiptuunpëtëjk ets nyaax kyajpn. Ets jëtu'un o'ktëy xytyunëty tä xytyuunyën yë Sihón, jampë ënety y'ëne'emyën Hesbón ma Amor ja'ayëtyën.
3Jëtu'un'äämpy ojts yë nWintsën'ajtëm Dios tkë'ëyäky yë Og ma ëëtsëtyën mëët tëkokyë yë tsyiptuunpëtëjk ets nyaj'o'ktaaytyës nitëkokyë, nitu'uk ojts juuky kyawë'ëmy. 4Ja nyaax kyajpn ojts niwa'ktaayëtës ets nitu'uk ojts nkayajwë'ëmtës, jä'ä nyiwinë'ajtë tëkë'px ja kajpn, jampë ënety yajpaatën, ma ja it naaxwiinyëtë txëëwatyën Argob, mëti'ipë nyiwäämpyën ja Og jampë y'ëne'emyën Basán. 5Tëkokyë tääpë naax kajpn aak napotsy ets kuwa'any ijtyëty, oyëty ets ta'tspëkyëty yë nyitëjk'aaw. Ëpëky näjyëtu'un ja kajpnëty mëti'ipë ka'ap nyapotsy'atën.
6Tëkokyë tääpë kajpn ojts nyajkutëkooytya'atës, jëtu'un tä ënety të ntuntënës ja Sihón ja nyaax kyajpn jampë y'ëne'emyën Hesbón. Wa'ats nyaj'o'ktaaytyës ye'etyëjk to'oxytyëjk ets mëjpë mutskpë. 7Yi'iyë ojts nyajwë'ëmtës yë jëyujk tsajpkaa ets winëjaty mëti'ipë tsoowpaatyëtyën.
8Jä'ä xëëw nimäjtsk ojts ja yajkutujkpë tyimtëkoytyë, mëti'ipë Amor ja'ayëtyën; jampë tsyëënëtën a'oytsyow ma ja Jordán mëjnëëjën, jam tsyo'ontä'äky ma ja Arnón mëjnëëjën ets tyimja'ty jam ma ja Hermón mëj kopkën. 9Ya'atë kopk, yë Sidónja'ayëty jä'ä tijtë Sirión, e yë Amor ja'ayëty jä'ä tijtë Senir. 10Tëkokyë yë naax kajpn mëti'ipë ënety jam nijoykyëjxm yajpatpën, tëkokyë jënu'un yë Galaad tnitänën ets Basán, jam jyä'ty ma txëëwatyën Salcá ets Edrei, ja naax kajpn mëti'ipë ënety nyitënääpyën yë Og, jampë Basán, wa'ats ojts nyajkutëkooytya'atës. 11Yë yajkutujkpë Og, yi'iyë ënety tu'uk jaakwë'ëmp ma Refa ja'ayëtyën. Yë myaapäjn aak juunpujxn ënety mëët y'oytyunyëty ets jä'ä y'ayenyëty mäjtsk xajpk ja mäjtsk kë'ënux ets myëjwiinëty tu'kxajpk. Tyampaat jaakyaj'ijxp yë jëtu'unpë ma Amón ja'ayëtyën jam Rabá.
Rubén ja'ay, Gad ja'ay tsyënaaytyaknpëktë jam xëëwpëtsëmtsyow
12Ja naax kam mëti'ipë ojts niwa'aktësën jä'ä xëëw jä'ä jëmëjt, yë'ë ojts nmo'otës yë Rubén yë jyä'äjëty ets Gad yë jyä'äjëty. Jam tsyo'ontä'äky ma Aroer mëjnëëjën ets nyäxy ma ja Arnón mëjnëëpa'ajën, kujkwä'kxy ja Galaad kopkjot tpëjky, mëët ja nyikajpn. 13E ja kujkwä'kxy ja Galaad ja y'itjot ets tëkokyë ja Basán ja y'itjot, mëti'ipë ënety ja Og kutujktakn të tnitänën ets ja Argob ja y'itjotm, ja y'itjotm mëti'ipë ënety ja Refa ja'ayëty nyitënaaytyëpën, yë'ëjës ojts ntukë'ëtëkëtë yë Manasés yë jyä'äy kujkwä'kxy. 14Yë Jair, yë jyä'äy yë Manasés, yë'ë ojts tniwä'äky yë Argob yë y'itjot jampaat ma nyäpyäätyë mëët yë Guesur ets Maacá ets ojts txëëwmo'oy ja itjot, jëtu'un tä ënety yë'ë kë'ëm txëëwatyën, jä'ä ojts tijy Havot-jair, tyampaat jëtu'un yajtijp, mëti'ipë ijty tëëyëp yajtijpën Basán. 15Yë Maquir yë'ëjës ojts nmo'oy yë Galaad yë y'it nyaaxwiinyëtë. 16E yë Rubén yë jyä'äy ets Gad yë jyä'äy yë'ëjës ojts nmo'otë yë Galaad yë y'it nyaaxwiinyëtë, ma mëët nyäpyäätyë ja Arnón mëjnëë. Jam ojts nyämyëtsëpa'an'atëtë joyjyotm ets tyimja'ty ma Jaboc mëjnëëjën, ma ja tsyëpa'an nyaxtën ja Amón ja'ayëty. 17Yë'ëjës ojts näjyëtu'un nmo'otë yë Arabá, ëpa'tkë'ëytsyowpë ja naax kam yajpaatyën, ma ja Piskë kopkën ets jam jyëjpkëjxy ma ja Jordán mëjnëëjën. Jam tsyo'ontä'äky ma ja Cineret mëjmejyën ets jyëjpkëxy jam ma ja Arabá mëjmejyën, yë'ë mëti'ipë näjyëtu'un yajtijpën Ooky myëj mejy.
18Ënet ojts ya'atë ënä'ämën miits nmo'otë jä'ä xëëw jä'ä jëmëjt: Yë Wintsën mëti'ipë mTiosajtëpën, yë'ë ya'atë naax kam mooyëtëp ets xyjyä'ä'atëty. Ko tëkokyë mëti'ipë tsiptuuntëpën, wä'än tpëjkë'ëktë mëti'ipë myëtsiptuuntëpën ets twinye'eytyëty yë myëku'uktëjkëty Israel ja'ayëty. 19Yi'iyë nëjkx wyë'ëmtë ma ja naax kajpnën mëti'ipë miits të nmo'otën. Ja to'oxytyëjkëty, ja pi'k'ëna'këty ets ja jëyujk tsajpkaajëty mëti'ipës nija'apën ko xymyëët'atë. 20E ëjts Wintsën, ëjts yam ënaanp, pën ka'ap ja mjëëkyëty mmëku'ukëty oy jotkujk yajpaatënëm, jëtu'un tä miitsëtyën ets ka'ap ja nyaax kyam tpëktënëm mëti'ipës yë'ë nmo'ojantëpën jam awinmtsow ma ja Jordán mëjnëëjën. Miitsëty ka'ap tjëkyepy mwinpitëty ets mnëjkxtëty ma ja itjotmën mëti'ipë të nmo'otën.
21Yë Josué jëtu'unës të n'ënëëmë: Tëë kë'ëm xytyim'ixy wi'ix yë mWintsën të tunyën tääpë nimäjtskpë yajkutujkpëty. E jëtu'un tuna'any oy mëti'ipë yajkutujkpëty, maajaty ënety miits mnaxtën. 22Ni pën xykyatsë'ëkëty. Jä'ä ko yë mWintsën mkuwa'ananëp ets mnitsiptunanëp.
Yë Wintsën ka'ap t'ëwa'atsy ets Moisés tyëkëty jam Canaán nyaaxjotm
23Jä'ä xëëw jä'ä po'o ojts yë Dios nmënu'kxtä'äkyës etsës t'ënëmaay: 24Wintsën mijts ëka'any të xytyuk'ixy ya'atë mtuunpë yë mmëkajtën ets m'oyajtën. Ka'ap ma wiinkpë jëtu'unpë Dios myëjëtyën tä mijtsën, jam tsajpkëjxm ets yaa naaxkëjxy ets jëtu'unpë tyajkëxë'ëkyën ja myëj'ajt y'oyajtën. 25Tun yë mëyajtën, tyam nmënu'kxtä'äky; yajnajxkës jam nëë'awinm ma Jordán nëëjën. Tuk'ijxkës tampë yë naax oypyë tsujpë, ma ja tun kopk janty oypyë yaj'ixyën ets ja Líbano y'it nyaaxwiinyëtën. 26E yë Dios ëjts ojts xytyukjoot'anpëkyës mëët miitskyëjxmëty. Yë'ë ka'ap t'ëwatsy tääjës nja'ënëmaayën, je'eyës ojts xy'ënëëmë, këtii nëkoo wi'ix m'ëk'ënanë. Ëjts ka'apës jëtu'unpë n'ëknimëtya'akanë mëët mijts. 27Pät jam kopkkëjxm ma txëëwatyën Pisgá ets xynyajts'ixëty tääpë itjot, jampaat ëpa'tkë'ëmtsow, anëkëjxytsyow, a'oytsyow ets anajnytsyow. Yë Jordán mëjnëë ka'ap xytyuknaxëty. 28Tuk'ëwaanë yë Josué tii mëpaat tunyën, jotmëkmo'o, winma'anymyo'o; jä'ä ko tyam yë'ë naax kajpn tyu'uwinye'eyäämpy, tyimja'tëty jam ma ja itjotmën, mëti'ipë jyä'ä'atantëpën, tyampë xy'ixa'anyën.
29E jëtu'un ojts jam nwë'ëmtës joyjyotm, winkon ma txëëwatyën Bet-peor.
المحددات الحالية:
:
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Biblia Dc en Mixe de Quetzaltepec, Oaxaca México © Sociedad Bíblica de México, A.C.