Éxodo 33
33
Ma ja Wintsën tni'ënä'ämën ets tyu'uye'eytyëty
1Tä yë Dios t'ënëmaay yë Moisés:
Nëjkx ënät tyam, tsoon yaa ma ya'atë it naaxjotmën, woownëjkx ya'atë naax kajpn mëti'ipë jap mju'tën Egiptë. Jam tyam nëjkxtë ma ja it naaxjotmën mëti'ipës ojts ja Abraham, Isaac ets Jacob ntukwinwanëtën, koos yë y'u'unk y'okëty nmo'oja'antës tääpë it naaxwiinyëtë. 2Ëjts tyamës yë nkukäjpxy nkäxa'any mëti'ipë mtu'uwinye'eyëtëpën ets n'ëxwojpta'aja'anyës jam ma nyaaxëty kyajpnëtyën yë Canaán ja'ayëty, Amor ja'ayëty, Hit ja'ayëty, Ferez ja'ayëty, Heve ja'ayëty ets Jebús ja'ayëty. 3Jam nëjkxtë ma ka'ap ninu'un ja jë'kxy pëky y'ëmaaytyä'äkyën. E tyam yajxon ntimy'ënëëmëtë, ko ëjts ka'apës n'ëknëjkxanë mëët miitsëty, këtiipë muum tu'ujoty nyajkutëkoytyëty. Jä'ä ko miitsëty mkujuun oyëty ets ninu'un mkakäjpxyjyä'äkyukëtë.
4Ko ja ja'ayëty jëtu'un ja aaw ayuk tmëtoowtë, mëk ojts tjawëtë ets ojts myontë tyuktë. Ka'ap ojts ja nyantsëmëty, tyatsktëyëty, ëkë kyë'ëjiitsëty tpëjkta'aktë. 5Jä'ä ko yë Dios tyaa ënety yë Moisés të t'ënëëmë:
Ënëëmë yë Israel ja'ayëty: Miitsëty ka'ap ninu'un mkäjpxyjyä'äkyukëtë, yajxon mjanty kyujuun'atë. Koos tu'ktsojkyë nyajpaatëty ma miitsëtyën poj'am yaa nyajkutëkooytya'atëty. Paaty tyam yajjënaktë yë mtatsktëyëty, mkë'ëjiitsëty ets mnantsëmëty ets n'ixëtyës wi'ix yam miits nmëwinma'anypyaatë.
6Jam jëtu'un ojts ëka'any ja Israel ja'ayëty ka'ap t'ëkpëjktaknëtë ja kyë'ëjiitsëty, tyatsktëyëty ets ja nyantsëmëty.
Ja wit tëjk ma ja näpyaatë y'ityën mëët ja Tios
7Ënet ja Moisés ojts tyajpëtë'ëky ya'atë wit tëjk ets ojts jëkäm tmënëjkxy ets txëëwmooy, wit tëjk ma ja näpyaatë y'ityën mëët ja Dios. Ko ënety tii ja ja'ayëty tnijawëja'antë ma ja Tiosën, jam poj'am nyëjkxtë ma ja wit tëjkën, jampë yajpaatyën ëpëky ma ja ja'ay jam tsyëënëtën. 8Ko ja ijty ja Moisés jam nyijkxy ma ja wit tëjkën, ënätyë ja ja'ayëty pyëtsëëmta'atë ma ja wyittëjkëtyën ets jam wyë'ëmta'atë tänë tyëjk'ëkë'ëmëty. T'ixtë ko ja Moisés jam nyijkxy, koonëm jam jyä'ty ets tyëkë jatëkok tëkoty. 9Ko ja Moisés jap tyëkë ma ja wit tëjkën, ja yoots nëma'a ënätyë nyäpyëjktakta'ayë jam tëjknëkëjxm, jä'ä y'aju'uxtujkpy ja tëjkëtyakn ko ja Dios myëtyä'äky mëët ja Moisés. 10Ko ja ja'ayëty jëtu'un t'ixtë ja yoots jam nyäpyëjktä'äkyë ma ja wit tëjk yajnitëkën, ënät nyäkyoxtënaaytya'akëtë jam tyëjk'ëkë'ëmëty ets tyaj'ixëtë jëtu'un ja näwyinkutsë'ëkë ma ja Tiosën.
11Dios wiinxë jëjpxë ijty mëët ja Moisés tyimmëtyä'äky, jëtu'un ijxtëm yë ja'ay tu'kjëëky tu'kmëku'uk xyony y'ityën, ko myëtyakta'atë, tääts ja Moisés ijty jatëkok wyimpijnë ma ja y'ijtakn tmëët'atyën. Ja tyuunpë mëti'ipë xyëëwajtypyën Josué, yë myaank yë Nun, ka'ap ënety ninu'un tyimtsoony jam ma ja wit tëjkën, ma ja Dios jam kyëtä'äkyën.
Yë Tios tuk'ixy yë Moisés yë myëj'ajt y'oyajtën
12Ënet yë Moisés t'ënëmaay yë Dios:
Ëk'ix Dios, mijts jëtu'un të m'ëna'any koos ya'atë naax kajpn ntu'uwinye'eyëty, je'eyëp ko mijts ka'apës xytyuk'ëwaanë pën mëët ntu'uwinye'eyëtyës ets näjyëtu'un m'ëna'any ko xytyukjotkujk'ajtpës ets xy'oyjya'apës. 13E pën janty tëy m'ëna'any, tuknija'awëkës tii mtuknipëjktakëp etsës akujk jotkujk nwë'ëmëty, jëtu'un mijts xëmë ntuk'ijxpätëty, yë'ë ëkmëmay ëkmëtaj, ko ya'atë naax kajpn mijts yë mjä'ä.
14Tä ja Dios ojts y'ëtsoyë:
Këtii mmay mtajy, ëjts yam mijts kë'ëm njämyëët'atäämpy ets jëtu'un mpo'kxëty.
15E ja Moisés tyaa y'ëtsooy:
Pën mijts ka'ap ëëtsëty xypyanëjkxtë, nikë këtiis yaa xytyimyajtsoontëty. 16Jä'ä ko pën mijts ka'ap mnëjkxy mëët ëëtsëty ¿wi'ix jëtu'un yë käjpxy y'ëna'anëty, ko ya'atë kajpn yë'ë mëët myëtyä'äky yë mputëjk mpupäjtën? Jä'ä ko ya'atë kajpn paaty jëtu'un tëkatsy yajtijtë ma wiinkëtypë kajpnën, jä'ä ko mijts myajTios'aty.
17Ya'atë mëti'ipë yam të xynyikäjpxyën ntunäämpyës yam, jä'ä ko mijts ntuk'ijxpejtyp ets ntukjotkëtäkpy, jëtu'un ja Dios t'ëtsooy ja Moisés. 18Tä ja Moisés ojts tmënu'kxtä'äky ja Dios ets t'ënëmaay:
Tuk'ijxkës yë mmëj'ajt m'oyajtën.
19E yë Dios tyaa y'ëtsooy:
Tëkokyës yë n'oyjot n'oywyinma'any mijts yam nmo'ojäämpy ets mijts mwintuuy nikajpxa'anyës yë nxëëwës. Npa'ëyowëpës pën ënety npa'ëyowäämpyës ets nnajts'ëyowëpës pën ënety nnajts'ëyowëjäämpyës. 20E tyam mijts yajxon n'ënëëmëty, ko yë nwiin njëjpës ka'ap tjëkyepy mijts nijëna'a xy'ixëty, jä'ä ko ka'ap tjëkyepy pën xy'ixëtyës ets ënät je'eyëm njuuky'ajt'ëtë'ëtsëty.
21Ënet ojts näjyëtu'un y'ënä'äny yë Dios:
Ëk'ix, yam ma ëjtsën tyam tu'uk yë joyjyot, yam tsaakëjxm mkëxwa'akëty. 22E koos ënety ëjts ja nmëj'ajt n'oyajtën nyäxy, jap poj'am nyajtëkëja'any tsaajutjoty ets mëët yë nkë'ëjës n'ëtuka'any, koonëmës ënety të nnaxy. 23Ënätës yë nkë'ë ok njëpëka'any, täätsës nëjkx yi'iyë xy'ijxë yë njëxk, jä'ä ko yë nwiin njëjpës ka'ap mëpaat ni pën t'ixy.
المحددات الحالية:
Éxodo 33: QUETZMIXE
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Biblia Dc en Mixe de Quetzaltepec, Oaxaca México © Sociedad Bíblica de México, A.C.
Éxodo 33
33
Ma ja Wintsën tni'ënä'ämën ets tyu'uye'eytyëty
1Tä yë Dios t'ënëmaay yë Moisés:
Nëjkx ënät tyam, tsoon yaa ma ya'atë it naaxjotmën, woownëjkx ya'atë naax kajpn mëti'ipë jap mju'tën Egiptë. Jam tyam nëjkxtë ma ja it naaxjotmën mëti'ipës ojts ja Abraham, Isaac ets Jacob ntukwinwanëtën, koos yë y'u'unk y'okëty nmo'oja'antës tääpë it naaxwiinyëtë. 2Ëjts tyamës yë nkukäjpxy nkäxa'any mëti'ipë mtu'uwinye'eyëtëpën ets n'ëxwojpta'aja'anyës jam ma nyaaxëty kyajpnëtyën yë Canaán ja'ayëty, Amor ja'ayëty, Hit ja'ayëty, Ferez ja'ayëty, Heve ja'ayëty ets Jebús ja'ayëty. 3Jam nëjkxtë ma ka'ap ninu'un ja jë'kxy pëky y'ëmaaytyä'äkyën. E tyam yajxon ntimy'ënëëmëtë, ko ëjts ka'apës n'ëknëjkxanë mëët miitsëty, këtiipë muum tu'ujoty nyajkutëkoytyëty. Jä'ä ko miitsëty mkujuun oyëty ets ninu'un mkakäjpxyjyä'äkyukëtë.
4Ko ja ja'ayëty jëtu'un ja aaw ayuk tmëtoowtë, mëk ojts tjawëtë ets ojts myontë tyuktë. Ka'ap ojts ja nyantsëmëty, tyatsktëyëty, ëkë kyë'ëjiitsëty tpëjkta'aktë. 5Jä'ä ko yë Dios tyaa ënety yë Moisés të t'ënëëmë:
Ënëëmë yë Israel ja'ayëty: Miitsëty ka'ap ninu'un mkäjpxyjyä'äkyukëtë, yajxon mjanty kyujuun'atë. Koos tu'ktsojkyë nyajpaatëty ma miitsëtyën poj'am yaa nyajkutëkooytya'atëty. Paaty tyam yajjënaktë yë mtatsktëyëty, mkë'ëjiitsëty ets mnantsëmëty ets n'ixëtyës wi'ix yam miits nmëwinma'anypyaatë.
6Jam jëtu'un ojts ëka'any ja Israel ja'ayëty ka'ap t'ëkpëjktaknëtë ja kyë'ëjiitsëty, tyatsktëyëty ets ja nyantsëmëty.
Ja wit tëjk ma ja näpyaatë y'ityën mëët ja Tios
7Ënet ja Moisés ojts tyajpëtë'ëky ya'atë wit tëjk ets ojts jëkäm tmënëjkxy ets txëëwmooy, wit tëjk ma ja näpyaatë y'ityën mëët ja Dios. Ko ënety tii ja ja'ayëty tnijawëja'antë ma ja Tiosën, jam poj'am nyëjkxtë ma ja wit tëjkën, jampë yajpaatyën ëpëky ma ja ja'ay jam tsyëënëtën. 8Ko ja ijty ja Moisés jam nyijkxy ma ja wit tëjkën, ënätyë ja ja'ayëty pyëtsëëmta'atë ma ja wyittëjkëtyën ets jam wyë'ëmta'atë tänë tyëjk'ëkë'ëmëty. T'ixtë ko ja Moisés jam nyijkxy, koonëm jam jyä'ty ets tyëkë jatëkok tëkoty. 9Ko ja Moisés jap tyëkë ma ja wit tëjkën, ja yoots nëma'a ënätyë nyäpyëjktakta'ayë jam tëjknëkëjxm, jä'ä y'aju'uxtujkpy ja tëjkëtyakn ko ja Dios myëtyä'äky mëët ja Moisés. 10Ko ja ja'ayëty jëtu'un t'ixtë ja yoots jam nyäpyëjktä'äkyë ma ja wit tëjk yajnitëkën, ënät nyäkyoxtënaaytya'akëtë jam tyëjk'ëkë'ëmëty ets tyaj'ixëtë jëtu'un ja näwyinkutsë'ëkë ma ja Tiosën.
11Dios wiinxë jëjpxë ijty mëët ja Moisés tyimmëtyä'äky, jëtu'un ijxtëm yë ja'ay tu'kjëëky tu'kmëku'uk xyony y'ityën, ko myëtyakta'atë, tääts ja Moisés ijty jatëkok wyimpijnë ma ja y'ijtakn tmëët'atyën. Ja tyuunpë mëti'ipë xyëëwajtypyën Josué, yë myaank yë Nun, ka'ap ënety ninu'un tyimtsoony jam ma ja wit tëjkën, ma ja Dios jam kyëtä'äkyën.
Yë Tios tuk'ixy yë Moisés yë myëj'ajt y'oyajtën
12Ënet yë Moisés t'ënëmaay yë Dios:
Ëk'ix Dios, mijts jëtu'un të m'ëna'any koos ya'atë naax kajpn ntu'uwinye'eyëty, je'eyëp ko mijts ka'apës xytyuk'ëwaanë pën mëët ntu'uwinye'eyëtyës ets näjyëtu'un m'ëna'any ko xytyukjotkujk'ajtpës ets xy'oyjya'apës. 13E pën janty tëy m'ëna'any, tuknija'awëkës tii mtuknipëjktakëp etsës akujk jotkujk nwë'ëmëty, jëtu'un mijts xëmë ntuk'ijxpätëty, yë'ë ëkmëmay ëkmëtaj, ko ya'atë naax kajpn mijts yë mjä'ä.
14Tä ja Dios ojts y'ëtsoyë:
Këtii mmay mtajy, ëjts yam mijts kë'ëm njämyëët'atäämpy ets jëtu'un mpo'kxëty.
15E ja Moisés tyaa y'ëtsooy:
Pën mijts ka'ap ëëtsëty xypyanëjkxtë, nikë këtiis yaa xytyimyajtsoontëty. 16Jä'ä ko pën mijts ka'ap mnëjkxy mëët ëëtsëty ¿wi'ix jëtu'un yë käjpxy y'ëna'anëty, ko ya'atë kajpn yë'ë mëët myëtyä'äky yë mputëjk mpupäjtën? Jä'ä ko ya'atë kajpn paaty jëtu'un tëkatsy yajtijtë ma wiinkëtypë kajpnën, jä'ä ko mijts myajTios'aty.
17Ya'atë mëti'ipë yam të xynyikäjpxyën ntunäämpyës yam, jä'ä ko mijts ntuk'ijxpejtyp ets ntukjotkëtäkpy, jëtu'un ja Dios t'ëtsooy ja Moisés. 18Tä ja Moisés ojts tmënu'kxtä'äky ja Dios ets t'ënëmaay:
Tuk'ijxkës yë mmëj'ajt m'oyajtën.
19E yë Dios tyaa y'ëtsooy:
Tëkokyës yë n'oyjot n'oywyinma'any mijts yam nmo'ojäämpy ets mijts mwintuuy nikajpxa'anyës yë nxëëwës. Npa'ëyowëpës pën ënety npa'ëyowäämpyës ets nnajts'ëyowëpës pën ënety nnajts'ëyowëjäämpyës. 20E tyam mijts yajxon n'ënëëmëty, ko yë nwiin njëjpës ka'ap tjëkyepy mijts nijëna'a xy'ixëty, jä'ä ko ka'ap tjëkyepy pën xy'ixëtyës ets ënät je'eyëm njuuky'ajt'ëtë'ëtsëty.
21Ënet ojts näjyëtu'un y'ënä'äny yë Dios:
Ëk'ix, yam ma ëjtsën tyam tu'uk yë joyjyot, yam tsaakëjxm mkëxwa'akëty. 22E koos ënety ëjts ja nmëj'ajt n'oyajtën nyäxy, jap poj'am nyajtëkëja'any tsaajutjoty ets mëët yë nkë'ëjës n'ëtuka'any, koonëmës ënety të nnaxy. 23Ënätës yë nkë'ë ok njëpëka'any, täätsës nëjkx yi'iyë xy'ijxë yë njëxk, jä'ä ko yë nwiin njëjpës ka'ap mëpaat ni pën t'ixy.
المحددات الحالية:
:
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Biblia Dc en Mixe de Quetzaltepec, Oaxaca México © Sociedad Bíblica de México, A.C.